This topic contains 12 replies, has 3 voices, and was last updated by 
-
Topic
-
Framkvæmdir í Síðumúla eru komnar í sumarfrí þannig að maður finnur sér eitthvað annað skemmtilegt að gera.
Talstöðin er komin í jeppann þá er næst að hugsa fyrir loftdælu.
Jeppinn er LandCruiser 90 með 3ja lítra 1KZ-TE díselvélinni.
Ég býst við að fara erfiðari og dýrari leiðina og smíða festingar fyrir A/C dælu á mótorinn.
Ég mældi götin á heddinu þar sem dælan kemur upprunalega (allavega í einhver af þeim).
Framan á heddinu eru 3 stk. 8mm snittaðar holur.
Á hliðinni farþega-megin er ein 10mm snittuð hola ofarlega og 75mmaftan við hana er önnur 8mm og ein 8mm snittuð neðar.
Ég er að dunda mér við að teikna þetta upp í Libre-Cad forritinu (fínt að nota tækifærið og læra á það).
Einnig er ég búinn að finna góðar upplýsingar með öllum málum á Sanden-A/C -dælum;Það má hver sem er taka þessar teikningar og nota þær að villd (og gagnrýna þær), hvort sem hann er að setja loftdælu, rjómaþeytara eða rennibekk við vélina.
Viðhengi:
-
Replies
-
Get ekki annað en mælt með Áhaldaleigunni (stórhöfða 35). Ég sendi teikningarnar í tölvupósti og það var búið að skera þetta eftir um klukkutíma. Verðið er líka fínt, efniskostnaður plús 8-kr hver sentimetri skorinn.
Jamil átti til dælu sem ég keypti.
Svo er að athuga hvernig hún er að innan, og þá rífur maður rassinn á henni í sundur.
Og eitthvað hefur hún hitnað einhverntímann…
Stimplarnir voru þó í sæmilegu lagi, þeir sem hafa verið efst í dælunni hafa hitnað en eru ekki skemmdir að ráði.
Áfram með smjörið;
Mér tókst eftir mikla leit að finna stút sem passar beint á dæluna, var áður búinn að reka hálft starfsliðið í fjórum verslunum algerlega á gat. Vökvakerfi (í Dugguvogi) var síðasta stopp og strax og elsti starfsmaðurinn kom frá tannlækni þá uppgötvaðist að af öllum gengjutýpum þá passaði Caterpillar upp á þetta.
Maður sér til hvort stúturinn sé of groddalegur, en verklegur er hann.
Svo var farið í að slípa upp strokkana sem höfðu hitnað. Einnig voru olíugöngin milli fram- og afturhlutans blinduð með skrúfu og pakkningalími.
Ég ákvað að prófa aðra útgáfu af festingunni og Hebbi í áhaldaleigunni skar hana út áður en hann fór í frí.
Þarna er maður með eitt stykki í stað fjögurra (en það þarf samt að sjóða í hornin).
Svona leit CAD-teikningin út;
Svo var farið í að beygja þetta til (notaði prófíltengið, krafttöng og klaufhamar), en þyrfti að fínvinna þetta á góðum steðja og í skrúfstykki.
Þetta passar ágætlega á vélina, en fínvinnan ætti að skila þessu 100%
Áfram mjakast þetta, búið að sjóða festingarnar saman og búið að máta dæluna við. Fyrri útgáfan af festingunni passar aðeins betur.
Næst er að fá passlega reim, fínt að nota skóreim og klemmu til að mæla fyrir henni.
Reimin komin á og strekkt, og þegar straumur var settur beint á þá dældi hún.
Næst er að tengja eitthvað betra en þessa sprautunál sem var á dælunni, einnig set ég olíuskilju til öryggis, en hún er bara búin til út fittings.
Sæll Jón
Væri hægt að fá nánari upplýsingar um olíuskiljuna hjá þér? T.d. hvernig hún tengist, hvað þú setur inn í hólkinn og hvort það sé einhver hólfun inn í hólknum.
Kv. Steinar
Loftið kemur inn um stóra stútinn og fer út um bláu slönguna. Aftöppunarventillinn sem ér á sama té-inu og stóri stúturinn snýr niður. Stóra minnkunin sem hnéð með bláu slöngunni skrúfast í snýr upp.
Ég býst ekki við að setja neitt inn í hólkinn og hann er ekki hólfaður niður. Þetta er aðallega til að grípa smá slef, enda á dælan ekki að leka neinu út að ráði.
Dreif mig loksins í að klára þetta, (ekki þó alveg) var kominn með olíuskilju frá Kína.
Notaði góða veðrið til að koma henni fyrir, og þá vantar bara eina hosuklemmu og raflagnirnar.Viðhengi:
Jæja, þá var maður orðinn leiður á að þurfa alltaf að opna húddið og brasa með krókódílaklemmur til að koma dælunni af stað. Þannig að maður náði í stýristraum aftan úr kveikjaratenginu og tengi á rofa og relay. Virkar vel þó að Murphy virtist á tímabili hafa ákveðið að taka sumarfríið á hlaðinu hjá mér.
Viðhengi:
Hvaða olíu notar þú í kerfið
Ég nota gírolíu. Dælan er það slitin að það gubbast eitthvað með stimplunum (þess vegna er ég með olíuskilju) en það er ekki mikið. En það kemur smá smit í slönguna. Og ég nota 20cc lyfjadælu (beljusprautu) til að koma olíunni á dæluna.
Þessar dælur eru þannig gerðar að þær þola allan andskotann. Sumir gefa þeim bara skot úr smurkönnu í inntakið fyrir hverja ferð, aðrir eru með olíuglös og aðrir blinda á milli eins og ég gerði og nota koppafeiti.
You must be logged in to reply to this topic.