This topic contains 17 replies, has 1 voice, and was last updated by 
-
Topic
-
Um kl. 9 í morgun lagði u.þ.b. 40 bíla hópur upp frá Select við Vesturlandsveg. Ætlunin er að aka þjóðveginn gegnum Hvalfjarðargöngin, um Borgarfjörð og síðan verður hópurinn þéttur í Húsafelli. Þaðan er svo ætlunin að aka að skálanum Jaka við rætur Langjökuls.
-
Replies
-
Hópurinn er þessa stundina staddur í Húsafelli. Verið að fara yfir loft í dekkjum, úthluta talstöðum o.s.frv. Veðrið leikur við ferðalanga og er ætlunin að leggja af stað upp að skálanum Jaka innan skamms.
Það er að frétta að ferðin gengur virkilega vel. Allur hópurinn er kominn í Jaka og um 20 bílar hafa þegar lagt á jökulinn.
Á leiðinni í Jaka var eitthvað um smávægilegar krapafestur, en auðveldlega gekk að losa bílana. Eftir að hafa hleypt frekar úr dekkjunum voru þessar hindranir úr sögunni.
Þessa stundina er skafrenningur og örlítil snjókoma og er reiknað með að fara ekki seinna en kl. 15 niður af jöklinum þar eð veðurspáin gerir ráð fyrir versnandi veðri.
Það verður spennandi kl 15.00 hvort allir skili sér af jökli ?
heirðist aðeins í þeim á tetra… og seinustu bílarnir eru að leggja af stað niður fra jaka… var blinnt á jöklinum
Var að heyra í aðalfararstjóra og er það helst að frétta að allir bílar eru komnir niður af Langjökli að skálanum Jaka. Skyggni var orðið frekar blint þ.a. afráðið var að flýta för ofan af jöklinum. Hópurinn er svo að leggja af stað í Húsafell og er ekki annað að heyra en að ferðalangar séu almennt ánægðir með vel heppnaða ferð. Þess ber að geta að veðrið er ágætt við Jaka og á leiðinni í Húsafell.
Það er nýjast að frétta að ákveðið var að skipta upp hópnum og fara stærri bílarnir Kaldadalinn heim en þeir minni fara um Húsafell.
Eitthvað ætlar Kaldidalurinn að reynast erfiður yfirferðar. Talsvert um festur o.þ.h. þannig að ferðin sækist hægt.
Þá eru allir bílar komnir yfir hindrunina og hópurinn farinn að nálgast Skjaldbreiðar afleggjarann.
Kaldidalur um Kaldadal frá Kaldadal til Kaldadals
Var að heyra að hópurinn er núna kominn í þjónustumiðstöðina á Þingvöllum. Þar verður pumpað í dekkin og ekið rakleiðis í bæinn.
Þá er enn einni Litlunefndarferðinni lokið. Þessi ferð heppnaðist mjög vel. Um 40 bílar voru í hópnum, en í fyrsta sinn prófuðum við að skipta hópnum upp í minni hópa og var einn fararstjóri í hverjum hóp. Þar að auki voru öryggisbílar og aðalfararstjóri var einnig utan hópa. Mér fannst þetta takst vel, en við eigum eftir að fara nánar yfir þetta á næsta fundi Litlunefndar.
Þetta gekk auðvitað vel vegna þess að við erum með frábæra fararstjóra og hópurinn sem kom með okkur var einnig mjög góður og þakka ég öllum fyrir góðan dag.
Eins og Ásgeir hefur sagt hér að ofan fórum við þjóðveginn í Húsafell og þaðan upp að Jaka. Við Jaka var hleypt úr og fóru hóparnir hver fyrir sig upp jökulinn. Skemst er frá því að segja að flestir komust upp á hábunguna en aðrir vel upp í jökulinn, í amk 1100 metra hæð. Einn bíll var skilinn eftir í um 800 metrum og sóttur á bakaleiðinni.
Það var mjög blint á jöklinum og keyrðum við eftir GPS tækjum upp jökulinn og að hluta til niður aftur. Þá birti til og eftir það gekk á með éljum. Færið var ágætt og lítið breyttir bílar fóru næstum alveg upp eftir að hafa hleypt vel úr.
Þegar niður var komið var ákveðið að skipta upp hópnum, minni bílarnir fóru í Húsafell en við hinir fórum Kaldadal. Það gekk ágætlega, þrátt fyrir smávægilegar festur og komust allir á endanum til byggða.
Ég þakka fararstjórunum aftur fyrir frábært starf og þátttakendum fyrir mjög góðan dag.
Kv. Óli, Litlunefnd
Vil bara þakka fyrir mig og minn hóp, hóp 5.
Fórum upp á hábungu, eða í 1350 metra hæð, uppi voru hugmyndir í hópnum að fara yfir og niður í slunkaríki en sökum veðurs ákváðum við að gera það ekki, einnig var óvíst með færið þegar þangað væri komið.
Snerum því við og fórum aftur niður í Jaka og tókum svo bara Kaldadalinn.
Ég var á minnsta bílnum Cherokee á 31 tommu og komumst við upp á hábungu með með því að laumast í hóp stærri og var það frábært þó svo skyggnið væri þannig að einu sinni steig ég á bremsuna til að vita hvort við væri á ferð eða spólandi föst.
Ég reyndist vera á ferð þannig að ekkert var að vanbúnaði að ná toppnum.
Fór Kaldadalinn til baka og náði einu festunni minni þar þegar klaki í lækjarbotni gaf sig og bíllinn settist.
Frábær hópur þannig að við Emilía skemmtum okkur vel og þökkum fyrir daginn.
Kveðja
Atli og Emilía
Þakka kærlega fyrir mig. Skemmtilegur dagur og aðeins hægt að brasa smá, sem er bara gaman.
.
kkv, Áhöfn Undanfara II, Úlfr
E-1851
Ég vil þakka Litlunefnd og öllum þeim sem voru með í dag fyrir skemmtilega ferð og vil ég þakka sérstaklega hinum frábæra hóp 3
.
Við (hópur 3) komumst upp á hábungu án vandræða en skyggnið var nánast ekkert. Á tímabili var ég hættur að trúa GPS-inum sem sagði að við værum á hreyfingu En eins og oftast þá hafði hann rétt fyrir sér. Flestir ef ekki allir voru ánægðir að vera komnir á bunguna og vildu halda lengra en voru sammála um að réttast væri að halda niður af jökli þar sem veðrið var farið að versna.
.
Kaldidalur var skemmtileg og óvænt viðbót. Bara gaman af því. Nokkrar minniháttar festur til að liðka spottann.
.
Skipulagning ferðarinnar var að mínu mati til fyrirmyndar og er þróunin hjá nefndinni mjög góð og vel staðið að flestum ef ekki öllum hlutum.Takk fyrir daginn,
Óli og Hrafnhildur
Terranó
Takk kærlega fyrir mig gaman að þessu. Ég skellti nokkrum myndum inn á Facebook, gaman væri að sjá fleiri myndir þar…. sérstaklega ef þið eigið myndir af mér
http://www.facebook.com/photo_search.ph … 7978463683
og
http://www.facebook.com/photo_search.ph … 570&ref=ts
kv, Bjarni (38" Tacoma)
Setti nokkrsr myndir inn á Photobucket undir jonarnig og er best að skoða frá bls4 og aftur á bak.. Þakka góðan dag á fjöllum.. kv Jón G. Dodge Durango
linkur http://s289.photobucket.com/albums/ll21 … /?start=60
You must be logged in to reply to this topic.