This topic contains 8 replies, has 1 voice, and was last updated by 
-
Topic
-
Hópur um 40 bíla lagði upp frá Select kl. rúmlega 9 í morgun og var stefnan sett á þjónustumiðstöðina á Þingvöllum. Þaðan er svo ætlunin að aka Kaldadalinn að Langjökli.
-
Replies
-
Fyrir skömmu lagði hópurinn af stað frá Þingvöllum. Ekki var að heyra annað en að stemmningin væri góð og menn spenntir að takast á við það sem var framundan.
Veðrið er gott þessa stundina, hitinn vel yfir frostmarki, hægur vindur og smá úrkoma. Vegir eru auðir og engin hálka eins og kannski var óttast um í byrjun.
Var rétt í þessu að heyra í fararstjóra. Hópurinn er núna við línuveginn þar sem hann greinist inn Kaldadalinn eða að Skjaldbreið. Ferðin sækist hægt vegna krapa þar sem þarf að draga minni bílana yfir. Ferðalangar láta ekki smá hindranir hafa áhrif á góða skapið og halda ótrauðir áfram.
Þessa stundina er matarhlé við sæluhúsið við Skjaldbreiðarveg.
Vegna erfiðrar færðar er búið að breyta ferðatilhögun. Í stað þess að reyna að komast að Langjökli verður farið Uxahryggi í Lundarreykjardalinn og yfir Draghálsinn. Ferðalok verða svo í Ferstiklu.
Frekari fréttir koma eftir rúman klukkutíma.
Hópurinn er núna á leiðinni eftir Lundarreykjadalnum að Draghálsi í alveg ágætis færi. Veðrið er frekar leiðinlegt þessa stundina þ.a. ekið verður rakleiðis í Ferstiklu. Ekki er búist við neinum frekari töfum á leiðinni og því verða fréttirnar ekki uppfærðar fyrr en hópurinn er kominn á áfangastað.
Þá er þessari Litlunefndarferð lokið, henni var slitið við Ferstiklu í Hvalfirði um kl. 15:00. Ferðin var frekar endaslepp, en fararstjórar ákváðu um hádegisbilið að halda til byggða, en þá hafði hópurinn aðeins náð að sæluhúsinu við skjalbreiðarveg. Það tók um 2 tíma að koma hópnum í gegn um 2 krapapytti. Snjóalög voru vægast sagt mjög takmörkuð, slóðinn snjólaus að mestu, en stöku krapapyttir. Drullusósa var í slóðanum sjálfum. Óformlegir undanfarar voru búnir að skoða framhaldið og aðeins var veruleg bleyta og krapi framundan. Í ljósi þess og slæmrar veðurspár var ákveðið að snúa frá og reyna betur síðar. Nokkrir úr hópnum tóku sig út á leiðinni, einhverjir fóru inn á Haukadalsheiðina og ég veit af 2 bílum sem ætluðu upp að Húsafelli og þaðan á jökulinn eða amk að honum.
Ég vona að ferðalangar hafi ekki orðið fyrir vonbrigðum með þessa ferð, en svo getur þetta stundum verið…… Það gengur bara betur næst, en næsta ferð litlunefndar verður í rjómablíðu og nægum snjó, laugardaginn 21. mars !
Ég þakka samfylgdina í dag, sérstaklega fararstjórahópnum sem var frábær.
Kv. Óli
Það er spurning hvort þið farið næst upp hjá Húsafelli. Lengri þjóðvegarakstur en mjög stutt á jökulinn.
Kv Eyþór
Jæja, maður kominn mjög snemma heim, enda er það skiljanlegt
Enginn snjór…. En ég tók nokkrar myndir í dag, er búinn að láta þær inn hjá mér, albúmið er merkt.Kveðja, jonni
Takk fyrir skemmtilega ferð.
Ég ákvað að reyna Skorradalsveginn á heimleiðinni. Í slakkanum ofan Fitja fyrir botni Skorradals höfðu leysingar skolað línuveginum burt á smákafla og nánast metradjúpur skorningur í veginn og snjór í honum ofanverðum. Eg reyndi samt yfirferð með því að fara eins ofarlega og ég taldi mögulegt. Auðvitað rann bíllinn niður í skorninginn og spólaði hvort sem ég reyndi áfram eða aftur á bak. Bíllinn hallaðist talsvert og bæði til hliðar og niður í skorninginn. Þá bar ég grjót framan við framhjólin þannig að smá grjótundirstaða myndaðist. Fór síðan með járnkarlinn (úr járni, ekki áli) ca 30 m fram fyrir bílinn og rak hann niður með slaghamri þar til einungis 20 cm voru upp úr jörð. Síðan spilaði ég bílinn upp. Þá var ég ánægður með mig þegar það tókst enda farinn að halda að ég þyrfti að brjóta odd af oflæti mínu og kalla eftir aðstoð en ég heyrði samskipti nefndarinnar í talstöðinni á þessum stað. Síðan hélt ég ferðinni áfram norðan Skorradalsvatns (búinn að fá nóg og lét því syðri leiðina bíða í þetta sinn) ÉG hef stundum ekið með línunni yfir í Svínadal en lét hana eiga sig í þetta sinn enda örugglega bráðófær í þessu tíðarfari.
Með bestu kveðju og takk fyrir mig
Pétur
You must be logged in to reply to this topic.