This topic contains 13 replies, has 1 voice, and was last updated by 
-
Topic
-
Ákveðið hefur verið að í næstu ferð Litlunefndar verði farið Kaldadal upp að Jaka og gægst aðeins upp á Langjökull. Ferðinni verður svo slitið í Húsafelli. Opnað verður fyrir skráningu í ferðina sunnudaginn 6. nóvember og verður það nánar auglýst á heimasíðunni.
Spánefnd Litlunefndar spáir skemmtilegri ferð með hæfilegum skammti að snjó og hvetjum við alla byrjendur í jeppamennsku og aðra áhugasama til að skrá sig.
Sjáumst hress, Litlanefndin
-
Replies
-
Opnum fyrir skráningar á sunnudaginn. Um að gera að fylgjast með.
kv. Óli, Litlunefnd
Nú hefur verið opnað fyrir skráningar í Litlunefndarferðina 12. nóvember. Sjá nánari upplýsingar hér á forsíðunni.
Kv. Óli, Litlunefnd
Það streyma inn skráningar svo það borgar sig að skrá sig sem fyrst, áður en allt fyllist.
kv. Óli, Litlunefnd
Kemst því miður ekki með í þessa ferð. Góða ferð og góða skemmtun.
Kv. Pétur
Pétur þú kemur bara með næst
Annars minni ég á að skráningin er aðeins opin í ca. sólarhring í viðbót. Nokkur pláss eru enn laus. Reynslan sýnir að síðasta daginn er oft mikið um skráningar og því um að gera að skrá sig sem fyrst.
kv. Óli
Í dag er síðasti skráningardagur, við lokum fyrir skráningarnar í kvöld.
Í kvöld kl. 20:30 verður jafnframt kynningarfundur vegna ferðarinnar og eru allir þátttakendur hvattir til að mæta. Nýliðar geta svo sótt byrjendanámskeið í jeppamennsku eftir kynningarfundinn.
kv. Óli, Litlunefnd
Lokað hefur verið fyrir skráningar í Litlunefndarferðina um helgina og allir þátttakendur fengið tölvupóst með ferðatlihögun og öðrum upplýsingum um ferðina. Ef einhver hefur ekki fengið þær upplýsingar getur sá hinn sami óskað eftir upplýsingum hjá Litlunefnd á póstfangið litlanefndin@f4x4.is, eða á þessum spjallþræði.
kv. Óli, Litlunefnd
Jæja, Fyrstu fréttir af ferðlöngunum.
Var að tala við Björn fararstjóra núna kl. 9:30. Fyrstu bílar komnir á Þingvelli og síðasti bíll við Laxnes, áætlunin var að hinkra eftir hópnum og halda af stað upp að vörðu, þar sem Björn ætlar að gefa skýrslu um hvernig gengur.
Þetta er myndarlegur hópur sem telur 39 bíla, farastjórar meðtaldir.Veður lítur ágætlega út (frá Reykjavík séð). Ég óska þeim góðrar ferðar og skemmtunar.
Kv. Ásgeir P.
Var að heyra í Birni,
Flestir bílarnir komnir að vörðunni, gott færi næstum alveg snjólaust og ekki mikil drulla.
Einn hópurinn var aðeins á eftir, þurfti að taka eitt dekk undan og stoppa aðeins í það.
Annars gengur vel og stefnan tekin á Jaka.Kv. Ásgeir P.
Var að tala við Diddu en þau Óli voru eftirfarar. Þau stóðu á planinu við Jaka í góðu veðri og voru að berja jökulinn augum. Jökullinn var bláskellóttur: Nokkrir voru að reyna sig við hann og núna í þessum skrifuðum orðum, eru þau skv. Deplinum " http://depill.is/F4x4 " komin upp á jökul. Tæplega 40 bílar og bara frábær stemning.
Kv. Magnús.
Jæja, nýjustu fréttir af ferðalöngunum…Björn fararstjóri var að gefa lokaskýrsluna.
Hópurinn búinn að skemmta sér vel við jökulinn, mjög erfitt færi fyrstu 100m, svo tók við vatnselgur og bleyta næstu ca. 100m…eftir það var ágætisfæri og þeir sem fór lengst upp á jökulinn ( ca. 1200m hæð) sögðu að þar hefði færið verið mjög gott.
Ein affelgun á jöklinum en réttur búnaður gerði það auðvelt að redda því.
Allir fengið góða skemmtun og vel fyrir peninginn í þessari ferð.
Hópurinn á leið heim frá Jaka, ferðinni svona formlega lokið þar…En hópurinn skiptist eitthvað á heimleiðinni. Sumir slaka á, á malbikinu en aðrir ætla að nýta daginn í botn og taka Kaldadal heim líka.Óska öllum til lukku með vel heppnaða ferð og góðs gengis á leiðinni heim.
Kv. Ásgeir P.
Nú ættu allir að hafa skilað sér til byggða, amk er eftirfarinn kominn til síns heima. Þessi ferð varð heldur betri en reiknað var með. Mjög fallegt og gott veður var á Kaldadalnum, vegurinn að mestu auður og nánast sumarfæri. Farið var að Langjökli við Jaka. Þar var nokkurra metra krapasvæði, svo tók við vorfæri fremur blautt og margir sem náðu að festa sig. Flestir bílarnir fóru vel upp í jökulinn, en þar sem þoka og ský voru efst uppi fóru flestir ekki nema í 12 – 1300 mys, nokkrir óbreyttir bílar þar á meðal. Á niðurleiðinni varð ein affelgun sem bjargað var á staðnum. Stærstu bílarnir fóru að skoða íshelli og gekk vel hjá þeim, en lentu þó í einhverjum smávægilegum erfiðleikum.
Litlanefndin þakkar hópstjórunum fyrir frábæra frammistöðu, fréttaritara fyrir hans framlag og þátttakendum öllum fyrir góða samverustund á fjöllum.
Nú er Litlanefndin komin í jólafrí, en næsta ferð er áætluð 21. janúar 2012 og verður auglýst hér á síðunni þegar þar að kemur.
Við minnum á myndakvöld sem haldið verður á opnu húsi fimmtudaginn 17. nóvember n.k. í félagsheimili Ferðaklúbbsins. Húsið opnar um kl. 20:00 og eru allir ferðalangar hvattir til að koma með sínar myndir.
Kv. Óli, Litlunefnd
Litlanefnd minnir á myndakvöld á opnu húsi í kvöld.
Sýnum myndir úr síðustu Litlunefndarferð sem þátttakendur í ferðinni koma með, svo allir sem fóru í ferðina eru hvattir til að koma með sínar myndir úr ferðinni.
kv. Óli, Litlunefnd
You must be logged in to reply to this topic.