This topic contains 11 replies, has 1 voice, and was last updated by 
-
Topic
-
Góðan dag
Á fundi Litlunefndar í gær var ákveðið að fyrsta ferð starfsársins verður haustlitaferð í Þórsmörk, dagsferð sem farin verður laugardaginn 19. september n.k.
Nánari upplýsingar um tímasetningar, ferðatilhögun og skráningu verður sett hér inn þegar nær dregur.
Ef einhverjir hafa áhuga á að starfa með Litlunefndinni sem fararstjórar og aðstoðarfólk í haust og vetur, sendið okkur þá línu á litlanefndin@f4x4.is.
Kv. Óli, Litlunefnd
Viðhengi:
-
Replies
-
Vil gjarnan taka þátt
Pétur Þórðarson
Athugið að ekki er byrjað að taka við skráningum í ferðina. Við munum auglýsa sérstaklega þegar þar að kemur. Venju samkvæmt hefst skráning uþb. viku áður en farið er.
Þess má geta að undirbúnings- og kynningarkvöld vegna ferðarinnar verður á opnu húsi fimmtudaginn 17. september n.k.
Ég reikna með nokkrum fjölda í þessa ferð og þessvegna væri gott að fá nokkra fararstjóra með til viðbótar. Þeir sem hafa áhuga á fararstjórahlutverkinu mega senda okkur póst á litlanefndin@f4x4.is.
Kv. Óli, Litlunefnd
Ég hef áhuga á þessari dagsferð. En það skráist þegar nær dregur
Ég hef fyrir því heimildir, að það verði fyrirlestur á mánudagsfundinum næsta, sem gæti orðið mjög áhugaverður fyrir Þórsmerkurfara !
Fylgist því vel með dagskránni og þið sem hafið hug á að fara með Litlunefndinni í Þórsmörk þann 19. september n.k. ættu að taka mánudagskvöldið frá.
Kv. Óli, Litlunefnd
Nú líður senn að haustlitaferðinni í Þórsmörk.
Það er alltaf gott að rifja upp hvernig á binda pelastikk.
[attachment=0:enkv06wm]AbowV.gif[/attachment:enkv06wm]
Nú styttist í að við opnum fyrir skráningar í Haustlitaferðina í Þórsmörk.
Til að stytta sér stundir er sjálfsagt að rifja upp ferðir síðasta vetrar, en upplýsingar um þær eru komnar á vefsvæði Litlunefndar, veljið [url=http://www.f4x4.is/index.php?option=com_content&view=category&layout=blog&id=75&Itemid=130:2dumtxt2]Nefndir-Litlanefnd[/url:2dumtxt2] hér að ofan.
Kv. Óli, Litlunefnd
Sæll Óli,, mig langar til að biðja þig að taka nóg af myndum og þá kannski myndskotum/video, sérstaklega vatnasulli þátttakenda, sem við í umhverfisnefndinni getum notfært okkur myndbandinu okkar.
Kv. Magnús.
Sæll Maggi
Það verður örugglega myndað í gríð og erg eins og í öllum Litlunefndarferðum. Það ætti ekki að vera neitt vandamál fyrir umhverfisnefndina að fá aðgang að einhverju af þeim myndum ef vilji er fyrir því.
Kv. Óli Litlunefnd
Ég mæti og verð með mína vél og mun taka slatta af myndum þannig að það verður úr nægu að moða
Vonum að það verði ekki svona þegar litlanefnd ætlar í Þórsmörk..
[b:26t9hpm4]Allir lækir eins og stórfljót"[/b:26t9hpm4]
Blogga um fréttGríðarlegir vatnavextir eru í ám á leiðinni inn í Þórsmörk og segir Ragnheiður Hauksdóttir, staðarhaldari í Húsadal að allir lækir séu eins og stórfljót. Varar hún fólk við að fara inn í Þórsmörk í dag án þess að hafa samband við skálaverði þar áður en lagt er af stað enda ófært í augnablikinu.
Vegagerðin hefur sent frá sér tilkynningu um að Krossáin sé ófær en aka þarf yfir hana á leiðinni inn í Húsadal og Langadal. Hins vegar þarf ekki að fara yfir Krossá á leiðinni inn í Bása.
Að sögn Ragnheiðar er Steinholtsáin enn verri yfirferðar nú heldur en Krossáin. Þau hafi farið yfir hana í morgun á risastórum jeppa og vatnið hafi náð upp á miðjar rúður. Öll vöð séu horfin í vatnsveðrinu og vinna skálaverðir nú að því að finna ný vöð. Gríðarlegt úrhelli hefur verið í Þórsmörk frá því í gærkvöldi og ljóst að ekki verður fært þangað fyrr en síðar í dag.
Hópur hestamanna er í Húsadal að sögn Ragnheiðar en von er á stórum hópum þangað í kvöld. Verður væntanlega ekki ljóst fyrr en eftir hádegi hvort þeir hópar komist inn í Þórsmörk í dag.
Já þetta er spennandi ævintýri fyrir þá sem eru þarna á ferð í dag og vonandi fara allir varlega.
Eins og vanir fjalla- og vatnamenn vita þá hefur þetta ekkert að segja um hvernig ástandið verður eftir rúma viku. Þá reiknum við með björtu og fallegu veðri, fremur köldu og litlu vatni í ánum
Kv. Óli, Litlunefnd
ps. fylgist með hér á síðunni, seinna í dag opnum við fyrir skráningar í ferðina !!!!
You must be logged in to reply to this topic.