This topic contains 11 replies, has 1 voice, and was last updated by 
-
Topic
-
Jæja, þá er loksins kominn upp skráningarsíða fyrir almenna skráningu í Litlunefndarferðina á laugardaginn kemur. Það er kominn snjór á svæðið og því allt útlit fyrir góða ferð.
Okkur vantar enn nokkra reyndar hópstjóra í ferðina og því hvetjum við þá hópstjóra sem hafa áhuga á að koma með okkur að skrá sig í hópstjóraskráningunni.
Skráningu í ferðina má nálgast hér https://old.f4x4.is/index.php?option=com_seminar&Itemid=285
Bestu kveðjur, Litlanefndin
-
Replies
-
Muna að skrá sig í ferðina fyrir annað kvöld. Kominn snjór á svæðið sem við ætlum um. Verður bara gaman.
kv
Litlanefnd
Góð skráning í ferðina á laugardag 28 bílar skráðir og 10 -11 hópstjórar. En möguleiki að skrá sig ef menn vilja slást í hópinn.
kv
Litlanefnd
Litlanefndin þakkar þátttakendum fyrir skemmtilega og vel heppnaða ferð í dag.
Við fengum allan pakkann, hvort sem það snýr að veðri, færð eða skyggni. Við náðum góðum hring þar sem við fórum upp hjá Gullkistu í þungri færð og hífandi roki, héldum áfram og það birti til og lægði. Náðum niður á sléttuna við Högnhöfða og upptök Brúarár þar sem við stoppuðum í frábæru veðri og lékum okkur og nutum blíðunnar og umhverfisins. Héldum síðan inn í élið á ný við Hlöðufell og börðumst áfram í þungu færi og litlu skyggni uns við komumst inn á Línuveginn og aðstæður fóru batnandi á ný. Héldum síðan í vesturátt og sóttist nokkuð vel þrátt fyrir nokkuð erfiðar snjóhindranir á köflum. Náðum inn á Uxahryggjaleið og um Meyjarsæti til Þingvalla þar sem ferðinni var slitið um hálfsjöleytið í kvöld.
Það er okkar mat að ferðin hafi verið vel heppnuð í alla staði og leiðin um Gullkistu að Hlöðufelli hafi verið vel fararinnar virði. Allir þátttakendur stóðu sig með mikilli prýði og engin teljandi vandamál komu upp. Við vonum að þið hafið skemmt ykkur vel í dag og þökkum fyrir samfylgdina og hlökkum til að sjá ykkur aftur í janúar á nýju ári.
Bestu kveðjur að sinni, f.h. Litlunefndar, Gnýr Guðmundsson
Takk fyrir mig.
Myndir [url=http://f4x4.is/index.php?option=com_jfusion&Itemid=235&g2_itemId=323091:1nma86nx]hér[/url:1nma86nx]Hörður E-2
Frábær ferð í alla staði.
Kveðja.
Siggi Pálma.
Takk fyrir skemtilega ferð
Proud Cherokee owner
Takk fyrir frábæra ferð
Ég mun koma með aftur. Frábær félagsskapur og frábær skemmtun
Minni á að við í Litlunefnd verðum með myndakvöld á fimmtudaginn kemur kl 20.00 í félagsheimili okkar að Eirhöfða. Allir geta komið með myndir sýnar eða myndbönd ( á minniskúbb) og við kostum þeim upp á vegg og spjöllum um ferðina og þær næstu. Heit kaffi á könunni. Allir velkomnir.
Litlanefnd.
Sælir Litlunefndarmenn.
Þið þurfið að tala við formann húsnefndar í sambandi við myndakvöldið. Það á að vera kynning frá Heklu á næsta opna húsi 22.11.12.
Kv. SBS.
Þakka fyrir frábæra ferð. Veðrið/óveðrið og sérstaklega að leika sér á sandinum.
Komið þið sæl.
Myndakvöldið mun hefjast að lokinni kynningu þeirra Heklumanna klukkan 21:00 fimmtudagskvöldið 22. nóvember. Við hvetjum alla til að mæta klukkan 20:00 og fylgjast með mjög svo áhugaverðri kynningu frá Heklu og taka svo myndakvöldið eftir það.
Til að gera myndasýningarnar markverðari, þá mælum við með því að þið farið yfir myndirnar, flokkið og takið frá þær sem eru lélegar, tvíteknar eða þið teljið af öðrum ástæðum eigi ekki erindi á myndakvöld.
Bestu kveðjur í bili, Litlanefndin
You must be logged in to reply to this topic.