This topic contains 18 replies, has 1 voice, and was last updated by 
-
Topic
-
Laugardaginn 23. október n.k. verður næsta ferð Litlunefndar. Ákveðið hefur verið að reyna að fara hringinn frá Keldum, norður að Laufafelli, hina nýstikuðu leið í Hrafntinnusker, þar sem við munum skoða leifar íshellanna. Frá Hrafntinnuskeri stefnum við á að fara yfir hálsinn, upp á 1000 metra hólinn, niður Pokahrygg á Landmannaleið og þaðan á Landveg.
Þetta er nokkuð löng dagleið en afskaplega falleg og skemmtileg.
Ekki hefur enn verið opnað fyrir skráningar í þessa ferð, en takið frá daginn. Við munum auglýsa það nánar þegar opnað verður fyrir skráningar.
Ef einhver hefur áhuga á að taka þátt í hópstjórastarfi Litlunefndar, látið þá endilega vita á póstfangið litlanefndin@f4x4.is
kv. Óli, Litlunefnd
-
Replies
-
Litlu nefndarferð í október??
Pósturaf Bluetrash » 06 Okt 2010, 10:53
Ég veit þetta er á vitlausum stað
Ég get bara ekki skrifað í spjallflokkanna og langaði rosalega að forvitnast um þetta.
Því mig langar að fara með í hana og sjá hvernig maður fílar sig í þessum skipulögðu ferðum 😀 og þá í framhaldi reyna taka þátt í fleiri svona ferðum og þar af leiðandi líklegast skrá sig í klúbbinn.Nú virðist þetta vera smá leið og ég er að velta fyrir mér hversu mikið eldsneyti maður þarf að birgja sig upp með ef maður skildi geta farið með sem mig dauðlangar til.
Verð þá líklegast á 36" Wagoneer með 4lítra línu. Nú þekki ég nefnilega ekki bílinn í svona notkun og veit ekki hver eyðslan er á honum. Einhver sem mögulega getur frætt mig um það þá er það vel þegið.
Bara eyða þessu út ef þetta er alveg útúr kú hjá mér að dirfast að setja þetta hér 😉
Bluetrash
Póstar: 74
Skráður: 04 Mar 2009, 11:58
Fullt nafn: Ástþór Bragi Margrétarson
Sæll Ástþór Bragi
Takk fyrir fyrirspurnina. Þú kemst þessa leið auðveldlega á Wagoneernum þínum. Fyrir allar ferðir Litlunefndar eru kynningarkvöld fyrir alla þátttakendur og grunn-námskeið fyrir byrjendur sem þess óska. Í tengslum við þessa ferð verður þetta kynningarkvöld miðvikudaginn 20. október og þar verður farið yfir þessi praktísku mál eins og t.d. eldsneytismálefnin. Ég ráðlegg þér að skrá þig í ferðina þegar við opnum fyrir skráningar og mæta svo á kynningarkvöldið.
Og þú ert hjartanlega velkominn með í ferðir Litlunefndar, eins og allir sem eru á jeppum, hvort sem þeir eru í klúbbnum eða ekki.
Þeir sem ekki eru í klúbbnum, en vilja senda fyrirspurnir eða fá nánari upplýsingar geta gert það með því að senda tölvupóst á litlanefndin@f4x4.is.
Með bestu kveðju,
Óli, Litlunefnd
[quote="Karl guð":15jldh8f]
Verð þá líklegast á 36" Wagoneer með 4lítra línu. Nú þekki ég nefnilega ekki bílinn í svona notkun og veit ekki hver eyðslan er á honum. Einhver sem mögulega getur frætt mig um það þá er það vel þegið.
[/quote:15jldh8f]
Nú er ég ekki Jeep maður, en ef þú fyllir bílinn eldsneyti á Hellu og kemst ekki til byggða samdægurs vegna þess að eldsneytið er búið, skaltu endurskoða málin varðandi þessa bílaeign.
M.ö.o. þú ættir örugglega að geta komist þetta nema tankurinn leki hreinlega.
Tek samt ekki ábyrgð á því
kv Hörður
p.s: Óli, er dúllan komin í lag? Hvað var að?
Nú styttist í að við opnum fyrir skráningu, það gerist í byrjun næstu viku. Kynningarfundur fyrir þátttakendur í ferðinni verður miðvikudagskvöldið 20. október og einnig grunnnámskeið í jeppamennsku fyrir byrjendur.
Kv. Óli
ps. Dúllan verður komin í lag fyrir þessa ferð 😉
Aðeins nokkrir dagar í að við opnum fyrir skráningu. Minni á að upplýsingar um ferðina má fá með því að setja inn spurningar hér á þráðinn eða senda okkur tölvupóst á litlanefndin@f4x4.is.
kv. Óli, Litlunefnd
Þá er búið að opna fyrir skráningu í þessa ferð. [url=http://www.f4x4.is/index.php?option=com_content&view=article&id=1210:skraning-hafin-i-oktoberfere-litlunefndar&catid=75:litlanefnd&Itemid=130:2qhfahvs]Sjá nánar á forsiðunni, eða hér.[/url:2qhfahvs]
Varpa má fram spurningum varðandi ferðina hér, eða í tölvupósti á litlanefndin@f4x4.is
Kv. Óli, Litlunefnd
Nú þegar eru 20 skráðir í þessa ferð og rétt búið að opna fyrir skráningu. Með þessu áframhaldi fyllist fljótt í ferðina. Svo þeir sem hafa hugsað sér að koma með, ættu að skrá sig sem allra fyrst, til að komast örugglega með.
Kv. Óli, Litlunefnd
Það eru komnir 33 skráðir í ferðina og nú er hver síðastur að skrá sig. Þessi ferð verður skemmtileg og margir sem hafa ekki komið í Hrafntinnuskér. Þetta er kjörið umhverfi fyrir fólk sem langar að ferðast á hálendi að vetri og hefur kannski ekki fólk til að ferðast með. Þannig byrjuðum við hjónin fyrir nokkrum árum og Litludeildarferðirnar voru ævintýri fyrir okkur að byrja á. Þetta hefur verið svo gaman að við erum að fara í ferðir í næstum hverjum mánuði allan veturinn (fyrir utan Litludeildarferðir). Ég hvet því fólk sem vill byrja í þessu, til að skrá sig.
Guðmundur G. Kristinsson
Litlunefnd
Veðurfræðingarnir eru gengnir í lið með okkur. Snjór verður líklega til fjalla um helgina. Þetta verður flott ferð.
Já þetta stefnir í stórgóða ferð. Skráningar eru líka komnar í 50, svo þetta verður fjölmennur hópur sem heldur til fjalla á laugardaginn kemur. Mig langar að biðja reyndari félagsmenn, sem vilja koma með okkur og aðstoða við hópstjórnun oþh. að hafa samband við Litlunefndina á póstfangið litlanefndin@f4x4.is. Allar hendur eru vel þegnar
Kv. Óli, Litlunefnd
Athugið að nú er að fyllast í ferðina. Nú eru rúmlega 50 bílar skráðir, en við munum ekki bjóða upp á stærri ferð en 60 bíla í þessa ferð. Því eru nú aðeins örfá pláss laus og þeir sem skrá sig fyrstir fá þau pláss sem eftir eru.
[url=http://f4x4.is/index.php?option=com_seminar&Itemid=246:3bhae4xc]Skráning fer fram hér.[/url:3bhae4xc]
Kv. Óli, Litlunefnd
Athugið að fullt er orðið í ferðina og þeir sem skrá sig hér eftir eru á biðlista. Yfirleitt eru einhver afföll svo mögulega komast fyrstu biðlistabílar með. Allir sem skrá sig hvort sem þeir eru á biðlista eða ekki, eru hvattir til að mæta á kynningarkvöldið á morgun, miðvikudag, en það verður haldið í félagsheimili klúbbsins að Eirhöfða kl. 20:30.
Kv. Óli, Litlunefnd
Því miður hef ég afskráð mig sökum anna og tímaskorts.
Vonast til að komast með í næstu ferð (og þá miklum/einhverjum snjó).Góða ferð félagar, þetta er skemmtileg leið.
Litlanefndin minnir á að kynningarfundur fyrir þátttakendur í ferðinni verður í félagsheimili klúbbsins að Eirhöfða kl. 20:30 í kvöld. Allir þátttakendur eru hvattir til að koma og hitta okkur. Við förum yfir ferðatilhögun og fleira.
Eftir kynningarfundinn verður grunnnámskeið í jeppamennsku fyrir byrjendur.
Kv. Óli, Litlunefnd
Við minnum á að mæting er í fyrramálið á Select kl. 8:30. Síðasti bíll leggur af stað frá Select kl 9:00. Það er köld veðurspá fyrir morgundaginn, munið því að taka með hlý föt fyrir alla ferðalanga og nóg nesti.
Skv. þeim upplýsingum sem við höfum er möguleiki á snjó á svæðinu amk á þeim hlutum sem liggja hvað hæst, gott er því að vera tilbúin í slíkt. Svo má ekki gleyma myndavélinni, því spáð er fallegu og björtu veðri
Hittumst í góða skapinu á Select í fyrramálið.
Kv. Óli
Góa skemmtun og njótið dagsins á fjöllum…
Sælt veri fólkið. Ég var að taka mynd af Heklu og Vatnafjöllunum héðan að heiman og myndi setja hana hér með ef það væri svona ótrúlega flókið. Set mynd á Facebook í hópinn Vinir Landmannaafréttar,Veiðivatna og fl. Í gærkvöldi var snjór í Landmannalaugum um 1 cm . Góða ferð á morgun á skemmtilegar slóðir. Kv. olgeir
Takk Olgeir fyrir þessar upplýsingar. Það er gott að vita til þess að það sé kominn svolítill snjór á þessum slóðum, það gerir okkur auðveldara fyrir að fara um með svona stóran hóp. En við erum einmitt búnir að vera að hugleiða hvernig best sé að dreifa hópnum til að minnka álagið, en þar sem snjór er og frost, þá er auðvitað mun þægilegra að fara um, þó kannski finnum við skafla sem hægt er að festast í
kv. Óli, Litlunefnd
You must be logged in to reply to this topic.