This topic contains 15 replies, has 1 voice, and was last updated by 
-
Topic
-
Laugardaginn 20. nóvember n.k. verður næsta ferð Litlunefndar. Það hefur verið ákveðið að fara einhverja skemmtilega leiðir í nágrenni Skjaldbreiðar. Hvaða leið verður valin mun ráðast af veðri og færð þegar nær dregur. Þess má geta í nóvemberferðinni í fyrra vorum við á þessum slóðum og enduðum ferðina í himnesku veðri á Langjökli við Jaka.
Það eru allir, sem eru á jeppum, hjartanlega velkominn með í ferðir Litlunefndar, hvort sem þeir eru í klúbbnum eða ekki.
Þeir sem ekki eru í klúbbnum, en vilja senda fyrirspurnir eða fá nánari upplýsingar geta gert það með því að senda tölvupóst á litlanefndin@f4x4.is.
Ekki hefur enn verið opnað fyrir skráningar í þessa ferð, en takið frá daginn. Við munum auglýsa það nánar þegar opnað verður fyrir skráningar.
Ef einhver hefur áhuga á að taka þátt í hópstjórastarfi Litlunefndar, látið þá endilega vita á póstfangið litlanefndin@f4x4.is.
Kristján, Litlunefnd
-
Replies
-
Það eru vonandi allir sem ætla að taka þátt í nóvemberferð Litlunefndar búnir að merkja við þann 20. á dagtalinu sínu.
Einu sinni var alltaf talað um að merkja við í Filofaxinu en maður er alveg hættur að sjá fólk með slíkt :-).
Kristján, Litlunefnd
Er ekki hægt að hafa litluferð aðra hverja helgi? Allt of erfitt að bíða í heilan mánuð!
Miki rosalega er ég sammála síðasta ræðumanni. Áfram Litla(Stóra)nefnd !!
Í Litlunefndarferðum þarf stundum að binda í bíla og þá er gott að kunna pelastikk.
[attachment=0:1vpqjosf]Pelastikk.gif[/attachment:1vpqjosf]
Kristján, Litlunefnd
Nú styttist í að við opnum fyrir skráningar í nóvemberferðina. Takið frá laugardaginn 20. nóvember, fyrir ferðina.
Ef einhverjir félagar vilja koma okkur til aðstoðar í ferðinni, þá má senda okkur póst á litlanefndin@f4x4.is.
Kv. Óli, Litlunefnd
Nú er búið að opna fyrir skráningu í ferð Litlunefndar 20. nóvember og um að gera að skrá sig sem fyrst. Það fóru nokkrir á biðlista síðast, svo það er ekki eftir neinu að bíða til að tryggja sér þáttöku. Snjóalög benda til þess að þetta geti orðið skemmtileg ferð og um að gera að afla sér þekkingar með góðum og traustum ferðafélögum um hvernig á að keyra í snjó.
Allir sem eru á óbreyttum og breyttum bílum eru velkomnir í ferðir Litlunefndar, hvort sem þeir eru félagsmenn eða ekki. Við fylgjum góðum öryggisstöðlum í okkar skipulagi og sem dæmi er markmið að allir sem eru ekki með VHS stöðvar, fá lánaða stöð frá Ferðaklúbbnum 4×4.
Munið að taka fram ef þið viljið vera með einhverjum sérstökum í hópi. Ef einhverjar upplýsingar vantar sendið þá póst á litlanefndin@f4x4.is
Við hvetjum okkar hópstjóra til að skrá sig sem fyrst til að geta séð hvað við getum verið með marga hópa.
Guðmundur G. Kristinsson
Litlunefnd og eftirfari í þessari ferð
Athugið að skráning í nóvemberferð Litlunefndar er í fullum gangi. Nú þegar aðeins hefur verið opið fyrir skráningar í tæpan sólarhring eru komnir yfir 20 skráðir bílar.
Allar nánari upplýsingar um ferðina og skráningar má finna á [url=http://f4x4.is/index.php?option=com_content&view=article&id=1227:skraning-er-hafin-i-novemberfere-litlunefndar&catid=75:litlanefnd&Itemid=130:38v5hp45]forsíðu eða hér.[/url:38v5hp45]
Kv. Óli, Litlunefnd
Nú eru 30 bílar skráðir í ferðina okkar um aðra helgi (20. nóvember). Það stefnir í flotta ferð hjá okkur og við treystum á að snjóalög verði amk þokkaleg, jafnvel góð. Og veðrið leikur auðvitað við okkur eins og í öllum Litlunefndarferðum…..
Kv. Óli, Litlunefnd
Góðan dag. Ný styttist í að fyllist í Litlunefndarferðina. Nú þegar eru komnir 44 bílar skráðir !
Fyrir áhugasama er hægt að skoða hverjir eru skráðir og á hvernig bílum þeir eru. Smellið á [url=http://f4x4.is/index.php?option=com_seminar&Itemid=246:3iwzhr2j]skráningarlinkinn hér[/url:3iwzhr2j].
Síðan er smellt á töluna hægra megin við ferðalýsinguna til að fá listann, en talan sýnir fjölda skráninga.
Kv. Óli, Litlunefnd
Góðan daginn.
Nú eru aðeins 5 örugg pláss eftir í ferðinni og gildir lögmálið "Fyrstur kemur, fyrstur fær".
Kveðja Kristján K, Litlunefnd
Og enn fjölgar skráningum, því nú eru aðeins eftir 3 laus pláss, en síðan verður hægt að skrá sig á biðlista. Við lokum endanlega fyrir skráningar á miðvikudagskvöld, nema allt sé orðið pakkfullt fyrir þann tíma. En á miðvikudagskvöld erum við einmitt með kynningarfund fyrir þátttakendur í þessari ferð.
Kv. Óli, Litlunefnd
Eins og sumir hafa tekið eftir er orðið fullt í Litlunefndarferðina, en við miðum við að 60 bílar séu hámarkið. Ég bendi áhugasömum ferðalöngum á að enn er hægt að skrá á biðlista, því reynslan sýnir að alltaf verða einhver afboðanir.
Kv. Óli, Litlunefnd
Ferðalangar í Litlunefndarferðinni um helgina. Munið eftir kynningarfundinum í kvöld kl. 20:30. Fundurinn verður í Félagsheimili klúbbsins að Eirhöfða 11. Eins og venjulega bjóðum við uppá stutt grunnnámskeið í jeppamennsku fyrir byrjendur eftir kynningarfundinn.
Kaffi verður á könnunni
kv. Óli, Litlunefnd
Og fyrir þá sem vita ekki hvar Ferðaklúbburinn 4×4 er til húsa, þá auðveldar kannski að [url=http://www.f4x4.is/g2/main.php?g2_view=core.DownloadItem&g2_itemId=292239&g2_serialNumber=1:9app0fww]skoða það á mynd.[/url:9app0fww]
kv. Óli, Litlunefnd
Þetta var snilldar ferð þótt hún hafi dregist á langinn og má segja að hún hafi verið "ein með öllu".
Það var eitt sem mér finnst að betur mætti vera en það er uppröðun hópanna.
Ef því er haldið fyrir reglu að hóparnir leggja alltaf af stað eftir stopp í réttri röð þ.e.a.s, A-hópur fyrstur, svo B-hópur og svo koll af kolli, mæti koma í veg fyrir mikinn misskilning. Maður vissi sjaldan hvort menn sem væru að tala saman í stöðinni væru fyrir aftan mann eða framan þar sem hóparnir voru allir í bland.
Allar upplýsingar eru jafn mikilvægar eins og þær eru skemmtilegar.Þetta er bara mín skoðun og því algjör óþarfi að taka hana alvarlega.
En annars stórt takk frá mér,
Hörður B
Suzuki 33"
You must be logged in to reply to this topic.