This topic contains 7 replies, has 4 voices, and was last updated by 
-
Topic
-
Góðan dag. Nú um kl. 9:00 héldu ferðalangar af stað frá Stöðinnni og var stefnan sett á Kerlingarfjöll. Í hópnum eru um 90 manns á 43 bílum. Mikið um börn og fjölskyldufólk svo þetta stefnir í góða ferð. Leiðin liggur um Þingvelli, Lyngdalsheiði, Geysi, Kjalveg og í Kerlingarfjöll. Ferðinni á svo að slíta í kvöld við Geysi. Nánari fréttir koma af ferðinni síðar í dag.
-
Replies
-
Rétt í þessu var hópurinn við Geysi, bæta við eldsneyti oþh. áður en lagt er á hálendið. Siggi aðalfararstjóri var að fara að leggja í hann á undan hópnum til að skoða aðstæður áður en sjö ferðahópar koma í kjölfarið. Veður er hið ákjósanlegasta, logn og háskýjað.
Meira síðar.
Um kl. 12 fékk ég hringingu frá einum hópnum sem staddur var skammt frá Árbúðum. Þar var þá logn og 10 stiga frost. Þeir lentu í því óhappi að það kviknaði í einum bílnum. Virtist vera sem ófrágengnir vírar aftur í bílnum hafi ollið íkveikju, en hópstjórarnir voru fljótir að slökkva eldinn áður en mjög mikið tjón hlaust af. Mun þó aftursæti og loftklæðning þess bíls vera ónýtt en bíllinn ökuhæfur. Engum varð meint af.
Núna kl. 13:10 fékk ég hringingu frá aðalfararstjóra og voru fyrstu bílar komnir að skálunum í Kerlingarfjöllum í frábæru veðri. Mjög lítill snjór er á leiðinni, helst aðeins í veginum þar sem hann er niðurgrafinn og fengu minni bílarnir að spreyta sig á snjó þar. Stefnan er hjá hópnum að borða nesti í Kerlingarfjöllum, halda svo að hverasvæðinu áður en lagt verður af stað heim á leið.
Sælir
það sést í ferðalangana á vefmyndavél sem staðsett er í Kerlingarfjöllum. Mynd þaðan er frá því kl 14,33.
Virðist vera flott veður.http://www.liv.is/webcam/hengill/
kv
Friðrik
Allir bílar komust í Kerlingarfjöll. Aðalfararstjóri skoðaði leiðina inn að hverasvæðinu og sá fram á mikið basl við að koma minni bílum þangað, en jafnvel þeir stærri áttu í erfiðleikum með snjóinn þar. Var því ákveðið að halda heim sömu leið, en menn sáu fyrir sér að skaflar í giljum gætu valdið töfum á heimleiðinni.
Nú rétt um kl. 17 voru fyrstu bílar komnir að Gullfossi og þeir síðustu voru uþb. við Árbúðir og hefur allt gengið áfallalaust. Þó var veruleg hálka á malbikinu ofan við Gullfoss, en þar hafði verið ísrigning.
Fleiri fréttir síðar.
Rétt í þessu voru síðustu bílar að renna að Geysi, þar sem ferðinni er slitið.
Nú bíðum við spennt eftir ferðasögu og myndum frá félögum í Litlunefnd og öðrum ferðalöngum í þessari ferð.
Nú eru semsagt allir komnir til byggða og fréttaritarinn stimplar sig út.
Gaman að sjá fréttir af þessum ferðum sem farnar eru á vegum klúbbsins.
Sælir ferðafélagar Litlunefndar.
Hefur einhver reynt að setja inn myndir á safnið okkar frá ferð Litlunefndar?Hefur einhver reynt en ekki tekist og fengið villu við innsetningu?
Mér leikur forvitni á að vita hvernig gangur manna er hér á síðunni með innsetningu mynda.
Kv. Vefnefnd.
You must be logged in to reply to this topic.