Litlanefnd í Hrafntinnusker

Opnað verður fyrir skráningu um helgina og fer hún fram hér á vefsíðunni. Það verður kynnt rækilega með frétt og spjallþræði þegar þar að kemur.

kv. Óli, Litlunefnd

Skráningar í Litlunefndarferðina ganga glimrandi vel. Nú þegar eru 18 bílar skráðir. Við minnum á að í þessa ferð njóta minni bílar forgangs, þ.e. bílar á 35" dekkjum og minni. Stærri bílar komast með ef pláss leyfir. Allir eru þó hvattir til að skrá sig.

kv. Óli, Litlunefnd

Það hrúgast inn bókanir í Litlunefndarferðina. Enn eru samt nokkur pláss laus. Það borgar sig að skrá sig sem fyrst áður en allt fyllist.

[url=http://www.f4x4.is/index.php?option=com_seminar&Itemid=246:1v5pdt2h]Skráning fer fram hér[/url:1v5pdt2h]

Kv. Óli, Litlunefnd

Í dag er lokadagur skráninga í Litlunefndarferðina um helgina. Við ætlum að hafa opið fram á kvöldið.

Í kvöld kl. 20:30 verður kynningarfundur vegna ferðarinnar, en þá verður farið yfir ferðatilhögun og helstu praktísk atriði sem tengjast ferðinni, auk þess sem kjörið tækifæri er til að hitta aðra ferðalanga, farar- og hópstjóra. Síðan verður námskeið fyrir nýliða í jeppamennsku.

Mikilvægt er að mæta á þennan fund og algjörlega nauðsynlegt fyrir þá sem ekki hafa farið með okkur áður.

kv. Óli, Litlunefnd

Fréttir af Facebook frá ferð Litlunefndar
Sæbjörg Richardsdóttir Didda
Logð af stað fra Hvolsvelli…næsta stopp mykt i dekkjum og brunað inn i Dalakofa

Var að tala við Óla í Dúlluni og er slidda og allt hvítt framundan.
Það lítur út fyrir snjókeyrslu hjá Litlunefndinni í þessari ferð.

kveðja Dagur

Komnir í dalakofan að fá sér að borða, hætt var við að fara að nafnlausafossi vegna skyggnis. Engin teljandi vandræði hafa komið upp. Rok og skarfrenningur er á svæðinu og hitastig um frostmark.

mbk
Rabbi

Þá ætti liðið að vera komið langleiðina að Skerinu,spurning með 1000m hól,hvort ég væri ekki til í að vera með í þessari ferð,sit heima eins og hver annar sófariddari og spái í har eru þau og hvernig gengur,,,,,vonandi smá bras því á því lærir fólk að bjarga sér.
Mikið andk,,, er ég ánægður með Litlunefndina og starf hennar,sat og var að fara í gegnum pappíra og gögn plús myndir frá upphafi og merkilegt nokk þeir sem settu fram hörðustu athugasemdirnar varðandi minni og óbreytta bíla í upphafi hafa verið einir þeir dyggustu stuðningsmenn starfsins og eina kvörtunin sem mér er virkilega minnistæð kom frá Herra Jóni nokkrum Snæland,þar sem hann kvartar undan því að hann og fl hafi beðið spenntir eftir því að litladeildin kallaði eftir aðstoð,(svo hann fengi afsökun fyrir að fara á fjöll) en engin hafi komið enn,en engu að síður hefur hann stutt hana með ráð og dáð sem og fl í klúbbnum og hafi þeir þökk fyrir.
Kv Klakinn

Af Facebook:
Sæbjörg Richardsdóttir Didda
Forum ekki i Hrafntinnusker keyrðum krakatindsleið ur Dalakofa, þaðan yfir að Heklu og landmannaleið inn að Landmannahelli. Dalitil halka og snjor a leinni Dullan naði að festa sig i goðra vina hopi. Bara nokkuð goð festa. 😉

Þá er októberferð Litlunefndar lokið og allir komnir til síns heima vona ég. Ferðin hófst á Stöðinni að venju og var þar handagangur í öskjunni í morgun. Þegar allt var tailð voru í ferðinni 52 bílar og 115 manns í þessari ferð. Stefnan var í Hrafntinnusker og síðan yfir Mógilshöfða og Pokahrygg á Landmannaleið. Það varð fljótlega ljóst þegar komið var í snjóinn að ferðaáætlunin myndi ekki halda, því hálkan var gríðarleg, sérstaklega fyrir þá sem voru aftarlega í hópnum. Allir fóru að Dalakofanum og borðuðu þar nesti. Frá Dalakofanum var farið um Krakatindsleið og þaðan Hekluleið framhjá Rauðuskál, yfir að Landmannaleið. Brekkan þar niður varð fljótt mjög hál og áttu bílar þar í vandræðum. Þegar einn bíll var kominn útaf, var ákveðið að reyna að sanda brekkuna og fóru nokkrir vaskir skóflusveinar af stað, pjökkuðu upp sand og dreifðu yfir veginn. Þar með varð hann stamari og náðist að koma öllum bílum þar niður án frekari óhappa. Nokkrir fóru heim að þessu loknu en stærsti hópurinn rúllaði inn í Landmannahelli áður en farið var niður á Landveg, þar sem pumpað var í dekk og ferðinni slitið.

Eins og áður voru það hópstjórarnir sem héldu þessari ferð svona góðri og raun ber vitni og eiga þeir bestu þakkir skildar fyrir þeirra framlag. Aðrir sem komu að ferðinni fá einnig bestu þakkir.

Myndakvöld úr ferðinni verður á opnu húsi á fimmtudagskvöldið 20. október n.k.

Næsta ferð Litlunefndar verður laugardaginn 12. nóvember n.k.

Ferðalangar með Litlunefnd í dag, takk fyrir samveruna.

kv. Óli, Litlunefnd