This topic contains 5 replies, has 1 voice, and was last updated by 
-
Topic
-
Sælir félagar.
Ég hjó eftir því hjá Óla í Litlunefndinni, hér í öðrum þræði, að það virðist vera að litlanefndin sé hugsuð fyrir nýliða.
Ég hélt hún væri hugsuð fyrir litið breytta og óbreytta bíla.
Það virðist vera voðalega algengt hjá sumum að ef að einhver á óbreyttan jeppa þá hlítur það að vera bara af því að hann á eftir að breyta honum eða er að byrja í sportinu.
Málið er bara að sumir vilja bara vera á óbreyttum bílum og líkar það bara vel. En vilja ferðast um fjöll og firnindi með klúbbi eins og þessum. Kannski ekki mikið á veturna en það er hægt að fara flest á sumrin á óbreyttum bíl. Og vilja alveg komast í smá ævintýri af og til á veturna.
Og mjög margir vanir jeppamenn sem eiga óbreytta bíla.Og annað, afhverju eru ekki farnar fleiri dagsferðir með breyttum bílum. Svona eins og litlunefndarferðirnar eru.
Allar ferðir sem eru skipulagðar fyrir breytta jeppa eru helgarferðir. Margir sem hafa engan áhuga á því að gista í einhverjum fjallaskála með stórskrítnum jeppmönnum/konum. 😉
Eða einfaldlega koma því bara ekki við.Bara svona smá hugleiðingar.
Kveðja
Þengill
-
Replies
-
Góða kvöldið
Ég held það sé erfitt að túlka orð mín í eftirfarandi [quote:2ri5omlt]Valur, kannski er það pólitískt en þó er það þannig að gagnvart Litlunefnd skiptir þetta ekki svo miklu máli. Jú auðvitað kemur fyrir að utanfélagsmenn hafi einhverjar spurningar, en það sem skiptir máli í okkar ferðum er að langflestir nýliðar koma á kynningarkvöldin sem við höldum alltaf fyrir ferðirnar og þar er öllum spurningum svarað sem brenna á mönnum. Svo má benda á að þáttakendur í ferðum eru í tölvupóstsamskiptum við fararstjóra og þannig upplýsingamiðlun er algengari en menn halda. Þannig að þessi lokun hefur ekki mikil áhrif á starfsemi Litlunefndarinnar.[/quote:2ri5omlt] þannig að starfsemi Litlunefndar sé ætluð nýliðum eingöngu. Litlunefndarferðir eru og hafa alltaf verið vettvangur fyrir óbreytta og lítið breytta jeppa, félagsmenn sem aðra. Það verður hinsvegar ekki horft framhjá því að í hverri ferð hjá okkur eru nýliðar, mismargir þó og verður auðvitað að taka sérstakt tillit til þeirra og taka vel á móti þeim.
Varðandi dagsferðir fyrir meira breytta jeppa, þá er nú ekki mitt að svara því sem formaður Litlunefndar. Hinsvegar hef ég skoðun á því og bendi á að menn hafa nú einfaldlega verið duglegir að rotta sig saman með því að setja inn línu hér á spjallþráð. Margar skemmtilegar ferðir hafa komið upp úr slíku og gríðarlega margar svoleiðis ferðir eru farnar á hverjum vetri. Eðlilegt er að fólk taki sjálft frumkvæði að slíkum ferðum, en leggi það ekki í hendur klúbbsins. Ef óvanir menn eru á breyttum bílum þá er þeim velkomið að koma með í Litlunefndarferðir.
kv. Óli, Litlunefnd
Ok gott mál. Mér hefur bara fundist þetta áður og hef talað við nokkra sem hafa farið í ferðir með litludeildinni.
En ekki það að það hafi ekki verið gaman eða neitt svoleiðis. Bara fnnst að þetta gleymist stundum, að það eru til vanir menn á óbreyttum bílum.
Ég var svosem heldur ekki að spyrja þig Óli um hitt atriðið.
Mér finnst bara vanta eitthvað þarna á milli.
Það er dagsferð með litludeildinni og nýliðaferð sem er oftast helgarferð.
Örugglega fullt af nýliðum á breyttum jeppum sem langar að fara í dagsferðir með klúbbnum.
Það er líka svolítið öryggi að vera í skipulagðri ferð með klúbbnum þar sem er nokkuð öruggt að það eru vanir menn sem stjórna svoleiðis. Aftur á móti geta hinir og þessir vitleysingar verið að hóa sig saman og ekkert öruggt með hvert á að fara eða hvað á að gera ef eitthvað kemur fyrir, og þessháttar.En þetta er bara mín skoðun.
Er ekki að beina þessu að neinum sérstökum, er bara svona að velta þessu fyrir mér.
Og kannski að koma með hugmyndir inní flóruna.Kveðja
Þengill
Mér þykir þetta athyglisverður þráður. Sjálfur er ég á breyttum jeppa. Hóf seint jeppamennsku en hef ánægju af að ferðast um landið og þykir gott að vera í hópi reyndra manna. Litlunefndar ferðirnar þykja mér því mjög gagnlegar til að afla mér reynslu og svo er leiðavalið í höndum manna sem þekkja landið vel og vita hvert er áhugavert að fara. Nú finnst mér ég vera farinn að fá nokkra reynslu en þó mistókst mér rötun á Langjökli í síðustu ferð. Þá var gott að geta stoppað og fengið leiðsögn Óla. Líklegt má telja að um fleiri sé líkt farið að þeir vantreysti kunnáttu sinni og vilji vera í reyndra manna hópi. Því hvet ég félaga í klúbbnum til að taka þátt í Litlunefndarferðum þótt á breyttum bílum séu. Sjálfur hef ég haft af því hina mestu ánægju og er sannfærður um að þeir sem prófa verði sömu skoðunar.
Kv. Pétur
Ég hef farið í tvær ferðir, aðra á breyttum og um síðustu helgi á lítið breyttum.
Þetta eru snilldar ferðir þar sem vanir og óvanir blandast saman í öllum stærðum farartækja. Sjálfur er ég lítið reyndur á þessu sviði en ég held að oft á tíðum séu þessar ferðir til að smita menn af þessari skæðu bakteríu sem annars mundu ekki komast í tæri við svona ævintýra ferðir, sem svo ætti að skila sér í sjóði 4×4.
Kv. Raggi.
Þetta eru góðar vangaveltur og athyglisverðar,og ég tel þær vel framkvæmanlegar á vettvangi klúbbsins,allir félagar hafa aðgang að upplýsingum klúbbsins,aðstöðu,félögum og nefndarmönnum ásamt stjórn,en er það ekki á valdi félaganna að koma svona ferðum í gang,hóa sig saman velja leiðir og fá vana kalla til að leiða slíkar ferðir og nýta aðstöðuna sem við höfum til skrafs og ráðargerða.
Litlunefndarferðirnar hafa sýnt sig að vera góð leið inn að félaginu og í þeim hafa menn lært af sér reyndari mönnum ásamt því að takast á við ýmsar uppákomur,einnig hefur sumum fundist þetta ferðaform henta þeim betur,á ég þar við dagsferðir.
En því verður ekki neitað að talsverð vinna fer í að standa að svona ferð og eðlilega leitast við að ná til væntanlegra félagsmanna og skapa vettvang fyrir lítt breytta bíla og óbreytta.
En það er gott að koma með svona vangaveltur og spurningar því þannig höldum við klúbbnum lifandi og ég hvet menn til að nota aðstöðuna og tækifærin sem felast í klúbbnum,það gerir klúbbstarfið bara betra.
kv Klakinn
You must be logged in to reply to this topic.