This topic contains 10 replies, has 1 voice, and was last updated by 
-
Topic
-
Jæja þá er Litladeildin farin í sína fyrstu ferð á þessu hausti og voru settar reglur um hvaða bíltegundir mættu ekki koma með í alla ferðir hjá þeirri deild, sem er bara gott mál þar sem svona bílum er ekki treystandi upp á hálendið að sumarlagi og eiga ekkert út fyrir bæjarmörkin að vetri til. Svona bílar eru bara fyrir þessum reyndu fjalla bílstjórum, þá eru það bílarnir sem mega koma með ef þeir eru óbreyttir þó svo þeir séu með lágt drif eru þeir ílla búnir fyrir vetra akstur hjá þessari deild. það gæti komið snjóföl á jörð og þá er illt í efni fyrir þá óbreyttu. það má nota þessa óbreyttu sem eru með lágt drif svona yfir sumartímann. Svo það er bara best að koma sér á stærri bíl og dekk svona á 35t þá ætti maður vera óhætt fara með í þestar ferðir en ef maður ætlar að fara í allar ferðir þá betra vera á 38t. Mér barst til eyrna að engin óbreyttur væri í þessari fyrstu ferð svo að það ætti að ganga nokkuð vel að komast áfram þar sem bílarnir 35t og 38t eða stærra eru í þessari ferð sem má segja sé orðinn staðal búnaður hjá þessari deild. ( Mér finnst það ætti vera tekið hæfnispróf þegar menn fara á stærri dekk )þeir sem standa í þessum ferðum eru að vinna óeigingjarnt starf fyrir aðra og eiga þakkir skilið, þeim er stundum vorkunn að lenda í mönnum sem setja út á alla hluti, en samt sem áður eiga sum skrif rétt á sér, en hvort þessi skrif eru réttmæt það læt ég aðra dæma um.
KV,,,MHN
-
Replies
-
Svona skrif rétt á sér segir þú, jú að sjálfsögðu eigna þau rétt á sér. Allir hafa rétt á því að hafa skoðun. En kannski voru skrifin ekki sérlega vel tímasett þar sem öll nefndin er á fjöllum og getur því ekki svarað pistli þínum. Því þarf að lífga pistilinn við þegar nefndin kemur til baka.
Það er auðvita umhugsunarvert hvort nefndin sé ekki komin langt frá uppruna sínum þegar nánast allir í þessari ferð Litlunefndar eru á 38 +. En er ekki öllum sama þegar þátttakan smá jeppana er engin, það má líka spyrja sig þess.
Af því að það hafa verið skiptar skoðanir á því hvað er jeppi. Sérstaklega eftir þennan massa innflutning bílaumboða á allavega fólksbíladóti sem þeir selja síðan sem jeppa.
Þessar auglýsingar umboðana hafa greinilega haft þau áhrif að ansi margir þykjast vera komnir á jeppa. Ég sé t,d ekki hvernig ökutæki verður jeppi við það að fá í sig millikassa, þegar afgangurinn af boddýinu er í fólksbíla líki, með síðum sílsum, svuntum að framan sem ná nánast niður í jörð og dráttarkróka sem einungis er hægt að koma í tvinna svo þeir rifni ekki af. Í mínum huga er jeppi fjórhjóladrifið faratæki með háu og lágu drifi. Hábyggt þ.a.s lægsti punktur hátt yfir jörðu, útbúið til þess að þola átök og með möguleika til þess að draga annað ökulæki eða vera dregið sjálft.
Það sem mér finnst draga úr jeppaeiginleikum farartækja er t,d sídrif, það merki hefur allavega alltaf neikvæð áhrif á mig. Mér finnst það bara svo fjandi slyddaralegt. Sama segi ég um klafafjöðrun. Ég hugsa allavega þannig: jamm hann er BARA á klöfum.
Sama má segja um allt þetta plasdrasl í stuðurum og svuntum, þetta dót takmarkar getu jeppana ef ökumönnunum er ekki skít sama þó þetta láti undan. Ég hef sérstaklega tekið eftir þessu á Mússó. Við höfum lent í því að þessar dollur eru oft í vandræðum í ám og við ísskarir þar sem þeir eru byggðir einsog þeir séu að fara í malbiks kappakstur.
Það sem umboðinnn segja að sé jeppi er ekki jeppi. Þegar ég var að leita mér að 7.manna jeppa um daginn og talaði við nokkur umboð þá var mér boðnir bílar sem voru með sídrifi sem er ekki jeppa drif að mínu mati. Ég gat fengið stóran station bil sem var svipað hár og corolla bílasalar sögðu að þetta væri góður jeppi. Þetta eru ekki jeppar. Loks fann ég jeppa sem er bæði hár og með háu og lágu drifi. það er jeppi.
wyllis þá er málið úr sögunni og þarf aldrei að hafa áhyggjur af að keyra undan eitthvað plastdót eða þessháttar, segi nú bara svona hehe en annars er ég alveg sammála þessu með umboðin.
kv. Kristján Jeppesen
Allavega er víst ljóst að "Jeep" er lögverndað vörumerki! Veit reyndar ekki hvort Chrysler Corp. fer í mál við öll þau ferðaþjónustufyrirtæki um víða veröld sem kalla Suzuki Jimny og aðrar fjórhjóladrifnar innkaupakerrur "jeep" í sínum auglýsingum. Ég tek nú undir með Ofsa vini mínum að ég ber ákaflega takmarkað traust til klafafjöðrunar að framan, hvað þá þegar hún er á báðum endum. Að vísu eru klafar á báðum endum á HMMVW en þeir eru nú svolítið önnur hönnun og efnismeiri en samsvarandi búnaður á MMC Pajero/Montero svo dæmi sé tekið. Einu sinni hét Jeep Willy´s og á tímabili hétu verksmiðjurnar Willy´s Overland, eftir að þeir yfirtóku Overland fyrirtækið og síðar meira að segja Kaiser Jeep. Allt er það sér saga sem kemur þessu máli ekki beinlínis við, en nú er meira að segja Jeep Grand Cherokee kominn á klafa að framan svo bandarískar kellingar missi ekki silcon-púðana úr brjóstunum ef þær fara yfir hraðahindrun. En Wrangler – typurnar eru enn með heilt rör að framan, hvað sem það verður lengi. Það finnst manni vera "jeep" í alvörunni. Sama má segja um Patrolinn, sem er nú hvað sem hver segir með alvöru jeppaundirvagn. Enn eru Ford pickuparnir F250 og F350 á heilu röri að framan, þótt fregnir hermi að það muni fara að sjást fyrir endann á því. Sama er um stærri Ram- bílana. Nú, og svo eru nú Defender-bílarnir frá LandRover ekkert slor hvað sem fólki kann að finnast um yfirbygginguna. Þetta finnst mér vera alvöru jeppar. Konan mín á eitthvað sem heitir Kia Sorento og er að vísu með einhverskonar millikassa og jú, byggður á grind. Ekki dettur mér eitt augnablik í hug að kalla þetta jeppa. Er þó umboðið í svoleiðis blekkingaleik. En það fólk kallar líka Pajero konung jeppanna……………
ég er algjörlega sammála þessu
Er þá Lc80 ekki jeppi að ykkar mati?
Ég gleymdi náttúrulega að taka fram að hvað mitt innlegg snerti væri ekki um tæmandi upptalningu að ræða. En, meðal annarra orða; þá er því miður hætt að framleiða þann góða og trausta bíl, LC80. Manni er hinsvegar sagt, að Toyota sé að framleiða fyrir t.d. UN og hjálparstofnanir til notkunar í löndum sem þau störfuðu í, sérstaka útfærslu af LC100, sem m.a. væri með tvískiptri hurð að aftan og – namminamm – heilli hásingu að framan. En sá bíll fæst víst ekki fluttur hingað segja mér menn sem ég held að viti. Voru það ekki líka kontóristar í Bruxelles sem lokuðu á að við gætum fengið LC70? – Æi, af hverju eru alltaf einhverjir að gera manni lífið leitt?
Ég var nú bara að skjóta á þessa sídrifsumræðu. Skv þeim skilgreiningum þá er lc80 ekki jeppi.
Ég kynntist fyrst sídrifi í Lada – Niva tíkunum sem ég átti í eina tíð. Féll það vel, bæði á malarvegum og ekki síst í hálku. Sídrifið í t.d. LC90/120 er jú þannig, að það er hægt að læsa því og þá er þetta bara eins og venjulegt fjórhjóladrif. Mér finnst satt að segja kostur að hafa möguleikann á því að nýta mismunardrif í millikassa. Mér finnst það gefa bílunum aukna aksturseiginleika bæði á lausamöl og hálku. Ég get ekki rökstutt það fyrir sjálfum mér að sídrif minnki "jeppaeiginleika". Á tímabili a.m.k. var boðið upp á eina millikassatýpu í Wagoneer sem var svipað útfærður og millikassinn í Pajero, þ.e. hægt að hafa bara afturdrif, hafa fjórhjóladrif með mismunardrifi og með læstu mismunardrifi. Mér fannst hinsvegar galli á þessu kerfi í Pajero, að þegar maður var að hjakka og þæfa í ófærð, þá vildi það fara þannig að skiptipungurinn á framdrifinu vildi virka þannig að framdrifið var ekki með þegar maður bakkaði. Einhver sagði mér að ég hefði bara ekki bakkað nógu mikið og lengi til að það tengdist. Það fannst mér hinsvegar ekki góð pólitík og ansi oft yrði það til þess að maður festi sig.
Nú er illt í efni. Félagi Ofsi slengir því hérna fram (óbeint) að Defender sé ekki jeppi!!! því Defenderinn er jú með þessum umdeilda sídrifsbúnaði. Manni getur nú sárnað en mikið létti mér að sjá ólsarann taka upp hanskann fyrir sídrifið. Auðvitað skiptir miklu að geta læst millikassanum, því án þess gæti drifið verið að fara á aðeins eitt hjól miðað við að ekki séu læsingar í hásingum. Eiginlega finn ég ekki stóran mun á að vera með hefðbundinn millikassa og sídrifið að öðru leiti en því að þegar Ofsi fer út til að setja lokurnar á færi ég skiptistöngina aðeins til hliðar og er kominn með fjórhjóladrif sem virkar á nákvæmlega sama hátt og hjá honum. Svo fylgist ég með karlinum basla við hvort framhjólið fyrir sig í norðangarranum um stund og ek svo af stað.
En með klafana, ég er nú hættur að þora að segja upphátt að bílar á klöfum geti ekki talist jeppar, þeir verða allavega að flokkast sem hálf-jeppar greyin. Engu að síður staðföst skoðun mín að þetta sé jafnan ekki eins heppilegur búnaður í jeppa (dj. er maður orðinn dipló). Það er nú búið að þrefa svo mikið um þetta hérna að það væri hægt að gefa það út á bók og yrði sú bók álíka þykk og bækurnar hans Ofsa allar til samans (báðar til samans átti þetta að vera). [b:18hebke5] [url=http://www.f4x4.is/new/forum/default.aspx?file=bilarogbreytingar/1959:18hebke5]Þessi þráður[/url:18hebke5][/b:18hebke5] var nú t.d. bæði langur og lífsseigur.Á hinn bóginn er alveg rétt að þessi tilhneiging bílaumboða til að kalla einhverja slyddara jeppa er stórhættulegt og hefur orðið til þess að fólk fer til fjalla og yfir fljót í góðri trú á þess að vera með neinn búnað til þess.
Kv – Skúli
You must be logged in to reply to this topic.