This topic contains 11 replies, has 1 voice, and was last updated by 
-
Topic
-
Komiði sæl!
Ég er nýr félagi í þessum ágætu samtökum og var að enda við að fjárfesta í vhf-stöð og ísetningu. Eitthvað finnst mér móttakan vera undarlega léleg hjá mér, varla að maður nái öðrum signölum en daufum og flöktandi á beinu rásunum hér í Reykjavík.
Ég er búinn að flakka víða um höfuðborgarsvæðið til að reyna að kalla upp nýja endurvarpann á Hlöðufelli en hann svarar mér hvergi. Bláfjöll ansa hins vegar ágætlega en eru auðvitað alveg ofan í nefinu á manni og myndu eflaust gera það þótt loftnetið væri ótengt.
Ég sá einhversstaðar hér á spjallinu að menn væru að kalla Hlöðufell upp af höfuðborgarsvæðinu, jafnvel með handstöðvum og því spyr ég:
Eru aðrir hér í Reykjavík að fá Hlöðufell til að svara þessa dagana, eða er einfaldlega eitthvað athugavert við ísetningu stöðvarinnar? Þetta er hefðbundin 25 watta stöð og 5/8 loftnet aftarlega á toppi bílsins.
-
Replies
-
Ég er ný búinn að prófa að kalla á Hlöðufell og virkaði það vel hjá mér.
Það er ekki sama hvar í bænum maður er. Ég náði sambandi við 58 á bílastæðinu í spönginni en ekki á Höfðanum hjá N1. Fæ heldur ekki samband í 200 kóp eða niðrí bæ 101. Það er sennilega betra að vera staðsetur frekar hátt og ekki með mikið af stórum byggingum í kringum sig.
Kv Hilmar Örn
Um þessa helgi náði ég Hlöðufilli ekki, þótt ég prófaði á stöðum þar sem ég hafði náð því áður, m.a. fyrir utan húsið heima hjá mér, og á Háhrygg við Nesjavelli. Á Háhrygg náði ég bæði 46 (Bláfjöllum) og 44 (Bláfelli).
Spurning hvort það er ekki allt komið á kaf í ísingu uppi á Hlöðufelli.
Gallinn við sjónlínu-fjarskiptakerfi eins og Tetra og VHF, er að til þess að þekja hálendið að eitthverju gagni, þarf að koma stöðvum og endurvörpum upp á fjallstoppa. Á veturna gerir gríðarlega vond veður á þessum fjallstoppum. Þessum veðrum fylgir oft mikil ísing, sem er langmest á sjálfum fjallstoppnum. Ísingin kemur veg fyrir að hægt sé að nota vindrellur til rafmagnsframleiðslu og hylur sólarsellur stóran hluta vetrarins. Ísingin truflar einnig virkni loftnetanna.
Þetta veldur því að það er hæpið að treysta á svona búnað á veturna, þótt hann geti virkað fínt á öðrum árstímum.-Einar
Ég náði að lykla Hlöðufell uppi á Heiðinni Háu í Bláfjöllum í gær með handstöð enda er Hlöðufell þar í sjónlínu en fékk ekkert svar þegar ég kallaði upp hvort einhver heyrði í mér. Líklega ekki mjög margir sem eru komnir með rás 58. Það verður að vera sjónlína á milli ef VHF á eitthvað að virka.
ég náði lengi vel ekkert í 58 og hélt að það væri eitthvað bilað hjá mér en svo datt hann allt í einu inn í síðstu viku og náði ég að lykla hann inn á mörgum stöðum í bænum. Er ekki bara eitthvað bilerí á honum eða kannski ísing eins og Eik segir !
kv
A
eða þá að eins og eik. sagði… það myndast ísing á sellunum sem að geriri það að verkum að lítið hleðst inná geimana. Við erum í dimmasta tíma ársins þar að auki…..
svo eru sennilega líka allir að lykla inn á aumingja endurvarpann og útkoman verður sennilega sú að hann dettur út.
??????????????????????????????????????????????
Takk fyrir þessi svör.
Það er þá væntanlega lítið á Hlöðufelli að græða við að ákvarða hvort eitthvað sé athugavert við búnaðinn. Prófaði Spöngina án árangurs.
En segið mér, er almennt ekki mikið líf á rásum 4×4 og veiðirásinni innan borgarmarkanna? Eru menn almennt að upplifa stöðina sína þegjandi langtímum saman og hugsanlega að pikka upp einhverjar daufar sendingar, þar sem maður heyrir aðeins í öðrum viðmælandanum og skilur varla hvað hann segir fyrir truflunum? Yfirleitt rétt ná þessar sendingar að rjúfa squelsinn, þótt hann sé á lægstu stillingu, og flökta svo út og inn. Á þetta bara að vera svona?
Svei mér þá ef CB-ið í gamla daga var ekki bara miklu betra, jafnt í móttöku sem tóngæðum.
ég nota VHF aldrei nema í ferðum og það er undantekning ef menn eru að röfla í stöðvarnar nema þá bara á leiðinni út á land …. sem er bara fínt
Annars finnst mér gæðin hér í RVK oft léleg, hús skyggja víst líka á sendingar eins og fjöll …
Ef þú nærð 46 þá ættu græjurnar að vera í sæmilegu lagi.
kv
Agnar
ég hef nú oftast kveikt á VHF stöðinni og tók eftir því fyrir löngu að rás 44 er alltaf að koma inn með allskonar bull hér á reykjavíkursvæðinu. í fyrra vetur var ég svo að vinna hjá póstinum og komst að því að þetta bull sem er alltaf á rás 44 eru samtöl póstsendlana við miðstöð. þarna hefur póst og fjar…. úthlutað rás sem er grunnsamlega nálagt okkar rás og væri vert að athuga hvort þetta er ekki eitthvað sem hægt er að laga.
ég er ekki búinn að láta setja hlöðufellsendurvarpann í stöðina mína og veit því ekki hvernig staðan á honum er en ég vona að hann virki eins vel og hann á að virka í framtíðinni. þessi sendir er nauðsinleg viðbót ef hann virkar.
kveðja siggi
Fyrir mér er það kostur að það heyrist sem minnst í stöðinni eftir að hafa þurft að skipta um rás vegna gríðarlegs álags á fyrirframákveðinni rás af völdum tveggja samferðarmanna.
Ég myndi nú frekar eyða tíma mínu í að skoða þekjun á sambandi utan 101 rvk heldur en í 101 rvk.
SKiptir mig engu máli hvort að ég nái í Hlöðufell niður á lækjargötu eða spönginni…
en ég er nú ekki heldur skarpasta skeiðin í skúffunni.
kv. stef… ekki sú skarpasta
Fyrir mér snýst þetta ekki um það hvort ég nái einhverju hér en ekki þar. Það sem ég er að velta fyrir mér er hvort eitthvað geti verið athugavert við ísetningu loftnets, hvort standbylgja eða skortur á jörð valdi sendi- eða móttökuskilyrðum sem eru síðri en þau ættu að vera. Hlöðufell er semsagt bara aðferð til að reyna að meta þetta og greina.
Ef í ljós kæmi að almennt væri nóg af röfli á rásum félagsins í Reykjavík, en það færi allt saman framhjá talstöðinni minni, eða að allir næðu Hlöðufelli nema ég, gæti ég dregið af því skynsamlegar ályktanir. En mér sýnist miðað við svörin hér að þetta sé nú allt bara eins og það eigi að vera.
You must be logged in to reply to this topic.