Lengri felguboltar í Toyota 90

Sælir.

Ef þetta eru "venjulegar felgur", og millileggin (speicerarnir) ekkert ekstra þykkir, þá á þetta að vera í fínu lagi. Ef ég man rétt, þá gripu gengjurnar hjá mér ekki nema ca. 8 eða 9 heilhringi og það er meira en nóg á 6 bolta felgu.

Ferðakveðja,

BÞV

Sælir,

Felgurær og felgurær eru ekki endilega alltaf sami hluturinn. Þessar venjulegu málmglundursrær sem eru mest í umferð, þú veist þessar sem skilja gengjurnar eftir á boltanum strax og þú byrjar að herða eru ekki upp á marga fiska.
Þú gætir t.d. fengið þér vandaðri (dýrari) rær sem eru meira kónískar jafnvel með hálfgerðurm stút, þannig að þær gangi lengra inn og því meira grip.
Ég t.d. skipti algerlega um rær þegar ég svissa á milli ál og stálfelgnanna þar sem ég bæði nota speisera að framan á álfelgunum og lögunin á götunum á felgunum er öðruvísi og hersluna þarf að passa betur þá nota ég rær með hálfgerðum stút til að fá "lengri" gengjur upp á boltann.

Á stálfelgurnar nota ég sverari og sterkari rær (21mm lykill) svo ég geti örugglega hert allt í botn.

Kv.
Siggi_F

Það er ástæða fyrir því að við erum ekki með lengri felgubolta er sú að það eru til aðrar betri lausnir
fyrst er að kaupa felgur sem passa án millileggs
millileggin hafa reynst illa því þegar er kominn þessi tviskinnungur undir felguna hefur hún átt það til að losna og yfirgefa bílinn sem er mjög óþægilegt.
annað er að ef maður vill nota felgur sem þurfa millilegg vegna efnahagslegra ástæðna þá eru til felgurær með háls sem gengur inn í gatið á felgunni og bætir við þónokkuð mörgum gengjum.
Smiði á lengri felguboltum er mjög dýr þeir þurfa að vera úr mjög góðu efni sem erfitt er að renna, svo dýr að það er jafnvel ódýrara kaupa aðrar felgur sem passa.