This topic contains 3 replies, has 1 voice, and was last updated by 
-
Topic
-
Vinnufélagi minn keyrir mikið um á Suzuki ferðahjóli og er meðaleyðslan hjá honum á langferðum hér heima í kringum 7/100 (mælingar til margra ára). Hann var síðan að koma úr langferð á hjólinu um Norðurlöndin (SVÍ,DAN,NOR) þar sem eknir voru þúsundur km á tveimur vikum og það merkilega við þetta var að fljótlega eftir að hann kom til Danmerkur þá tók hann eftir því að meðaleyðslan lækkaði smátt og smátt niður í 5/100 og hélst þannig út alla ferðina. Þegar hann svo lenti aftur með Norrænu á Egilsstöðum og keyrði heim þá hækkaði eyðslan smám saman aftur í 7/100 á hundraðið.
Hafa menn einhverja vitneskju um það hvort bensín sé af lakari gæðum hér en erlendis, erum við að brenna einhvern skít hérna á Íslandi ?
-
Replies
-
Kuldi? Vindur? Brekkur? (passar reyndar ekki alveg fyrir Noreg).
Ég á og keyri mótorhjól í Danmörku og um þessar mundir er ég staddur með hjólið á Íslandi og búinn að keyra ca. 3000 kílómetra síðustu vikur. Eyðslan á hjólinu er nánast sú sama, stundum minni !!!
Ég gerði ráð fyrir að eyðslan yrði meiri vegna landslags og lægra hitastigs, en sú hefur ekki verið raunin. Ég myndi þó giska á að betra vegyfirborð, hærri hiti, sléttara land og sú staðreynd að menn eru að skoða sig um en ekki að komast hratt á milli staða hafi umtalsverð áhrif til lækkunar eyðslu.
Ég verð ekki var við að hjólið mitt gangi neitt ver á íslensku bensíni en dönsku.
Já það fyrsta sem ég hugsaði var að aðstæðurnar hefðu verið betri en hann vill meina að svo hafi ekki verið og að það hafi verið svipaður akstursmáti á þeim erlendis og hér heima. Kannski keyra menn bara ómeðvitað "betur" á svona löngu ferðalagi !
You must be logged in to reply to this topic.