Lélegir afslættir fyrir félagsmenn

Sæll Toni.

Mér finnst eins og þessi þráður þinn eigi heima sem fyrirspurn til stjórnar, því ekki geri ég ráð fyrir að allir þeir sem eru hér á spjallinu geti vitað svör við þessu. Mér finnst einnig eins og þú hafir verið eitthvað hálfúldinn við tölvuna eftir miðnættið í nótt og vona að þú sért í skárra skapi nú í morgunsárið.

Mig langar þó að segja þér frá því, af hverju ég er í félaginu. "Fyrst og fremst til þess að hafa gaman af því". Hitta fólk, ferðast, fá Setrið sent heim, mæta á fundi og opið hús. Það er bara bónus fyrir mig að fá afslátt í búðum hér og þar og snöggur er maður að fá fyrir 3.900 krónunum.

Vel má vera að 4×4 fái ekki sömu afslætti en aðrir klúbbar. Kannski er það vegna þess að þeir sem gefa okkur afslátt, viti að við verslum ekki mikið, eða erum við kannski leiðinlegir kúnnar. Hvað veit ég um það. Legg til að þú takir að þér fyrir hönd klúbbsins, að semja við alla þessa aðila á næsta hausti, því þú ert greinilega harður í horn að taka. Svo ég tali ekki um að þú gætir verið búinn að gera umfangsmikla könnun á því hvað við verslum og hvað aðrir versla. Þannig gætir þú verið búinn að eyða svona einum og hálfum mánuði í þetta verkefni fyrir okkur hin í klúbbnum.

Varðandi þetta með heimabankann í tölvunni, þá væri gaman að sjá póstberann banka heima hjá þér og kanna hvort talvan þín væri heima og reyna svo að troða öllum þínum prívat pósti inn í tölvuna þína. Bara spurning hvort hann fari inn um floppy drifið, eða inn um geisladrifið.

Það eina sem ég veit, er að þú ert væntanlega skráður í félagið. Félagaskráin er send til bankans og þeir senda út gíróseðla. Hugsanlegt er að þeir keyri saman skránna við þjóðskrá, þannig að sem flestir fái sinn seðil heim til sín, því ansi margir trassa það að láta vita, ef þeir flytja á milli húsa.

Annars vona ég að þú sért búinn að jafna þig á þessari fílu og mætir hress á bjórkvöldið hjá Bílanaust á föstudagskvöldið.

Kv
Palli

Sæll Toni.

Ég hvet þig til að senda alls ekki frúna þína út í búð til að kaupa vara- eða aukahluti í jeppann. Það verður seint sparnaður úr svoleiðis háttalagi… (fyrirgefið alhæfinguna Soffía, Margrét, Kristín, Ella, Guðrún og allar hinar sem þetta á alls ekki við um…).

Hins vegar finnst mér athugasemd þín eiga fullan rétt á sér, einkum í þeim tilgangi að hvetja stjórn og starfsmann klúbbsins til dáða, enda er það vissulega athyglisvert ef vara- og aukahlutasalar bjóða sauma- og kvennaklúbbum betri afslátt en okkur jeppamönnum sjálfum. ÉG gekk t.d. sjálfur í klúbbinn 1991 eða 1992 af hreinum sparnaðarástæðum, þar sem ég var þá að breyta bíl og vantaði afláttarkjör. Síðar heillaðist ég af hinu blómlega starfi félagsins og fór að taka þátt í félagsstörfunum 1995.

Skil hins vegar sjónarmið Páls Halldórs einnig vel, að betra hefði verið að koma þessu til stjórnar beint án þess að gera lítið úr starfi stjórnar á spjallvefnum. Það er lítt uppörfandi fyrir þá sem eru af heilumhug að gefa klúbbnum heilmið af tíma sínum í hugsjónastarf.

By the way, þá tel ég afsláttarkjör félagsmanna hjá samsstarfsaðilum félagsins frekar hafa batnað á síðastliðnum árum, enda hafa bæði komið inn nýjir aðilar með afslætti og afslættir eldri samsstarfsaðila hafa verið auknir (t.d. Bílanaust o.fl.) Kannski er samt hægt að gera enn betur?

Ferðakveðja,

BÞV

Já þetta bjórkvöld hjá bílanaust var algjör snilld og eiga þeir sem og skemmtinefnd heiður skilinn.