Lekur olíutankur.

Í mínum huga er ál vont efni í aukatanka. Hef slæma reynslu af því sjálfur og pabbi minn líka. Vandamálið er að þeir fara nákvæmlega eins og þú ert að lýsa, springa á suðum. Gerði einu sinni við tankinn sem ég var með og það entist tvær fjallaferðir, þá var hann enn verri en í fyrra skiptið. Smíðaði þá eins tank úr svörtu stáli og hann hefur verið vandamálafrír í nokkur ár. Um daginn var gert við tankinn hjá pabba og það entist í tvær vikur í innanbæjarakstri, aftur farin að smita gegnum suður. Sá tankur er nú kominn út á gólf og ég mun smíða annan svipaðann úr svörtu.

Það að vera með ásoðin eyru og bolta fast við grind er alveg bannað, sama þótt þau séu bara þrjú. Þú endar alltaf í sprunguveseni og þá sérstaklega ef tankurinn er úr áli. Það er ástæða fyrir því að ekki einn einasti bílaframleiðandi boltar tankana fasta mér vitanlega heldur hanga þeir alltaf í einhverskonar gjörðum. Þú verður annaðhvort að hengja hann upp eða setja gúmmífóðringu á eyrun sem eru á tanknum hjá þér til að minnka spennuna sem verður í tanknum.

Freyr

Það má aldrei tengja saman málma af mismundandi tegund því að þá breytist oxunaröðin (heitir tæring/ryðmyndun) og því má aldrei tengja stál við ál því að þá ryðgar stálið hraðar en álið (hægt að bjarga því með að setja annað efni á milli t.d. gúmmí). Þeir sem vilja hindra ryðmyndun í stáli nota hinsvegar blý og setja blýhlúnka á stál. Þekkist mjög vel í skipaiðnaðnum og líka hjá fornbílaeigendum og líka sem eiga ryðbíla s.s. pallbíla (ætlaði að segja Toyota en fannst það ekki viðeigandi) þá gæti það dugað út af afturhleranum.

Þannig að ef bílinn er í lagi og ryðmyndunin er bara á einum stað minnkar það möguleikann á ryðmyndun á fleiri stöðum (skv. kenningunni).

Varðandi festingu á bensíntanki þá ætti það að vera ljóst að festa frekar lítiln massa (tankur + eldsneyti) við enn sterkari massa (t.d. grind- sem er mun fleiri kg. ) þá myndast sterkir kraftar á milli þessara hluta og þá þarf að nota málma með mikinn sveigju styrkleika sem álið hefur ekki. Þá er einmitt farið að nota annað efni t.d. plast í bílum og nota upphengjur (er líka notað fyrir málmtanka). Lausnin er þá að nota áltanka með að nota upphengjur við þá til að losna við auka spennu á festingar.

Man í gamla daga að þá voru lagaðir bensíntankar en þeir voru þunnir úr járni og þá voru settir í þá vatn og þá voru þeir lóðaðir (stórhættulegt að sjóða þá). þannig að þeir voru mjög þunnir.

En að sjálfsögður er bara best að tala við fagaðila og þau verkstæði sem þekkja þetta.

Raus kvöldsins lokið,

Kv. SHM

[quote="Þorsteinn":1msqo7vc]Þegar þú smíðar tankinn úr svörtu, hvað ertu með þykkt efni í honum? var tankurinn húðaður að innan hjá pabba þínum?

kv. Þorsteinn[/quote:1msqo7vc]

Tankurinn var með botn, fram og afturhlið úr einni plötu sem var beygð. Minnir að ég hafi haft hana 1,5 mm því tankurinn skagaði svolítið niður undann grindinni en restin úr 1 mm.

Tankurinn hjá pabba var ekki húðaður að innan eftir því sem ég best veit, það var ekki ég sem skar hann upp og sauð upp á nýtt.

Kv. Freyr

Alveg rétt..

Zink!

Biðst velvirðingar á þessu.

Klumparnir voru bræddir með stálplötu og þegar allt var harðnað þá var auðvelt að sjóða þessa klumpa (og stundum erfitt að losa þá af) á stálhluta t.d. botnstykki á skipum.

Kv. SHM

P.s. Ég fékk smá skot um að fara til fagaaðila en ég hef einmitt misjafna reynslu af "fagaðilum" og best ef maður getur og kann sjálfur að gera hlutina sjálfur en stundum er samt best að mæla með því að fara til fagaðila svo að enginn sé að prófa eitthvað sem getur valdið skaða.