This topic contains 4 replies, has 1 voice, and was last updated by 
-
Topic
-
Daginn
Ég er með 2002 módel af LandCruiser 90 með common rail vélinni og hef undanfarið verið að lenda í því að hann er að drepa á sér allt í einu.
Venjulega er þetta að gerast eftir að ég hef ekið bílnum í töluverðan tíma, þá vanalega í lagnkeyrslu og ég stoppa einhversstaðar og drep á honum. Síðan þegar ég set hann í gang aftur eftir nokkrar mínútur þá gengur hann í smá stund, venjulega innan við 30 sekúndur og síðan deyr á honum. Þá þarf ég vanalega að starta í svona 5 til 10 sekúndur áður en hann fer aftur í gang.Er einhver sem kannast við þetta vandamál og gæti sagt mér hvað sé að?
kv.
Ómar
-
Replies
-
Anonymous- Umræður: 0
- Svör: 16404
Ég hef ekkert fyrir mér í því annað en algert gisk, en þetta lýsir sér pínulítið eins og það sé nálarauga einhvers staðar á lögn sem loft dregst inn um þegar hún er volg. Geri reyndar ráð fyrir að það sé fæðidæla í þessum bil afturí tanki, sem eiginlega útilokar þessa kenningu vegna þess að það myndi líkast til leka út um gatið þegar bíllinn gengur.
Ég myndi nú samt yfirfara olíulagnir og síur til að byrja með, líklega rétt að láta lesa af tölvunni líka til að sjá hvort hún hefur orðið vör við einhverja hnökra…ég man eftir Patrol 3.0 sem var skipt um olíuverk og ég veit ekki hvað, svo kom í ljós nálarauga á viðbótarlögn í olíumiðstöð. Verkstæðið bakkaði auðvitað ekki með að olíuverkið hefði verið bilað þó að ekkert lagaðist fyrr en lögnin var löguð. Góður 500.000 kall þar í vaskinn.kv
Grímur
myndi fara í gegnum rafmagnið sem liggur ofan á velinnin við hvalbakinn
Mér datt það sama í hug og Grímur, en það er bara af því að ég er ný búinn að lenda í þessu, þó það hafi lýst sér aðeins öðruvísi.
Það er reyndar 2000 árgerð sem ég er á – og ekki common rail vél.Þá nuddaðist gat á olíulögnina fyrir ofan aukatankinn.
Þetta lýsti sér þá þannig að eftir að hafa skrölt yfir Kjöl (með 13 pund í dekkjunum á 70 km meðalhraða til að fljóta yfir þvottabrettin), þá stoppaði ég í Varmahlíð og þegar ég ætlaði af stað aftur tók það ca. mínútu að starta bílnum.
Þetta gerðist 3 sinnum aftur á nokkrum dögum á norðurlandi, þangað til ég tók eftir polli undir bílnum þegar ég kom að honum í eitt skiptið, og fann þá lekann. Þá gat ég reddað gangsetningunni með því að handdæla á síunni áður en ég startaði.
Það sem mér fannst hins vegar athyglisvert var að þetta olli engum gangtruflunum meðan bíllinn var í gangi, sá sem gerði við þetta fyrir mig var mjög hissa á því líka og fannst að hann hefði átt að draga loft sem ætti að trufla ganginn ?En ég á alveg von á að common rail vélin geti verið viðkvæmari fyrir slíku, án þess að ég hafi hugmynd um það – þess vegna ákvað ég að slá fram þessari reynslusögu.
Þannig að endilega kíkja eftir leka undir bílnum……sérstaklega ef þú hefur farið yfir Kjöl nýlega 😉
Arnór
Myndi líka athuga hráolíusíuna í bílnum.
You must be logged in to reply to this topic.