LC80 – Vantar lausn

Ég hef verið að spá í þessu. http://www.kaymar.com.au Spare wheel carrier, en þetta kostar einhvern pening. Með smá breytingu mætti hengja á þetta tjakkinn, álkall og skóflu.

Agust

sælir félagar,

afhverju hengið þið þetta ekki upp undir eða á "stuðara". Annað að framan og hitt að aftan !! þá þarf ekki að vera að bæta við einhverri járnagrind. Það hlítur að vera hægt að útbúa snyrtilegar festingar fyrir þetta.

kveðja
Moli litli

sælir
Patrollarnir sem Hjálparsveit skáta í Reykjavík á eru með bridde grind að framan (reyndar sérstök grind sem kemur í staðinn fyrir plaststuðara draslið). En á þessum grindum eru bara smá pinnar út sem við skrúfum tjakkanna fasta á. En við fundum fyrir því að tjakkarnir voru leiðinlegir eftir krapa og drullu, svo við brugðum á það ráð að fá okkur drullutjakkapoka sem Seglagerðin Ægir saumar og á til, kosta eitthvað um 4000-5000 kall.
og svo ég haldi nú áfram að vitna í þessar pjattrollur, þá eru álkarlarnir festir á gangbrettið bílsjórameginn, og það finnst mér besta lausn sem ég hef séð á þessu.

Baldur

Sælir drengir.

Hugsa smá það er lágmark.
Ef þið eruð að nota þessa bíla ykkar eitthvað og hafið einhverntíman komið á fjöll þá ættuð þið að sjá hversu vittlaust það er að festa þennan búnað annaðhvort á stuðarana á bílunum eða eins og maður sér sumstaðar, undir stuðurunum, þetta er það fyrsta sem fer á kaf þegar þið missið svo bílinn niður í ís eða sprungu og þið náið ekki tjakknum eða álkarlinum eða jafnvel skóflunni í burtu. Hvaða gagn er þá í að hafa þessa hluti með???. Ég hef svo sem aldrei séð neinar sniðugar lausnir á þessum festingum nema kannski eins og á gamla Willis:) þar sem tjakkurinn er látinn standa lóðréttur á einu stuðarahorni bílsins og er svo festur ofan til með bolta í gegn um stöng eða eitthvað, ekki beint þægilegt að kom þannig festingu fyrir á Crusier, þannig að ég setti þetta nú bara á toppinn á crusier hjá mér og svo á milli ferða fær þetta bara að njóta ylsins í bílskúrnum heima, það er enga stund verið að taka þetta af og setja þetta á fyrir ferðir og þessu er ekki stolið á meðan og er ekki fast af riði og öðrum viðbjóði loksins þegar maður þarf að nota þennan búnað……..

Sælir

Er ekki fín lausn að vera með þetta aftan á bílnum…

Álkassarnir frá KE- málmsmíði eru fínir og það er hægt að fá bæði drullutjakks og álkarlsfestingar með þeim….

http://www.ke.is/

Þetta er allavega sú lausn sem ég ætla að fá mér á minn bíl.

BM

Takk fyrir þetta strákar.
Líklega endar þetta á toppnum. Finnst helvíti hart að þyngja þennan bíl meira að aftan þar sem er fyrir 120 lítra aukaolíutankur. Vantar semsagt ekki meiri vigt fyrir aftan afturhjól.

það sniðugasta sem að ég hef séð er að setja þetta á gangbrettin, það var 44" breyttur bíll, svo að þau voru vel nógu stór til að hægt væri að stíga framhjá þessu, en þetta leit allveg massi vel út

Hvar besti staðurinn er bara persónulegt atriði.
Afturendinn hentar mjög vel á einkabíl, þar sem ekki eru sömu afturendaþyndgdarvandamál og á oflestuðum björgunarsveitarbíl. Og þá er umgangur um afturhurðirnar á einkabílum miklu minni en á björgunarsveitarbíl og því í lagi að hafa meiri þyngd hangandi á þeim.

Þakið er einnig gott, svo lengi sem það er ekki þegar fulllestað af skíðum, skóflum og tengdamömmuboxum með teppum, börum og öðru slíku drasli. Þá er líka hætta á að þungir hlutir á skíðabogum breytist í tundurskeyti við árekstur. Örugglega ekkert þægilegt að fá flúgandi drullutjakk í andlitið.

Framstuðarinn er ágætur líka. Tjakkurinn aldrei fyrir og drifgeta flestra bíla eykst ef eitthvað við aukna þyngd að framan. Þó er þessi staður með þeim afmörkum að ef bíllinn dettur á nefið ofaní eitthvað, þá er dótið óaðgengilegt með meiru. Fyrir félagslinda björgunarsveitarbíla úr höfuðstaðnum skiptir þetta þó engu máli þar sem þeir ferðast alltaf í hópum.

Sem sagt, bara hugsa smá og ákveða svo hvað hentar þér best.

kv
Rúnar.