LC80 gormar og demparar

Eftirfarandi eingöngu er byggt á minni upplifun og aðeins sett hér inn til upplýsingar fyrir þá sem eru í svipuðum pælingum.

Eftir að hafa skoðað það sem var að finna hér á vefnum og ráðfæra mig við ýmsa aðila fjárfesti ég í nýjum dempurum og gormum undir Land Cruiser 80 bílinn minn. Fyrir valinu urðu OME850J og OME863J gormar sem eru 3″ lengri og fyrir 10-250 lbs (front) og 200-440 lbs (back) viðbótarþyngd. Þetta passaði ágætlega því áður voru 2.5″ upphækkunarklossar á upprunalegu gormunum og bíllinn viktaði 1360kg (front) og 1260 (back) létt lestaður á 38″. Það sem passar við þessa gorma eru N73L og N74L demparar frá OME, þeir eru aðeins lengri og stífari. Áður voru original demparar (lengdir) og gormar (með 2.5″ klossum á) og var það dót allt rifið í burtu.

Niðurstaðan? Jú að mínu mati allt annar bíll og betri. Má vera að gamla dótið hafi verið orðið handónýtt og að það hefði verið líka gott að setja nýja stock gorma og dempara í en ég sé ekki eftir að hafa farið þessa leið þó hún hafi verið dýrari. Náði í gær að keyra innanbæjar, utanbæjar, á fínum malarvegi, grófum malarvegi, holum og ójöfnum. Á sömu leið var bíllinn áður vaggandi út um allt og fjöðrunin var ekki taka við nógu miklu (að mér fannst). Bíllinn er samt frekar stífur og er það auðvitað spurning um smekk en það hentar mér því ég er frekar inn á evrópsku línunni en þeirri bandarísku þegar kemur að fjöðrun. Í kaupbæti er svo bíllinn miklu rásfastari og svei mér ef þetta sló ekki bara líka á jeppaveikina! Að sjá er hann svipaður að hæð að aftan en aðeins lægri að framan.

Smá til að auðvelda öðrum að finna þetta með leitinni síðar: Toyota Land Cruiser 80 LC 80 Old Man Emu OME 863J OME 850J OME863 OME850 OME 863 OME 850