LC 90 á 35″

ég hef nú takmarkaða reynslu en hef keyrt þá eitthvað en hef ferðast þónokkuð með svona bílum á jahh óbreytt uppí 38" og ég tek nú bara fyrir það sem ég veit með 35" bílinn en þetta er auðvitað allt persónu bundið svo því fleyri sem svara því betra en já mér fannst svona bíll örlítið hastur að aftan en hann er þó á gormafjöðrun að aftan eins og þú væntanlega veist og ef þessi bíll er keyrður rétt og réttur loftþrýstingur í skónum þá fara þeir lygilega mikið að mér finnst og hef ég t,d séð 35" 90 bíl húrra frammúr hilux tdi 38" upp snjóbrekku og skildi hann eftir og eftir mínum upplýsingum og vitundum og heimildum þá hafa menn verið ótrúlega ánægðir með þessa bíla en þetta er það sem ég get sagt um þennan bíl en svo eru kannski aðrir með aðrar skoðanir svo því fleyri sem svara því betur ertu upplýstur því ég er auðvitað bara dropi í hafið.

en gangi þér vel í veiðinni:D

Toyotakveðja Davíð Karl

sælir
Ég hef átt svona bíl á 38" , ferðast talsvert með svona bílum og þekkt marga sem hafa átt svona bíla, bæði breytta sem óbreytta. Hérna er það sem ég veit:
– Frábær díselvél, enn betri með common rail og enn betri með intercooler (common rail kemur með cooler orginal)
– var ánægður með sjsk, hef ekki ekið beinsk
– vélarnar í ´97 bílnum voru eitthvað gallaðar og heddin eyðilögðust óvenju snemma eða í kringum 6 ár eða 100-150 þús km. Virðist hafa verið lagað í árgerðunum þar á eftir enda vélin ekki alveg sú sama. Gera má ráð fyrir heddskiptum í kringum 200 þús km svona almennt.
– kram að framan er veikt, stýrisendar, stýrismaskína, framdrif og öxlar. Þetta getur allt farið í átökum og jafnvel í litlum átökum. Sumir hafa þjösnast á þessum bílum á 38" án þess að nokkuð hafi komið fyrir svo árum skiptir en aðrir eru alltaf að brjóta eitthvað ! Svo verður þetta dót slitið þegar akstur nálgast 200 þús gæti þá þurft að skipta um t.d. sexkúluliði, fóðringar o.s.frv.
– Org rafmagnslæsingar eru drasl og þurfa þær mikið viðhald og eftirlit.
– Mér fannst alltaf leiðinlegt að halda þessu plastdóti eins og stuðurum og svuntum í horfinu, þetta var alltaf að losna og aldrei til friðs. Kannski bara bundið við minn bíl.
.
Gott að sitja í þeim og ég hef ekki átt skemmtilegri bíl til að aka um á malarvegum á sumrin, feykinóg afl og klafafjöðrunin að framan mjög skemmtileg. Ef þú ætlar í 35" bíl á annað borð þá mæli ég með þeim en auðvitað ertu ekki að fara í neinar heavy fjallaferðir á honum þannig, gæti hentað í styttri dagstúra með meira breyttari bílum og kannski upp á Langjökul ef færið er gott.
kv
Agnar

sælir
veit ekki hvað olli þessum ónýtu heddum þannig að ég veit ekki hvort það gæti gerst. Best að ræða við þá hjá Toyota um það. Annars eru nú til mun verri bilanir en heddskipti að mínu mati í díselvél
kv
Agnar

Gleymdi að nefna að það þarf að passa að öndunin úr læsingapungnum sem fjöðrin er í sé í lagi, annars fer allt til fjandans með ryð og þh.

sælir
viðmiðunin sem Toy gaf á sínum tíma var 6 ár (ábyrgð rann út 2003) en ég veit um tilfelli þar sem þeir tóku á sig vinnuliðinn þrátt fyrir að sá tími væri liðinn (2004) þar sem bíllinn var lítið ekinn. Þetta er náttúrulega bara oft spurning um hversu mikið menn nenna að atast í þessum málum.
Góð driflæsing er í mínum huga læsing sem virkar þegar á þarf að halda og þarfnast lítils viðhalds eða eftirlits. Þetta er ekki reynsla þeirra sem ég þekki sem hafa átt svona bíla í einhvern tíma og skiptir þá engu hvort læsingin var mikið notuð eða ekki. Það má vel vera að aðrir hafi aðra sögu að segja.
kveðja
Agnar

þá er maður bara búinn að festa kaup á einum 35" lc90 árg.97 ekinn 150þús…einn eigandi og 100% þjónustubók og viðhald hjá umboði……
Þakka ykkur fyrir infóið drengir.
Kv.
Alli