LC 90 44″

Sæll Hábeinn.

Ég get sagt þér það að ég er búinn að vera með þetta í maganum í talsverðan tíma og verð það áfram áfram og örugglega endar þetta með alvarlegu magasári. Það er sagt að þessi bíll þufi ekki "44 "38 sé nóg og jú það er rétt þeir sem til þekkja vita að þessar elskur eru hugsanlega jafn bestu bílarnir í snjónum. Aðrir segja þetta er allt of léttur bíll fyrir "44 má vera að það sé rétt? Minn bíll vegur fullbúinn í ferð með einum farþega ca 2450kg. Varðandi aflið þá er LC dollan með nýju vélinni mjög sprækur og ég er alveg klár á því að hún snýr þessum tuðrum. Það sem stoppar mig er kjarkleysi, mjög einfalt. Í mínu tilfelli væri það mjög dýrt spaug ef þetta klikkaði þ.e. ef dollan yrði nú hundleiðinleg. Hvað ætli þurfi að gera til að þetta gangi? Hvað með framdrif? Þurfum við ekki að gera einhverjar stórkostlegar breytingar þar og þó var ekki einhver að segja það um daginn að sama dótið væri undir 70, 80 og 90 Landcruiser-onum að mestu leyti? En eins og þú segir, er hægt að breyta honum?

Kveðja
Benedikt

Sælir
Hvernig dettur ykkur í hug að vera að hugsa um þetta. Þetta er svona jafn glórulaust eins og að setja Subaru á 35". Liðhúsin þola þetta aldrei hvað þá drifið, öxlarnir, hjöruliðirnir, já og stýrisendarnir. það er kannski nóg power, en allt annað í bílnum er bara sýnishorn!!!!!!

Kveðja
Steini

Sælir.

Það vantar ekki fullyrðingagleði ykkar snillinga. Enn og aftur eru menn sem þekkja ekki þennan fína framhjólabúnað á LC 90 með upphrópanir og fullyrðingar. Ég vil mynna á allan þann fjölda þessara bíla sem eru á "38 hjólum, margir mikið notaðir og hafa reynst bara ljómandi vel. Auðvitað geta þessir bílar bilað eins og aðrir, en staðreyndin er sú að þeir gera það í minna mæli en margar aðrar tegundir og framhjóla- og framdrifsbúnaðurinn er alls ekki eins lélegur og úrtölumenn hafa haldið fram.

Vissulega eru menn með sterkari búnað með heilli hásingu, en þá fórna menn líka nokkru af aðalsmerki þessara bíla, þ.e. frábærri fjöðrun og aksturseiginleikum. Ég vil mynna ykkur úrtölumenn á að það eru til "44 breyttir 4runner bílar með original framhólabúnaði og hafa bara gert sig mjög vel.

Ég skil vel að Patrol og Musso menn reyni að tala Barbí eigendur ofan af því að skella sér á "44, því þar með yrði getuleysi þeirra fyrrnefndu endanlega opinberað !!!

Ferðakveðja,

BÞV

Verið ekki að huxa um svona asnalegan hluti eins og að setja 44" undir eitthvað annað en alvöru jeppa sem þola það.(Datsun) Ef menn eru á Togaíogíta og vilja ferðast á fjöllum verða þeir bara að sætta sig við að keyra í förum eftir alvöru bíla,(Datsun) það er að segja ef þeir eru svo lukkulegir að hafa svoleiðis ferðafélaga…

Datsun kveðja R2208

Teddi þú átt góðan skammt af þeim, er það ekki?

Er það ekki ástæðan fyrir öllum breytingunum?

Emil

Smá ábending

Reynir í Fjallasport setti hásingu framan á Trooperin sinn svo Stína gæti keyrt eðlilega.

Tóti mussó setti líka hásingu framan á Mussó til að geta notað bílinn á 44" hjólum.

Þessir bílar þykja hafa betri klafabúnað en barbý.

Jafnvel þótt okkar ástsæli fyrrverandi formaður (með engilfögru morgunröddina) sé ánægður með sinn barbý þá er þetta bara nokkuð sem þarf að gera !!!!

kveðja hinn strumpurinn

Nei nei við sem ökum umm á 44" Datsun þurfum ekki neinar þolimæðispillur eða neitt svoleiðis. Það er hinsvegar ágætt að hafa með sér ferðagrill og slá upp veislu meðan maður er að bíða eftir ferðafélögunum sem eru ekki á Datsun, en ekki nein þörf á því að fá sér neinar pillur þótt maður sé endalaust að bíða eftir einhverjum sem ferðast á tækjum sem eru með dagatal í staðinn fyrir hraðamæli…

Grillkveður R2208

Sælir félagar.

Ég held að það sem svæfði umræðuna um daginn var pistill minn um staðreyndir sem fæstir þora að viðurkenna og alls ekki breytinga fyrirtækin.

Ég er hálf hissa á þér Björn Þorri sem ert búinn að ferðast mikið á þessum fína bíl og örugglega talsvert með 44" bílum að þú skulir vilja sjá Barbie á 44"(eða ertu kanski bara ekki á mudder).

Gerði copy og paste á pistilinn og vonast eftir meiri umræðu um þetta heldur en um daginn,ég var nú hálf skúffaður á að fá engin viðbrögð(eða hafði ég kanski að kristna 44" mennina).

Hér kemur pistillinn sem allt svæfði.

Ég hef alltaf jafn gaman af þessari 44" umræðu þar sem menn eru að öfundast útí þessi 15% tilvika sem 44" bílarnir komast eitthvað.(Ég vil nú meina að það séu ekki nema 10%).

Mín reynsla er nefnilega sú að í 70% er 38" mikið duglegri og 20% hafa 44"bílarnir við 38" bílunum,en svo koma þessi 10% sem 44" virkar.

Þess ber að geta að þegar ég tala um 38" er ég að tala um RADIAL og er ég sannfærður um að ef það kæmu 44" radial dekk þá hefðu þau algjöra yfirburði,en það er víst ekkert væntalegt því miður.

Vegna samanburðar á 4Runner og Landcruiser 90 er rétt að geta þess að þó báðir séu með sjálfstæða fjöðrun er búnaðurinn gjörólíkur.

Hæ Teddi.

Ég átti stóran skammt af þessum góðu pillum, en hann er að verða búinn. Áttu eitthvað eftir af þínum?

En ég er með turbo í dag, og það munar öllu.

En með 44" umræðuna.
Ég trúi því ekki að nokkur maður meini það í alvöru að það sé praktískt að setja 44" undir LC 90. Ekki einu sinni Björn Þorri. Ég hef stundum rætt þetta við félaga minn sem er með þannig vagn á 38". Honum þykir vænt um bílinn sinn, og fer því varlega með hann. Samt hafa brotnað 2 framdrif hjá honum.

Og svo er það spurningin um tilgang. Þetta eru fyrirtaks bílar sem hafa góða vinnslu, drifgetu og aksturseiginleika. Til hvers að skemma það allt?

Mér verður stundum hugsað til mynda sem maður hefur séð af Hiluxum á 44". Ef eitt hjólið hefur farið 10cm. néðar en hin hefur alltaf verið sóttur spotti. Það er sýnilegt að það er ekki þorandi að taka á þeim. Hvað er þá gaman við að eiga stóran jeppa á stórum hjólum, ef það má ekki taka á?
Ég bara spyr.

Þolinmæðiskveðjur,
Emil.

Enn og aftur skora ég á barbí eigendur að skrúfa framhjól undan "dúkkunni" og stara á hjólabúnaðinn. Gott er að hafa bjór við höndina og fyrir viðkvæma mæli ég tvímælalaust með sjóveikitöflum og uppsölupoka. Ekki spillir að hafa myndir af fjölskyldunni við höndina og skoða þær öðru hvoru þegar menn áætla styrkinn í klafadraslinu. Endurtakið svo í sífellu þar til þið trúið því…"Við komumst örugglega heil heim". Gefið sérstaklega gaum að neðri spindilkúlunni og átakinu á hana. Einnig ber að skoða vandlega fiskbeinið sem tengir liðhúsið að ofanverðu.

Brotið framdrif og þessháttar er eitthvað sem skiptir litlu máli, þá fá þeir sem starfa við viðhald og breytingar bara meira að gera og hagvöxtur í þjóðfélaginu vex að sama skapi. Gott mál það. Suma hluti er bara erfitt að bæta.

Hvað snertir þessa breytingu að öðru leyti þá er hún hið besta mál. Þessir bílar yrðu vafalaust "öflugri" við 44" dekk og betri til ferðalaga þegar aðstæður eru hvað verstar. Ekkert mælir gegn því að breyta þeim fyrir þessa dekkjastærð, og vandalaust fyrir kunnáttumenn að halda aksturseiginleikum og öryggi ef nóg er að gert. Takið eftir lykilorðinu hér….breyta!

Kv bensíndraugurinn