This topic contains 4 replies, has 1 voice, and was last updated by 
-
Topic
-
Daginn
Getur einhver sagt mér hvað menn hafa verið að síkka stýfur mikið á lc-80 við 44″ breytingu??
kv
Kiddi
-
Replies
-
Sæll.
Það fer nú bara eftir því hvernig og hvað mikið þú ætlar að hækka hann upp! Ef þú boddýhækkar bílinn td. 10cm þarftu ekki að lyfta honum mikið á gormum og þar af leiðandi ekki að síkka mikið í stífuturnum. En ef þú ætlar hinsvegar að setja 10cm klossa á gormana og hækka minna eða ekkert á boddýi þá þarftu lágmark að síkka stífurnar um það sama eða helst aðeins meira til að halda þokkalegum spindilhalla.
Bíllinn verður hundleiðinlegur í akstri ef spindilhallinn minnkar í breytingunni og sérstaklega á 44" DC sem verða seint talin góð keyrsludekk. Orginal spindilhallinn á LC 80 er 2,5°-3° og hann má ekki vera minni á svo mikið breyttum bíl, gott væri að fá hann upp í 4-6 gráður. Ef hann fer mikið yfir það ertu farinn að setja fullmikið álag á spindillegurnar. En svo gætirðu líka sparað þér síkkun með því að nota offset-fóðringar í stífurnar þar sem þær tengjast hásingunni, Stál og Stansar voru að selja svona fóðringar á sanngjarnan pening með 2°offset minnir mig. Svo skaltu einnig fara beint í stýristjakk ef hann er að fara á 44" hjá þér, þeas. ef þú ert ekki kominn með hann nú þegar.Kv. Sigurþór
Takk kærlega fyrir þetta…
Anonymous- Umræður: 0
- Svör: 16404
Eitt sem ég hef ekki náð alveg að fatta, sem m.a. kom fram í svarinu hér að ofan, er að álag á spindillegur aukist með spindilhalla. Ég fæ einhvern veginn ekki séð að það aukist svo neinu nemi…statískt álag á stýrisenda eykst afturámóti töluvert með auknum spindilhalla ef miðja dekks er fyrir utan miðlínu í gegn um spindillegurnar(sem er oftast tilfellið). Það er einhvern veginn augljóst.
Ef einhver getur komið vitinu fyrir mig í þessu væri það vel þegið…..
kkv
Grimur
Skil hvað þú átt við, og það er rétt að álag á stýrisenda eykst einnig líka við aukinn spindilhalla. En það sem átt er við er sérstaklega álagið á spindillegurnar þegar verið er að beygja, og þetta ágerist svo líka mikið með útvíðari felgum (sem fylgir alltaf breyttum bílum). Þannig ertu í raun að vega bílinn upp í loftið á hjólinu sem er innar í beygjunni með spindilleguna sem veltipunkt vegna þess að hjólin eru farin að fara meira upp og niður í beygjum. Þetta sést eins og bíllinn sé að snúa upp á sig þegar þegar beygt er.
Eins finna menn þetta í akstri með því að bíllinn er rásfastari eftir því sem spindilhallinn er meiri og verður líka þyngri í stýri. Þegar stýrinu er sleppt eftir beygju þýtur það í miðstöðu vegna þess að þungi bílsins leytast við að halda þeim í miðstöðu með tilheyrandi vogarafl á spindillegurnar.
Ég hef séð þetta á mörgum bílum og sumir sem fara í einhvern ýktan spindilhalla af því að bíllinn verður svo rásfastur og stabíll í akstri (jafnframt þungur í beygjum) setja bara öflugan stýristjakk svo það sé léttara að beygja en ganga mun fyrr á spindillegurnar.
Mér finnst allavega best að fara milliveginn sem er þetta 4-6°
Kv. Sigurþór
You must be logged in to reply to this topic.