This topic contains 24 replies, has 1 voice, and was last updated by 
-
Topic
-
Daginn
Ég er nú frekar mikill nýgræðingur í öllum bílamálum enda var ég að kaupa mér fyrsta bílinn minn, ég er 19 ára.
Bíllinn sem varð fyrir valinu er Landcruiser 60 82 módelið. Hins vegar finnst mér hann frekar afl lítill, farandi upp Ártúnsbrekkuna á kannski 60-70 km/klst, svo að ég var að pæla í að bæta það eitthvað.Bíllinn er ekki með turbo né intercooler og því datt mér fyrst í hug að bæta það. Væri ekki ráð að redda sér einhversstaðar flækjum, túrbínu og kannski intercooler úr öðrum gömlum Krúser og skella í gripinn? Vitanlega þarf að breyta olíuverkinu eitthvað út af aukna loftinu sem á að streyma í gegnum vélina.
Það væri vel þegið ef fróðir menn gætu sagt álit sitt eða sett inn gullkorn sem þeir hafa lært í gegnum tíðina.
-
Replies
-
Sæll,
Ég vænti að þú sért með diesel vél og þá er best að fá sér turbínu, intercooler, K&N loftsíu og Hi-clone. Þetta eru allt hlutir sem hjálpa en ég myndi samt byrja á að skoða fjöðrunina og draga afturhásinguna lengra frá framhjólunum.
Gangi þér vel og vonandi ferðastu mikið í sumar því þannig er gott að kynnast hálendinu.kv,
HG
Sæll,
Ég mæli eindregið að þú farir út í svona aðgerð. Það breytir bílnum svakalega.
[url=http://www.f4x4.is/new/photoalbum/?file=oldsite/3493:28wcle2p][b:28wcle2p]Gormun[/b:28wcle2p][/url:28wcle2p]
Það hafa margir sett túbínu á þessa vél, þú gætir kannski verið heppinn að tala við einhverja partasölu og fá þetta tilbúið á hann úr annari vél. Er hann læstur hjá þér? ég veit um einn sem er til sölu sem er orginal turbolaus en það er búið að græja á hann túrbínu og svo er hann líka með loftlæsingar, hann er á vægu verði.
Sæll og til hamingju með bílinn. Vonandi verður hann þér til ánægju.
Ef ég væri þú þá myndi ég tala vi Árna Pál Árnason
hjá Bifreiðaverkstæði Árna H. Árnasonar Eldhöfða 15, hann veit allt um svona bíla og á einn slíkan sjálfur. Hann er búinn að vera í þessum breytingabransa í mörg ár og þekkir örugglega öll trixin í bransanum.
Tek undir með Sveini, Árni Páll er búinn að breyta mörgum svona og þar af a.m.k. tveimur fyrir sjálfan sig. Held hann eigi meira að segja tilsniðið það sem til þarf í gormabreytinguna. Síminn hjá honum er 567 3444
Til hamingju með bílinn.
Sammála því að það hasti meira á fjöðruninni en aflinu. Árni Páll smíðaði nýja afturfjöðrun undir minn, með loftpúðum og four-link, og færði hásinguna aftur um 30 cm. Ég get ekki einu sinni byrjað að lýsa því hvað dýrið virkar mikið betur núna. En allt kostar þetta… Bara lengingin á handbremsubarkanum kostaði 15.000 kall.
.
Hvað aflið varðar – ég mundi setja loftsíuna aftast á listann, en byrja á opnu pústi eða kerfi með opnum kútum. Fara svo í túrbínu, olíuverk og jafnvel intercooler. KE málmsmíði mundi redda þér sérsmíðuðum cooler fyrir lítið. Stefni á svoleiðis í haust sjálfur.
.
En – klapp á bakið fyrir að velja alvöru bíl. Ég las einhverstaðar eftirfarandi orð "The FJ 60 and 62 were in fact the last jeeps to be built. After that, it’s all SUV’s".60-kveðja,
Einar Elí
Væri mjög sniðugt og ódýrast fyrir þig að tala við þá í tjónaskoðun hjá TM, það er cruiser árg 88 turbo læstur á 38" og allur pakkinn, held að hann sé kominn niðri ca 100 þús kr svo er annar í vís.
Sælir
Báðir bílarnir eru farnir.
Þú verður að fyrirgefa en ég gat ekki annað skellt uppúr þegar ég las þetta!
"En – klapp á bakið fyrir að velja alvöru bíl. Ég las einhverstaðar eftirfarandi orð "The FJ 60 and 62 were in fact the last [b:1ownlmu5]jeeps[/b:1ownlmu5] to be built. After that, it’s all SUV’s"."
.
Sko elsku kúturinn minn, ég bara hef aldrei vitað til þess að nokkur hafi líkt Toyotu við hinn eina sanna jeppa, en mér finnst það ekki skrýtið, slíkir eru yfirburðir hinna amerísku Jeep bifreiða.
.
Jeeeeep kveðja
Kiddi kjáni
Takk fyrir góð svör
Þar sem að ég er nú í skóla á veturnar duga peningarnir skammt. Hins vegar kemst ég líklega á sjóinn fyrri hluta sumars, vonandi allaveganna, og svo eitthvað þar á eftir. Eftir það ætti maður að hafa eitthvað á milli handanna ef að kærastan nái ekki að trúa manni til um það að skreppa til útlanda 😉Allar breytingar sem ég myndi fara út í yrðu næsta haust. Mér líst ágætlega á þessa gorma breytingu því það er fjandi leiðinlegt að fara yfir allar þessar hraðahindranir hérna í Hfj
p.s. ég er svo á lang stærsta bílnum í Menntaskólanum í Reykjavík
…Æi, ég var búinn að svara Kidda hérna… en nenni ekki að standa í pissukeppni.
Samheiti/sérheiti… alltaf gaman að gera grín.
kv.
Einar Elí
Sæll, ég á einmitt túrbínu fyrir þig með grein og millistykki, fékk þetta með vél úr 85 árg. sem ég keypti í bílinn hjá mér en notaði áfram túrbínuna sem var í bílnum.
Hvað haldiði að maður þurfi að borga fyrir intercooler í svona.
P.s. Mæli alveg með hásingarfærslu og loftpúðum.
Sérfræðingar í vélamálum segja mér, að það þurfi aðeins að skoða málið – einkum í vélum sem er búið að keyra eitthvað umtalsvert – með hvort stimplarnir þoli aukið álag sem leiðir af hærri þrýstingi með notkun túrbínu. Stóð sjálfur frammi fyrir svipuðu máli einu sinni, reyndar í HiLux, en það er víst ekki málið með tegundina heldur prinsippið. Títt nefndur Árni Páll er mjög kunnugur þessum málum og óhætt að spyrja hann.
Ef bíllin kemst ekki hraðar en 70 km/kls upp Ártúnsbrekkuna, þá er eitthvað bilað. Það er orðið nokkuð síðan ég hef keyrt svona bíl en þá var nægur kraftur til þess að fara upp Kambana á 90 á TLC-60 með túrbínulausa 6 cylindar díselvél. Ég veit ekki hvað þessar vélar áttu að skila í hestöflum, en 1HZ vélin sem ennþá er í framleiðslu er tæp 130 hestöfl, sem dugir alveg fyrir svona bíl
Kraftleysi (ef ekki fylgir svartur reykur) getur safað af stíflaðri hráolíusíu.
Kraftleysi getur líka stafað af lélegum dísum í spíssum. Þessu getur fylgt ljós reykur.Ég myndi reyna að koma vélinni í lag en sleppa því að eyða peningum í KN eða hæklón ( sem gera lítið sem ekkert) eða túrbínu sem getur stytt líftima vélarinnar verulega. Það er dýrt að gera við svona vélar.
En ég er sammála því að loftpúðar og færsla á hásingu myndu stórbæta bílinn.
Til lukku með bílinn.
Ég átti sjálfur 60 Crúser fyrir 3 árum síðan.
Hann var 86 árgerð.Turbínulaus. Ég mundi íhuga vel áður en ég mundi setja turbínu í bílinn.
Ástæðan er sú að sá sem keypti bílinn að mér gerði það og hann lenti í bölvuðu basli með vélina á eftir sem rakið var til turbínuna.
Það sama sagði kallinn hann tengdó. Hann átti líka 60 bíl í 13 ár og eftir að hann setti túrbóinn á þá var hann töluvert dýrari í rekstri hvað varðar viðhald.
Gangi þér annars vel.
Málið með kraftleysið er að ég held að ég sé bara góðu vanur.
Faðir minn hefur átt F-150 síðan 2004 og er bara draumur í sambandi við aflið miðað við Terrano II sem mamma á og hvað þá bílinn minn;)
Hins vegar í sambandi við reykinn þá kemur smá grár reykur en þá aðallega þegar að hann er kaldur. Reyndar kemur reyndar oft mikið grátt ský á köldum morgnum þegar að ég set hann í gang
Hins vegar þegar að bíllinn er orðinn volgur kemur enginn grár reykur. Vélin í bílnum var tekin upp fyrir ekki svo löngu síðan að mér er sagt.Ég held ég geymi túrbínuna eitthvað því þetta virðist vera eitthvað mál. Bíllinn er keyrður 310.000km svo það er kannski ekki það sniðugt að skella túrbói á hann.
p.s. bíllinn er skráður 140hp
Þar sem að ég er svo nýr í þessu… Afhverju er það betra að hafa langt á milli hjóla? Hvað græðir maður á því að færa hásinguna? Er þetta eitthvað í sambandi við að fara yfir læki á veturna eða…
Ef ég fer út í þessa breytingu sé ég fram á erfiðari stæðaleggingar í miðbænum að ég held.
Það er tvennt sem vinnst við að færa aftur hásinguna aftar, betri þyngdardreifing og lengra hjólabil.
Þegar búið er lesta þessa bíla, þá hvílir miklu meiri þungi á aftur hjólunum er framhjólunum. Færsla á afturhásingunni jafnar þennan mun, sem gerir mögulegt að hleypa meira lofti úr dekkjunum.Bíl sem er lengdur milli hjóla er miklu síður hætt við því steypa stömpum þegar ekið er yfir öldótt landslag (snjó). Á móti kemur er að bíllinn verður ekki eins lipur í snúningum.
Það skiptir minna máli, en færsla á hásingu dregur úr hættu á að hann setjist á rassinn, t.d. þegar farið er niður af ísskörum sem oft myndast á árbökkum að vetri til.Samkvæmt [url=http://www.off-road.com/tlc/faq/engine.html:3w7a1w4s]þessu[/url:3w7a1w4s] skilar 2h vélin, (6 strokka, 4 lítra ohv án túrbínu) 103 hestöflum.
-Einar
er í raun fyrir bíl eins og 60-cruiserinn, margföld drifgeta.
Einfaldlega ekkert meira um það að segja….
kv
Rúnar.
Já það kemur niður á beygjuradíusnum að leggja á milli hjóla, en væntanlega er stæðahunting í miðbænum ekki helsta verkefni svona bifreiðar 😉
Annars var ég að spá í þessar lengingar, er það bara því meira því betra? Algengar færslur virðast vera 15-17cm og svo sumir sem eru extreme í 25-30cm. Er 25-30cm miklu betra eða er þetta bara sýndarmennska ? Er hægt að finna eitthverja optimal færslu eða á maður fara að fara eins langt aftur og hagkvæmt er ?
You must be logged in to reply to this topic.