This topic contains 7 replies, has 1 voice, and was last updated by 
-
Topic
-
Sæl öllsömul
Veit nokkuð einhver hér hvort hægt sé að komast upp í laugafell á þessum árstíma frá Akureyri?
Mig langar virkilega að fara þangað núna uppúr miðjum júní, en ég veit það að leiðin upp eyjafjörðin verður aldrei fær fyrr en að nálgast ágúst í fyrsta lagi…Ég er á 35″ cherokee með flestu nauðsynlegu þannig að snjór ætti ekki að vera neitt vesen ef ekki er um mikinn hliðarhalla að ræða.
Er bárðardalsleiðin hugsanlega fær núna fljótlega?
Bleyta verður væntanlega ekki svo mikil eftir mánuð, eða hvað?Kveðja
Izeman
-
Replies
-
Anonymous- Umræður: 0
- Svör: 16404
Sæll Izeman
Eins og sést á [url=http://www.vegagerdin.is/vefur2.nsf/Files/Astandfjallvega/$file/halendi.jpg:1h18mve0]korti Vegagerðarinnar[/url:1h18mve0] er þetta svæði ennþá lokað, en það getur margt verið búið að breytast þegar komið er fram í júní. Leiðin úr Bárðardal opnar oft eitthvað fyrr en hinar en þó að jafnaði ekki fyrr en í lok júní. Það gæti þó alveg hugsast að þetta verði allt fyrr á ferðinni í ár, smá sárabót fyrir snjóleysið í vetur.Mjög gott að geyma þennan link hér að ofan hjá sér og fylgjast með hvernig skyggða svæðið víkur og leiðir opnast.
Kv – Skúli H.
sælir félagar
á vegagedin.is er áætlun sem heitir Opnun fjallvega,sem hægt er að fylgast með
kveðja Jón Bergmann
Samkvæmt upplýsingum Vegagerðarinnar um "Opnun fjallvega" er áætlaður opnunardagsetning fyrir Bárðardalur-Nýidalur 15. júní og fyrir Eyjafjarðarleið 23. júní.
Kv. Gísli
Sælir
Takk fyrir svörin.
Ég veit af lokunum á vegunum.
Hitt er svo annað mál að drulla er síður en svo alltaf ástæðan fyrir lokunum hjá vegagerðini.
Ég hef nokkrum sinnum keyrt inn Eyjafjörðin og upp á Sprengisand þegar vegurinn var lokaður (myndi aldrei keyra neinn veg ef það fer illa með hann…) eina hindrunin var mjög stór steinn á miðjum veginum (sem ég komst auðveldlega framhjá án þess að skemma neinn gróður eða veg) og snjóskafl alveg efst í brekkunni upp á Sprengisand.Þess vegna er ég nú að forvitnast hérna hjá mönnum sem keyra ekki endilega um á jepplingum eða þaðan af minna
Vegur er lokaður hjá vegagerðinni þangað til hann er fær óbreyttum jeppum (sýnist mér).Það er sennilega best að orða þetta öðruvísi:
Er líklegt að það sé fært upp í Laugafell, helst einhverja stutta leið frá Ak, eftir u.þ.b mánuð? Án þess að skemma veg eða gróður, er vel reiðubúin að standa í hellings brasi að komast framhjá öðrum hindrunum m.a velta steinum, hleypa úr og moka 😉Kveðja
IzemanPs. annars hljóma opnunartímarnir á þessu svæði mjög vel fyrir mig, en samt ekkert til að treysta á… má helst ekki klikka.
Sæl aftur
Afsakið hvað ég er pirrandi að vekja þennan þráð upp að nýju, eftir svo stuttan tíma. Mig langar bara endilega að fá fleiri álit á þessu, því ég þarf að skipuleggja þetta með góðum fyrirvara.
Er að fá pabba minn í heimsókn frá Svíþjóð helgina eftir 17 júní og mig langar virkilega að bjóða honum í smá jeppaferð.
Er kanski einhver annar skemmtilegur staður sem menn mæla með á þessum árstíma? Ég þyrfti helst að hafa nokkra staði inni í myndinni þannig að þetta klikki ekki…Kveðja
Izeman
Heill og sæll Izeman!
Þótt búið sé að opna úr Bárðardal upp á Sand, þýðir það ekki að það sé hægt að fara í Laugafell aðra hvora leiðina þangað af Sprengisandsvegi. Þá meina ég eins og þú einmitt getur um, að fara án þess að valda spjöllum. Hinsvegar er oft hægt á góðum jeppa að fara hér upp úr Skagafirði, en það þýðir að vísu að fara þarf yfir Strangalæk, Hnjúkskvísl og Laugafellskvísl, en alla jafna á það ekki að vefjast fyrir mönnum á þokkalegum jeppa, þótt hann sé t.d. bara á 33" að maður tali nú ekki um 35" dekkjum. Hinsvegar er málið nú í vor, að því miður eru líkur á að tíðarfarið valdi því, að hálendisleiðir hérna að norðan, aðrar en Kjalvegur, opnist eitthvað seinna en venjulega vegna þess að það hefur snjóað talsvert hérna megin núna í maí. Bara núna síðustu nótt snjóaði ofan fyrir miðjar hlíðar hér um miðjuna á Norðurlandi. Orðlengi þetta ekki meira hér, an þú getur hvort heldur þú vilt hringt í mig í síma 8935421 eða enn betra sent mér mail í thorkellg@hotmail.com ef þú vilt spjalla eitthvað um þetta.
kveðjur, Þorkell G.
Sæll Þorkell
Þakka þér kærlega fyrir þessar upplýsingar með Skagafjörðin. Vissi ekki af þeirri leið.
Ég kem til með að hafa samband við þig fljótlega þegar ég hef skoðað þetta aðeins betur.Kveðja
Izeman
You must be logged in to reply to this topic.