LANGJÖKULSFARAR!!!

Samkvæmt RUV
http://www.textavarp.is/110/
þá óku þeir ofan í geilina við Þursaborg. Þessi geil er ekki jökulsprunga. Það er stundum hægt að keyra ofan í geilina að norðanverðu, Ég hef gengið eftir henni endilangri.

Í nýliðaferðinni í Janúar voru teknar nokkrar myndir af Þursaborg.
http://um44.klaki.net/la02/m1.html

Þessi mynd sem Gunnar Norðdhal tók, sýndir geilina:
http://um44.klaki.net/la02/gn/dscf2584.jpg

Sælir félagar…

Ég var staddur 1km. vestur af Þursaborginni ásamt félögum mínum á 2 öðrum bílum þegar ég heyrði fréttirnar af þessu slysi og tókum við þá stefnuna beint að þeim í vægast sagt ENGU skyggni!!! Þegar við áttum nokkra tugi metra eftir að geilinni skv. tölvunni hljóp einn okkar á undan bílunum til öryggis þar til við komum að barminum. Það sem blasti svo við var bíllinn á toppnum neðst í lautinni og vægast sagt óspennandi aðkoma. Félagi mannana var búinn að koma þeim út úr bílnum þegar við komum. Bílstjórinn virtist vera óslasaður og kenndi sér ekki mein, farþeginn var hinnsvegar lítillega slasaður og gat talað við okkur. Við útbjuggum börur og bárum hann upp úr lautinni og inn í bíl félaga hans þar sem ekki var hægt að keyra ofan í geilina sökum hliðarhalla.

Þarna kvöddum við þennann hóp og þeir keyrðu svo á móts við björgunarsveitirnar sem komu á móti úr Þjófakrókum og við héldum áfram okkar ferð til Hveravalla niður með girðingu sem gekk mjög vel.

Miðað við aðstæður var alveg ótrúlegt kraftaverk að mennirnir höfðu sloppið frá þessu svona vel og óska ég þeim besta bata.

Ekki var að sjá neinar sprungur á jöklinum (enda kannski ekki skyggni upp á marga fiska þegar við vorum þarna á ferðinni).

Kveðja lilli

p.s. strákar, passiði ykkur á Þursaborginni…

Ruslaðist upp á Geitlandsjökul á föstudaginn langa og var ekki eina sprungu að sjá enda á svo hrikalega öflugum bíl að ég vissi ekki hvort ég var í hjólförum eða ekki, og svo spillti ekki einstaklega vel hannaður og snilldarlega útfærður fjöðrunarbúnaður ekki fyrir enda fyrstur upp framúr þessum monthönum sem voru að keppast um hver var með lægri skriðgír.

Sæll Stebbi.

Þetta kemur ekki á óvart. Ég hef líka lent í þessu helvíti… vera langt á undan einhverjum ameríkuköllum eða Patólmönnum sem eru með miklu betri búnað en ég (stærri hjól, læsingar, milligíra, yfir- og undirgíra, sjálf- og hálfskiptingar hásingar og hásinar… ) Það er bara svo erfitt fyrir okkur "klósettmennina" að halda aftur af okkur… enda frárennslið svo gott!!!

Hó Hó.

Ferðakveðja á lakið.

BÞV

Ef ég man rétt, þá voru fyrstu Land Cruserarnir með Chevrolet vél.

Sæll Þorri!!

Ég var nú meira að fíflast bara með það sem ég sagði…

Í sambandi við að hafa selt gullmolann þá var það einungis gert þar sem að ég seldi hann á helmingi hærra verði en ég borgaði fyrir hann þannig að það var bara gert út af því. Fordinn var ekki til sölu nema fyrir verð sem ég gat sætt mig við…Og ef enginn hefði komið og viljað borga það þá værum við enn saman…Og ég skal segja þér það Þorri að Fordinn mun ÁVALLT lifa með mér í hjartanu þar sem að söknuðurinn er stór á honum. Eini gullmolinn sem ekki er til sölu sama hvaða verð er boðið mun fylgja mér um ókomna framtíð…og er það einnig FORD…reyndar Mústang en engu að síður FORD.

Jú og svo þetta með að vera ANTI 4×4 maður átti ég við að hann Stebbi er einn af þeim sem ALDREI ætlar að ganga í klúbbinn þar sem að í hans augum á að fá allt fyrir ekkert.
Semsagt þá eru það bara hálfvitar sem borga fyrir svona bull, eins og hann hefur nú orðað það oftar enn einu sinni og oftar en tvisvar. Og ef einhver getur fengið hann til að ganga með í klúbbinn þá ert þú assgoti góður.

Og þetta með formanns raupið þá var það líka í gríni sagt, að sjálfsögðu þá dettur mér ekki í hug að halda að allt sem þú segir á netinu sé í nafni formanns félagsins, þá væri nú ekki hægt að taka mikið mark á klúbbnum…*hahahaha* ;o)

Nei nei….þú ert ágætur, ég hef ekkert útá þig að setja Þorri minn….nema þessa vitleysu í þér að Amerískt sé drasl…að halda því fram er náttúrulega ekkert annað enn vitleysa…Fyrir utan það að menn eru alltaf að bera saman GAMLA ameríska hluti á móti NÝJUM eða NÝLEGUM hlutum frá Toyota..og er það ekki alveg sambærilegt. Það þarf nú ekki að horfa lengra en í TORFÆRUNA til að sjá hvað það er sem er að virka. Ekki sérðu neitt japanskt í þessum græjum….og akkuru skildi það nú vera???

Þorri á hvernig Jeppa værir þú ef að eldsneytið kostaði jafn mikið og dísel oljan? Ég get alveg sagt þér það að þá væri ég ekki á dísel jeppa….Þá er alveg á hreinu að ég væri á VEL öflugum 8 cýlindra amerískum Jeppa, vegna þess að japaninn kemst ekki með tærnar þar sem kaninn hefur hælanna í sambandi við afl véla…Það er ekki flóknara enn það. Fyrir utan það að það er enginn bílaframleiðandi í heiminum í dag sem framleiðir eins eyðslugrannar vélar miðað við vélastærð eins og kaninn. Þar er hann enn og aftur LANGT á undan öðrum framleiðendum.

Og svo aftur annað…Hvaða dísel jeppi frá kananum heldur þú að hægt sé að fá með eins lítilli og máttvana vél og er sem dæmi í Hilux??…Ekki til…Og svo fyrir utan það að þá er þessi litla 2,4 dísel að eyða alveg hreint OFSALEGU magni af eldsneyti miðað við afl vélarinnar eða ertu kanski ekki sammála mér þar heldur???

KV
Snake

PS…Allt sem japaninn gerir er stolið frá upphafi þó svo að þeir hafi eitthvað betur um bætt það bæði til góðs og ílls….það er ekki flóknara en það.

Ég eignaðist annan af fyrstu löngu Landcruiserjeppunum, sem komu til landsins 1971. Hann var með 6 cyl. toppventlavél, að mig minnir 140 hö, sem í mínum leikmannsaugum var alveg eins útlits eins og Chevroletvélarnar, sem maður hafði séð í vöru- og fólksbílum. Japanir voru á þeim árum af mörgum taldir snillingar í eftiröpun. Hvergi var þess getið á vélinni svo ég sæi, að hún væri framleidd skv. leyfi frá GM eða af því fyrirtæki. Þessi bíll var frábrugðinn þeim Cruiserum, sem þá voru komnir, fyrir utan lengdina, að hann var 4 gíra og millikassalaus. Nokkuð duglegur samt.

Sams konar vélar voru í næstu tveim Cruiserum mínum, stuttum, 3 gíra, sem ég eignaðist 1973 og átti í tæpt ár, eftir að sá gamli fauk ofan skurð er ég var á ferð í ofsaroki undir Eyjafjöllum, og þeim næsta langa, sem ég fékk 1974. Sá var skráður 155 hö., 4 gíra með millikassa og rafstýrðu framdrifi. Mjög duglegur í djúpri lausamjöll á 750×16 dekkjum. Næstum eins og jarðýta.

Ég ók báðum þeim löngu e-ð liðlega 40 þús km og frétti, að í báðum hefði farið stimpill stuttu eftir að ég seldi þá. Taldi mig þó ekki hafa farið neitt illa með þá og vandað tilkeyrsluna.

Nú er ég búinn að fara fram og til baka og í tvo hringi um allt internetið og hvergi finn ég neitt um að Land Cruiser hafi nokkur tíman verið með vél úr Chevrolet. Fyrstu bílarnir voru með 85hö díselvél sem var svo skipt út fyrir 3.8L línusexu sem var hönnuð og framleidd af Toyota og var fyrsta vélin í svokallaðri F-seríu af toyotavélum.
Þetta kallast að "afla sér upplýsinga" sem fleiri mættu gera.

Trúa menn því að það sé bara tilviljun að chevrolet vélar passa beint við kúplingshúsið á mörgum Toyotum?
Sjá http://www.off-road.com/tlc/faq/engine.html