Langjökull í Landanum

Sá þáttinn og þetta var soldið eins og Icesave hræðsluáróður. Menn verða auðvitað að vita hvað þeir eruað gera þegar þeir fara á jökul, en það er algjör óþarfi að hætta að ferðast um hann.

Hvaða jökla-sérfræðingar voru þetta með lambhúshetturnar?
Einhverjir sem þekkja málin af afspurn eða af eigin reynslu?

kv. Atli E.

Nú verð ég að opinbera hroka minn og hleypidóma, en fyrri hluti þessarar umfjöllunar var einfaldlega kjánaleg að mínu mati. Sjálfskipaðir sérfræðingar stíga fram merktir Landsbjörgu og blaðra út frá eigin skoðun um stórkostlega hættu af jöklinum og yfirlýsingar um sprungur og sprungumyndanir raktar strax aftur í viðtali við raunverulegan sérfræðing í seinnihluta viðtalsins. Helgi Björnsson er maður sem veit sínu viti þegar kemur að jöklum, en stígur varlega til jarðar og varpar ekki fram neinum dramatískum yfirlýsingum þarna.

Staðreyndin er að jökullinn er mun varasamari nú en hann hefur hingað til verið og mjög sprungið svæði sem liggur þvert á algengustu leið yfir jökul vest-norð-vestur af Þursaborginni. Að sama skapi búum við núna yfir betri og víðtækari upplýsingum um jökulinn en við höfum nokkru sinni haft og eiga þeir heiðursmenn sem að jöklakorta verkefninu stóðu mikinn heiður skilinn.

Það er stórhættulegt að ferðast á jöklum, sem og í Ártúnsbrekkunni. Við verðum að hafa vit á því sem við erum að gera og fara varlega og halda okkur utan við rauðu svæðin á jöklakortunum og fara afar varlega við að stíga út úr bílunum á gulu svæðunum. En njótum þess áfram að ferðast um Langjökul.

Mér finnst því miður bara þessi lambhúshettukarlar vera rýra trúverðuleika Landsbjargar með því að vera með svona sterkar ályktanir, sem eiga örugglega rétt á sér?!?! eða hvað?!?!
(fannst þeim reyndar svipa mjög til þeirra sem stóðu upp á Fimmvörðuháls þegar gosið var með bláu-hálvitana á fullu gasi)

Við vitum að það er mjög hættulegt að lifa lífinu lifandi, það er líka hægt að fá gólfkúlu í hausinn eða fá hjaraáfall á fótboltaæfingu.

Það er bara algjör óþarfi að veitast að útivistarfólki með svona umtali. Ég er allavega farinn að finna verulega fyrir því að maður sér litinn hornhauga fyrir að voga sér á fjöll, því það sé nánast öruggt að aumingjans Landsbjargarmennirnir þurfi þá að taka sér frí í vinnu til að koma og bjarga mér, börnunum og konu, þ.a.s. ef við verðum á lífi ennþá. Allt á kostnað þjóðarinnar.

kv. Atli E.

Atli minn!! Hvers vegna skammar þú ekki hann pabba þinn fyrir að hafa lagt þig í þá lífshættu að koma þér í heiminn. 😉

Kv. SBS.

Að sjálfsögðu á það fullan rétt á sér að hvetja menn til að fara varlega og vara við því að jökullinn sé hættulegri núna en oft áður. Hins vegar er það þannig að ef menn eru að koma aðvörunum á framfæri skiptir öllu að vera trúverðugur og þá er málið að fara rétt með staðreyndir en ekki segja eitthvað sem allir vita að er ekki rétt. Menn hafa stundum þessa tilhneigingu að setja málin fram í bara andskoti sterkum litum en það virkar ekki ef það er á kostnað staðreynda.
Nú vil ég taka fram að ég ber fulla virðingu fyrir starfi björgunarsveitarinnar á Skaganum og þekkingu þeirra á jöklinum, óháð því hvaða höfuðbúnað þeir svosem kjósa sér. Þetta er meira svona eins og PR-slys hjá þeim að setja málið svona vitlaust fram.
Kv – Skúli

Þeir hefðu nú mátt benda á nýa sprungukortið svo oð hinn almenni landi sjái að það er verið að gera eitthvað í öriggismálum og það séu nú ekki allir sem eru að fara þarna upp í algerri blindni.