Langjökull frá húsafelli

Er það virkilega svo að menn eru að taka sénsinn í þessum málum og fara lokaðar leiðir (Allur akstur bannaður) þrátt fyrir öll boð og bönn ?

Persónulega þykir mér það ekki vera til fyrirmyndar að gera slíkt. Menn sem hoknir eru af reynslu í þessum málefnum ættu að vita betur að mínu mati, nema reynslan kenni þeim að hundsa öll tilmæli frá opinberum aðilum og þeim sem bera ábyrgð á vegunum.

Hvað gera menn sem keyra t.d. Syðra Fjallabak til austurs og fá flennifæri þangað til komið er í blautan og gljúpan veg við Hólaskjól ? Ætla menn þá að snúa við bara sisona ? (Nokkur hundruð metrar af drullu, setur það einhver fyrir sig ?)

Ég treysti því að menn viti að á vorin eru stundum mikil veðrabrigði og vegur sem er frosinn að morgni gæti verið orðinn að rennblautu svaði sama kvöld. Þar af leiðandi tel ég ekki hægt að fullyrða sem svo að vegur sem reyndist ágætur, rétt á meðan einhver einn ók hann (í óleyfi), sé í fínu lagi daginn eftir eða hafi verið í lagi daginn áður. Einnig tel ég það algerlega óraunhæft að ætlast til þess að Vegagerðin kanni ástand þessara vega í þaula á hverjum degi, opni og loki á víxl og sendi frá sér nýjustu uppfærslur á netið jafnharðan. Er virkilega ekki hægt að treysta á skynsemina og sleppa þessu brölti og þessum "sénsatökum" ? Má ekki bíða eftir neinu eða neinum ?

Geta menn ekki beðið eftir fimmtudagskortinu ? Ætti kannski að gefa kortið út fyrr í vikunni ? Eða kannski oftar í viku ?

Frelsi annars vegar og lög og regla hins vegar eru auðvitað andstæður í eðli sínu. Öll viljum við sem mest frelsi en á flestum sviðum samfélagsins eru þó settar einhverjar reglur af ýmsum ástæðum og ætlast til að fólk fylgi þeim og viðurlög við því að gera það ekki. Í sjálfu sér þyrftu engar reglur ef allir væru þokkalega heiðviðrir þegnar, en það er bara einhver útopía. Vegagerðin hefur þessa heimild að banna akstur á vegum á vorin þegar eru leysingar og gerir það til þess að fá ekki umferð á þessa vegi þar sem þeir meta það svo að kostnaður við að hefla þá á vorin aukist verulega ef þeir eru eknir meðan þeir eru í drullu. auk þess sem veruleg hætta er á utanvegaakstri þar sem menn sveigi framhjá verstu drullupittunum eða snjósköflum. Með fyrra atriðið, s.s. hvort kostnaðarsamara sé að hefla vegi sem hafa fengið umferð á vorleysingatíma ætla ég svosem ekki að fullyrða, enda enginn sérfræðingur í því, em þó mér finnist það ekki ósannfærandi rök. Hitt hef ég því miður séð of mörg dæmi um, þar sem sveigt er út fyrir veg til að komast framhjá erfiðum drullupittum eða blautum sköflum. Þau ummerki sýna svo ekki verði um villst að ástæða er til að hafa reglur og að ekki sé hægt að treysta ferðamönnum almennt. Mér dettur þó ekki í hug að bera það upp á túristaökumenn eða aðra þokkalega reynda jeppamenn. Vona allavega og trúi því að slíkt sé frekar eftir óvana ferðamenn, en séu lög eða reglur settar þurfa allir að hlýta þeim og því beygi ég mig undir þetta. Þannig er bara réttarríkið byggt upp.
Viðkvæmasta svæðið er alltaf í jaðri snjósins. Þegar komið er á snjó og hægt að keyra á snjó eru raunar engin lög brotin þar sem þá er ekki verið að keyra á vegunum. Þannig getur t.d. á ákveðnum tíma verið hægt að komast inn á Fjallabak yfir Mýrdalsjökul og verið á Strútssvæðinu í fullt að snjó án þess að sjá í auðan blett, hvað þá veg. Hins vegar geta verið aurbleytukaflar í kringum Einhyrning eða á öðrum stöðum í svipaðri hæð og því svæðinu lokað. Yfirleitt opnar það svo ekki aftur fyrr en búið er að yfirfara vegina með hefli. Sjálfsagt er oft hægt að gagnrýna ákvarðanir Vegagerðarinnar í þessu, en mín reynsla er samt að þeir reyni að gera þetta af sanngirni og skv. bestu upplýsingum.
Kv – Skúli.

Mér finnst sérlega undarlegt að þegar menn hafa atvinnu af því að keyra fjallvegi að þeir skuli ekki fara betur með það sem gefur þeim peninga. Eins og í þessu tilfelli sem ég nefndi hérna að ofan og kom þessari umræðu af stað þá var vegurinn í köku eftir bílalestina. Ég skil bara ekki að þegar tíðin er svona að menn komi sér ekki saman um að nýta aðrar leiðir en þær sem eru þekktar fyrir að vera eitt drullusvað á vorin, ég gef mér að þeir hafi verið að fara upp á langjökul með fólkið og það er ekkert ómerkilegra fyrir túrista með myndavél að fara í gegnum sveitirnar í borgafirðinum heldur en auðnina frá þingvöllum.

Góður Helgi…..

hinir ætla sér leyfist það. Held að það eigi svolítið í þessu tilfelli. Það sem ég á við með því er að persónulega treysti ég Helga Brjót, Benna Magg, Hlyni Snæland og fleirum af þeirra kaliberi sem eiga sitt annað lögheimili á hálendinu alveg til að ferðast þar um á öllum tímum ársins, hvort sem lokanir vegna aurbleytu eru í gangi eða ekki. Ég held að ÞEIR ÁGÆTU MENN séu ekki vandamálið þegar grannt er skoðað. Það er hins vegar svo að það sést til þeirra þegar þeir fara til fjalla og eru á fjöllum og þá halda hinir minni spámennirnir að þeim leyfist hið sama. Og þá gildir einu hvort þeir hafa einhverja þekkingu, getu eða heilbrigða skynsemi til að meta þær aðstæður sem fyrir hendi eru hverju sinni. Eins og þú bendir á Helgi þá hefur þú séð för eftir jeppa utan skafla og drullupolla sem eru augljóslega eftir breytta jeppa, væntanlega þá innlendinga sem eru þá á ferð. Þessir einstaklingar hafa sennilega fyrirmyndirnar frá ykkur sem farið á öllum árstímum til fjalla og er í raun treystandi til þess. En það er svo hlutur sem þeir gera sér ekki grein fyrir enda ekki allir sem eru félagar í 4×4 og kunnugir í þeim ranni, vita kannski ekki einu sinni af lokunarkorti vegagerðarinnar og ana af stað bara vegna þess að þeir sjá að aðrir gera það. Þetta er ekki það sem við í ferðaklúbbnum þurfum á að halda. Ég starfaði í umhverfisnefnd klúbbsins um eins árs skeið og sá þá hvað meðlimir þeirrar nefndar þurfa í raun að leggja á sig til að verja ferðafrelsið og halda friðinn við alla "umhverfisverndarsinnana" hvers heitasta ósk er að loka hálendinu fyrir allri umferð, helst allt árið umkring. Og trúið mér, þetta er mikil skrifræðisleg barátta með tilheyrandi fundarsetum og vinnutapi fyrir þá einstaklinga sem í þessu standa. Við ættum því, allir sem einn að virða þær lokanir sem vegagerðin er að setja tímabundið á okkur um þetta mánaðarskeið á vorin til að sýna góðan vilja til samstarfs og jafnframt að sýna virðingu því mikla starfi sem menn inna af hendi til að verja ferðafrelsið því það sem slíkt er forgengilegt ef menn virða ekki þær takmarkanir sem þeim eru settar. Því ég tel það litla fórn að menn virði þessar lokanir á meðan aurbleytutímabilið stendur yfir. Kv. Logi Már.

[b:2klfivnz]Boð og bönn er það það sem við viljum? Nei við viljum heilbrigða skynsemi og að okkur se treyst en ekki komið fram við okkur eins og ‘ovita sem gerum allt vitlaust um leið og við förum ut ur borginni upp a fjöll.[/b:2klfivnz]
Ég ætla síst af öllu að kalla vana fjallamenn óvita. Þessar lokanir eru aftur á móti ekki það lengi að menn geti ekki haldið í sér í þessar 3-6 vikur sem Vegagerðin er að senda frá sér þessar almennu lokanir.

[b:2klfivnz]Og varðandi siðasta ræðumann og Mælifellssand þa er mer til efs að a þessari leið se mikil aurbleyta a vorin og þetta með að keyra a frosnu að morgni en blautu að kvöldi jaa það myndi kallast solbrað en ekki aurbleyta. :)[/b:2klfivnz] Sólbráð eða aurbleyta eru oft nágrannar Þar að auki skiptir kannski ekki öllu máli um hvaða leið er rætt, hættan er til staðar víða og óvanir fjallaferðalangar hafa enga hugynd um að þeir séu að skera í sundur vegina fyrr en þeir stíga út úr bílnum og sökkva lakkskónum í svaðið 😉

[b:2klfivnz]Siðasti ræðumaður talaði lika um að treysta a skynsemina og sleppa þessu brölti..,,, þa segi eg hvað um að TREYSTA okkur og okkar skynsemi, eg segi nu bara fyrir mina parta að eg hata að keyra i drullu algjör viðbjoður, en eg vil fa að komast i snjoinn a meðan þess er nokkur kostur og eg veit um nokkrar leiðir til þess an þess að vera i drullumalli og valda skemmdum. ;)[/b:2klfivnz]Frelsi fylgir ábyrgð og við jeppamenn treystum á það að ekkert komi í veg fyrir frjáls ferðlög um hálendi landsins (innan leyfðra marka auðvitað) en við sem fylgjum reglunum verðum að geta treyst því að vanir menn geti líka sagt við sjálfa sig ,,Ég er þaulvanur og til fyrirmyndar fyrir þá sem skemmra eru á fjallvegi komnir. Ég fylgi 4×4 félögum mínum og ætla að virða þær (þó litlu) takmarkanir sem gerðar eru á uppáferðum á elsku háheiðarnar okkar."
–Jeppinn gefi mér æðruleysi til að sætta mig við lokaða vegi sem ég get ekki ekið. Eldsneyti, ferðafélaga og fjör til að ferðast alla þá vegi sem ég get ekið og skynsemi, drif og dekk til að komast allstaðar á milli.–

[b:2klfivnz]Og að lokum an þess að vera með skitkast tel eg nu ansi marga vera að tala i kross við sjalfa sig her

um boð og bönn, ja menn tala um frelsi til ferðalaga

i einni linu en i næstu linu er allt bannað.

ferðafrelsiskveðja Helgi :)[/b:2klfivnz]Eins og ég skrifaði að ofan, frelsi fylgir ábyrgð og því miður eru til bjánar sem elta öll hjólför sem þeir sjá, hvort sem það er framhjá aðvörunar-/lokunarskiltum eða bara hreinlega út í buskann. Það eru þeir bjánar sem horfa til fyrirmyndanna.

Logi Már kemst einnig að kjarna málsins á afar góðan hátt að ég tel.

Ég er síðasti maðurinn til að stofna til skítkasts, ég þoli ekki að lesa svoleiðis þræði enda rólyndis maður að eðlisfari. Það er heldur engin ástæða til nokkura æsinga yfir þessu málefni, umræður og skoðanaskipti eru af hinu góða því þá víkka menn sjóndeildarhringinn og geta vonandi séð hlutina í víðara samhengi.

Ég er innilega sammála því sem Ingi (Þorvarður Ingi) skrifar hér að ofan. Skiptir virkilega máli hvort það myndist einhver hjólför í vegum sem hvort eð er verða svo heflaðir áður en þeir eru opnaðir??? Get ekki séð að það skipti máli. Það sem getur verið mjög slæmt hinsvegar er þegar menn freistast til að aka út fyrir veg til að sleppa við drullu á honum – þá koma ljót sár í landið að óþörfu.
.
Freyr

Og allt ber þetta að sama brunni, margar tengileiðir okkar inn á hálendisbrún eru hálfónýtar. Niðurgrafnir vegslóðar sem lokast snemma á haustin og opnast seint á vorin. Maimánuður er oftlega einhver bjartasti og skemmtilegasti ferðamánuðurinn, mökksnjór víða inni á hálendinu. En, það er bara bannað að fara þangað vegna þess að það er bannað að nota vegslóðana sem eru oft illfærir vegna þess að þeir fá lítið sem ekkert uppbyggilegt viðhald! Afraksturinn er utanvegaakstur lítillra og vanbúinna jeppa fyrst og fremst, og akstur um fjallvegi á lokunartímabilum.
Því vil ég beina því til stjórnar 4×4 og umhverfisnefndar að farið verði yfir fjallvegamálin með samgönguyfirvöldum þannig að unnið verði í því að gera vegabætur á helstu fjallvegum okkar sem tengjast hálendisbrún til að auðvelda okkur öllum (túristabílstjórum líka, sem flestir eru félagar í 4×4) aðgengi að hálendinu á öllum tímum ársins.
Ingi

Hvernig er það með þig að í hvert skipti sem minst er á túristabílstjóra þá ert þú komin í bullandi vörn og allir eru hrokafullir og skilningslausir. Við vorum þarna líka og ég er ekkert að reyna að hvítþvo mig af því. En það er talsvert mikill munur á 2 úrheyptum 38" bílum sem vigta rétt um 2 tonn hvor og bílalest af fullpumpuðum 46" bílum sem losa tæp 4 tonn hver.
Ef að vegurinn hefði verið eitt drullusvað eftir okkur þá hefðum við snúið við með það sama, og höfum við gert það oftar en einu sinni á þessari leið enda erum við ekki með gjaldeyristekjur í aftursætinu.

[b:2x24fun5]Ja strakar eg er svosem ekki að fara fram a að allar leiðir og lokanir seu hunsaðar en mer finnst stundum að lokanirnar seu svoldið drastiskar bara[/b:2x24fun5]
Sammála þessu. En Vegagerðin býr að vondri reynslu til margra ára samkvæmt því sem ég heyri út undan mér og ekki að ósekju sé miðað við sumt það sem ég les í viðhorfi sumra ónefndra fjallamanna til þessa málaflokks inni á ýmsum spjallvefjum, ekkert endilega hér.

[b:2x24fun5] mer finnst vegagerðin mega vanda sig betur[/b:2x24fun5]

Sammála þessu alfarið. Enginn er fullkominn og alltaf hægt að gera betur. Það þarf bara breytt viðhorf af beggja hálfu.

[b:2x24fun5]og jafnvel fa rað hja okkur sem erum þarna a ferðinni svo þeir þurfi ekki að fara þetta spes sjalfir[/b:2x24fun5]

Þarna er komin frábær hugmynd sem Ferðaklúbburinn mætti leggja til við Vegagerðina nú þegar og finna heppilega útfærslu.

[b:2x24fun5]þa yrðu held eg fleiri anægðir með að geta nu lengt

aðeins vetrarferðatimabilið.[/b:2x24fun5]

Peningur í kassann, alltaf gott

[b:2x24fun5]Mer finnst semsagt allt i lagi að kveðja þessar gömlu vinnureglur hja vegagerðinni ………..

…Lok lok og læs allir vegir….. 😉 þarf ekki að vera svona strakar.[/b:2x24fun5]

Þar er ég þér hjartanlega sammála. Hugmyndin er komin. Ég hlakka til nýrra tíma í þessum málum.

-Hvernig er það eiginlega ? Má ekki setja inn í aðgerðapakka ríkisins að vegagerð til að bæta helstu tengingar við hálendið komi til framkvæmdar ? Svo að hægt sé að hafa nokkurn vegin samfellt tímabil milli sumar og vetrarferða. Það er þjóðhagslega hagkvæmt á allan hátt.