Langjökull frá húsafelli

Sæll ég fór þarna um á sunnudag og færið er ágætt ekki mikill snjór en vegurinn smá skorinn sumstaðar og pínu drulla hér og þar.
Það var enginn snjór sem heitið getur nema í síðustu brekkunni áður en þú kemur að Jaka.
kv
Steini

Það er þegjandi samkomulag að vegurinn upp frá Húsafelli að Jaka verði aldrei lokaður, það er betra að jeppar spóli á honum einum í staðin fyrir að fara Kaldadalinn eða aðra vegi sem verður mun erfiðarar að viðhalda. Hjá Vegagerðinni sögðu þeir að það væri betra að við héldum okkur á einum vegi og þá þessum til að hlífa öðrum.
kv. vals.

Mér finnst að þetta mætti vera skýrara, þ.e. að það ætti að vera lokunarmerki á báðum leggjum ef hann er á annað borð lokaður. En þau rök að einhverjum finnist vegurinn góður halda ekki. Annað hvort er vegurinn lokaður eða ekki. Maður má ekki keyra á 110 bara af því að það er engin umferð.

horfðu á kjalveg. hann er ófær. ekki lokaður

Veginum frá Húsafelli að Jaka er aldrei lokað á þessum árstíma.

Það sem vekur hins vegar athygli mína að það virðist sem allur akstur sé bannaður á Sprengisandsleið / Kvíslaveituvegi. A.m.k. er skilti þar.

kv.
eiki

Ég akvað að senda inn fyrirspurn til Vegagerðarinnar svo þessi umræða komist á hreint. Þrátt fyrir að hafa spurt hvort ég mætti birta þetta svar hér að neðan á þræðinum þá hef ég enn engin svör eða afsvör um það fengið. Lít þá á þögn sem samþykki og birti hér með.
Fyrirspurnin mín er hérna:[b:2yx29wqt]
Sælt veri fólkið

Mig langar að spyrjast fyrir um reglur vegna lokunar vega nú á vordögum ("Allur akstur bannaður" lokunin).

Þegar til dæmis Kaldidalur er lokaður (sjá kort á viðhengi), er samt hægt að fara frá Húsafelli upp í Jaka ?

Tilefni fyrirspurnarinnar er þessi umræða, https://old.f4x4.is/new/forum/default.as … aerd/14021
á vef Ferðaklúbbsins 4×4 en svo virðist sem t.d. "ónefndur ferðaþjónustuaðili" líti á styttri leggi á kortunum sem eru án bannmerkisins sem opna þrátt fyrir að vegurinn sé blautur vegna leysinga. Gott væri að fá upplýsingar frá fyrstu hendi hvaða skilning Vegagerðin setur í þetta mál.

Virðingarfyllst
Unnar Már Sigurbjörnsson
[/b:2yx29wqt]

Svarið sem ég fékk er hér:
[b:2yx29wqt]
Sæll Unnar.

Sem svar við fyrispurn þinni vil ég upplýsa:

Vegurinn um Kaldadal er lokaður nú eins og venjulega á þessum árstíma, með skiltinu "Allur akstur bannaður" og það eiga allir að vita hvað þýðir, þó svo að það virðist ekki vera. Þeir sem aka faram hjá þessu skilti eiga á hættu að vera sektaðir fyrir umferðarlagabrot. Áður notuðum við þverslár sem á stóð "LOKAÐ" Þetta merki hefur ekki lagalega stoð og erum við hættir að nota það.

Lokun á þessum vegi er til að fyrirbyggja miklar skemmdir á veginum þegar vorleysingar eru hafnar. Á vetrum merkjum við þennan veg með merkinu "ÓFÆRT" á íslensku og ensku og er Vegagerðin þar með að vara menn erfiðum og stundum illa skemdum vegi við, einkum útlendingana.
Þetta merki er einnig notað við norður enda Kaldadalsvegar og gildir upp í Langjökul (þarna er líka verið að vara menn á illa búnum bílum, við slæmum vegi) en bannmerkið er ekki þarna heldur sunnan við vegamótin við Langjökulsveginn.(fyrrnefndur syðri hluti Kaldadaslvegar)

Skýringin á þessum mismun á Kaldalsvegi er sú að norður hluti Kaldadalsvegar frá Húsafelli og Langjökulsvegur að skálanum við Lanjökul, liggur að mestu um jökulruðninga sem hafa ekki vaðist upp eins og suður hluti Kaldadalsvegar sem er að mestu leyti á mold og sandi. Umferð um vegin að Langjökkli er nauðsynleg til að viðhalda þjöppu í veginu og er því til mikilla bóta og hefur vegagerði síður en svo lagst gegn notkun hans allt árið. Á vetrum er ekki nein þjónusta á þessum vegum og aka menn þá á eigin ábyrgð.

Að lokum vil ég íteka munin á merkjunum "allur akstur bannaður og ófært" og að við höfum ekki afskipti af bílum sem aka á snjó og frosnum slóðum, en þykir miður að töluverður hópur jeppamanna veldur okkur (samfélagin) miklu tjóni með óæskilegum / óleyfilegum akstri. Hinum þakka ég fyrir tillitsemina.

Vona að þessar línur upplýsi ykkur jeppamenn, góða ferð!

Kveðja,

Bjarni H. Johansen,
Þjónustustjóri Vesturlandi
Borgarbraut 66.
310 Borgarnesi,
GSM: 893 8511
Beinn sími: 522 1561
Póstfang:bhj@vegagerdin.is[/b:2yx29wqt]

Év vil þ akka Bjarna fyrir greinargóð svör og vona að jeppamenn taki skiltin alvarlega og fari ekki á fjallvegi sem hætta er á að skemmist gríðarlega vegna aksturs í vorleysingum.

Góðir félagar,
ég fagna þessari tímabæru umræðu um fjallvegi landsins.
Ég er eflaust einn af þessum ónefndu ferðaþjónustuaðilum sem eru að nota fjallvegina allt árið um kring. Búinn að keyra t.d Kjalveg sunnanverðan og Kaldadal alveg sundur og saman í alls konar aur og drullu, og hef bara aldrei séð neinar vegskemmdir vegna þess. Því meira sem hrært er upp í drullunni, þeim mun betra! Vont er ef fáir keyra og það frýs aftur eða þornar um þegar vegurinn er skorinn, en annars þá hnoðast hann bara út með meiri akstri! Það eru sumir vegkaflar verri en aðrir, og þar ætti Vegagerðin að sjá sóma sinn í að skrapa mesta leirinn upp og koma betra efni í vegstæðið, -og að öðru leiti að sléttfylla alla helstu hálendisvegina sem ekki hefur verið viðhaldið að nokkru marki síðustu 50 árin. Þannig mætti lengja opnunartíma þeirra fyrir alla umferð um nokkra mánuði á ári. Alveg ömurlegt þegar í fyrstu snjóum vegirnir kjaftfyllast, og síðan situr snjórinn, vatnið og drullan í vegstæðinu langt fram á sumar.
Það ætti að veita ábyrgum Jeppamönnum á súperjeppum (félögum í 4x4og Jeppavinum) undanþágu til að að aka þessa vegi allt árið um kring enda stundum við ekki náttúruspjöll!
Á vef Vegagerðarinnar undir : Ástand á hálendisleiðum – Ástand fjallvega -er kort þar sem berlega kemur í ljós hvaða svæði eru lokuð. Þar segir líka: …kortið gefur til kynna hvar umferð er heimil eða óheimil vegna aurbleytu. Það hlýtur að túlkast svo að ef ekki er aurbleyta þá sé umferð heimil???
Að lokum, við skulum gæta þess að helsta ástæða fyrir utanvegaakstri er hið bágborna ástand fjallvega.
Bestu kveðjur,
Ingi

þú ert fyndinn

BRJOTUR er bara rólegur núna, lítið skítkast og engin öskur…. Maður er eiginlega bara hálf smeykur um að eitthvað sé að !!!!

Annars sýnist mér nú að þetta séu nú aðalega túristabílstjórar sem eru að skemma vegina á vorin, og þá reyndar bara fáa ákveðna vegi. Áður en menn fara svo að tala um "Þjóðfélagslegan skaða" af þessum akstri þá þarf nú að reikna út hver raunverulegur kostnaður af þessum akstri er og draga frá þeim kostnaði tekjurnar sem koma af túristaakstrinum.
Sem sagt reikna út gjaldeyristekjur af túristaakstri í ca 2 mánuði á þessum vegum og draga svo frá kostnað vegagerðarinnar við að hefla svo svaðið á eftir.
Mér segir nú svo hugur að "þjóðhagslegur skaði" af þessu sé nú frekar neikvæð tala

kv
Rúnar.

Ég vil hnykkja á því sem ég áður tíundaði, að ég sé bara engan mun á fjallvegunum eftir fyrstu heflun í sumarbyrjun hvort hrært hafi verið í drullunni vorlangt eða ekki. Því er að mínu mati ekki um vegskemmdir að ræða sem nokkru nemur. Það sem helst veldur utanvegaakstri (sem við túristabílstjórarnir stundum ekki) eru þessir illfæru niðurgröfnu vegir. Vildi ég gjarnan að við 4×4 félagarnir og við Jeppavinirnir (hagsmunasamtök súperjeppaútgerðarmanna) snérum bökum saman og stofnuðum nefnd/fjelag um að þrýsta á Vegagerðina að hefjast handa nú í vor að hreinsa burt leirdrulluna á þessum afmörkuðu vegköflum, og keyra skárra efni í alla vegina þannig að vegstæðið sléttfyllist. Þannig má koma í veg fyrir mestallan utanvegaakstur meðfram vegunum.
Ónefndur túristabílstjóri óhlýddist lokunum Vegagerðarinnar sl. viku og fór Syðra – Fjallabak inn fyrir Hafrafell, -þaðan austur og norður fyrir Heklu og niður í Skjólkvíar. Hvergi markaði í veginn undan bílnum, og mestan hlutann var ekið á snjó. Vissulega var vegurinn lokaður en aurbleyta var engin. Ber okkur virkilega að leggja af heilbrigða skynsemi og opinbera forheimsku okkar?
Ingi