This topic contains 6 replies, has 1 voice, and was last updated by 
-
Topic
-
Sælir.
Sólin er hátt á lofti og bíllinn fullur af bensíni. Dauðlangar á Langjökul um helgina en langar að vita hversu öruggur maður er þar. Er jökullinn mikið sprunginn? Getur maður forðast sprungur með því að fara ákveðna leið?takk takk
Einar
-
Replies
-
Anonymous- Umræður: 0
- Svör: 16404
Sæll.
Í stuttu máli sagt: Þú þarft ekki að hafa neinar áhyggjur, þú munt komast allra þinna leiða. Annars staðar á þræðinum var minnst á sama efni og ber allt að sama brunni. Í síðustu viku voru 33" bílar þar á ferð. Mjög skemmtileg og hæfilega löng leið er að fara frá Þjófakróki (fyrir ofan Húsafell) og niður hjá Skálpanesi (sirka – ekki taka þetta bókstaflega: 64.34.003 – 020.01.264). Þá kemurðu á veg, ferð fram hjá skála og eftir honum yfir á Kjalveg til Gullfoss.
bv
Takk fyrir það – ég á jökulinn!
Kv.
Einar
Smá bakþankar: Ætla fleiri að stefna á Langjökul um helgina? Var bara að spá í hversu snjallt það væri að vera einn að þvælast þarna…
Í öðrum fréttum: Borgaði gíróseðilinn í dag og reikna því með að ég sé orðinn fullgildur meðlimur í klúbbnum. Þarf því að fara að sýna mig og sjá aðra – eru fimmtudagsfundirnir í Mörkinni líka í gangi yfir sumartímann, meðan mánudagsfundirnir liggja niðri?
Kv.
Einar
Anonymous- Umræður: 0
- Svör: 16404
Ég hef ekki verið þarna nýlega en ég veit að upp af Skálpanesi er sprungusvæði þannig að ég mundi ekki fara þarna um nema vera á öruggu nýlegu trakki. Þeir sem eru með sleðaleiguna troða og ryðja örugga slóð spölkorn inn á jökul en þó ekki upp fyrir sprungusvæðið.
Þú ert því öruggari að fara þarna megin upp því þá geturðu spurt starfsmenn um bestu leiðina.
Kveðja
EG
Þér er óhætt að fara upp hvoru megin sem er, þó er sprungusvæði upp af Skálpanesi sem ber að varast. Prófaðu að hafa samand við Guðbjörn í Jaka S:854-4533 og spurðu hann út í leiðir.
Mundu bara að ef þú þarft að fara yfir troðnar sleðabrautir
á jöklinum, farðu þá þvert yfir til að valda sem minnstum skemmdum á þeim.
Góða ferð
Steinmar
Fór á Langjökul á laugardaginn. Hitti Guðbjörn hjá Activity Group og spurði hann út í jökulinn. Hann mælti ekki með Geitlandsjökli en sagði að bungan fyrir ofann skálann þar væri í góðu lagi og óhætt væri að fylgja förunum eftir MAN-trukinn sem þeir eru með þarna (og vegur líklega á við nokkra tugi 4-runnera…).
…Sem við og gerðum og fórum langleiðina að Skálpanesi þar sem við eyddum deginum. Vegna sólar var mjög mikil hláka á leiðinni til baka, en við náðum að fylgja gps-trakki og kynntumst ekki nema einni lítilli sprungu (Ofsalega var ég feginn að vera með driflæsingu að aftan þá stundina!).
Sumsé: Jökullinn er að mestu fær, erfiðastur neðst og breytist hratt í sólinni.
Vona að það nýtist einhverjum.
Kv.
Einar
You must be logged in to reply to this topic.