This topic contains 15 replies, has 1 voice, and was last updated by 
-
Topic
-
Við erum nokkrir sem erum að spá í að fara á Langjökulinn á sunnudaginn. Enginn okkar hefur farið þar áður og ég ætlaði að athuga hvort einhver veit með færi þar (erum á 35″, 36″ og 38″) eða hvort það sé yfir höfuð eitthvað vit í að vera að þvælast þarna núna. Eins væri mjög fínt ef einhver á punkta yfir leiðir þarna, hættusvæði og svoleiðis nokkuð sem hann nennir að senda mér. Kveðja Gunni
-
Replies
-
Anonymous- Umræður: 0
- Svör: 16404
Verðum tveir á skaflinum á sunnudaginn, patrol 44" og hilux 38" .
kv siggi g
Ég ætla að vera þarna einbíla á morgunn
Endilega látið mig vita hvenær þið stefnið í að vera þarna ef ég má slást í för.
S. 663-4383
Ívar
38" L200
Ég fór á jökulinn í dag… eða svona á sporðinn á honum frá kaldadal. Færið var mjög gott nema það komu svona þungir kaflar hér og þar. Vorum á Wrangler 38" og Grand Cherokee 39.5". Færið á jökulsporðinum var mjög gott. Við Keyrðum Frá Mosó kl 09:20 vorum komnir upp á jökulröndina kl 12:45 með því að fara kaldadalinn og síðan línuveginn inn haukadalinn og þaðan inn á jökul. Við keyrðum lyngdalsheiðina til baka í Rvk. Það er meiri snjór á lyngdalsheiðinni en mikið af förum og frekar óslétt. Ef markmiðið er að komast á jökulinn sem fyrst mæli ég með kaldadal, ja eða þá fara á húsafell.
En góða ferð.Kær kveðja
Gunnar Ingi
Hæ,
Við erum 2-3 sem ætla á Langjökul á morgun til þess að snjókæta (flugdreka og skíði) Nema hvað að við erum ekki á jeppum. Hversu langt að jöklinum komumst við í gegnum Húsafell á fólksbíl?
Er færið hart á jöklinum sjálfum eða er þetta svona klaki og skaflar til skiptis?
Allavega þá erum við til í að vera í samfloti með jeppamönnum og kannski fá að vera í samfloti síðasta spölinn.
Kv,
Einar
862 2121
Við ætlum að leggja af stað frá Rauðavatni um 8:30, ætlum að fara Haukadal og koma til baka Kaldadalinn. Ef einhver hefur áhuga á að fljóta með þá er það velkomið. Kveðja Gunni
Anonymous- Umræður: 0
- Svör: 16404
Sælir við fórum í dag Lundareykjadal og var fínt ágætan spotta innúr,
Er ég orðinn algjör auli, hættur að rata um landið og hvað þá að átta mig á örnefnum? Ég verð að biðja ykkur sem skrifuðu inn á þráð þennan að skíra þetta betur út:
"Við keyrðum… línuveginn inn Haukadalinn og þaðan inn á jökul."
"ætlum að fara Haukadal og koma til baka Kaldadalinn."
Og hvað ætli vegur um Lyngdalsheiði verði kallaður þegar hann endanlega verður lagður, yfir dyngjuna Lyngdalsheiði nokkru sunnan þess svæðis sem mönnum í dag virðist tamt að kalla "Lyngdalsheiði"? Lyngdalsheiðin virðist vera farin að teygja sig allt inn undir Skjaldbreið.
Sá mun seint finnast sem segist vera villtur á Lyngdalsheiði!!!
Ingi
Ingi, þetta fólk hefur nú greinilega verið einhverstaðar á hálendinu reikna ég með og bendir allt til þess að það hafi verið í nágrenni við það sem margir kalla Langaskafl en það er víst stór skafl einhverstaðar og svo hafa þau lagt af stað frá Selekt að öðru leiti er þetta nokkuð óljóst. Vers þykir mér að Hlynur er hættu að koma með athugasemdir við Lyngdalsheiðina. Það er sennilega vegna þess að hann fékk vegagerðina til þess að færa veginn á rétta stað, Mig gruna þó að þá fari allir að kalla veginn Gjábakkaveg.
Leiðin milli Þingvalla og Laugarvatns, sem liggur á bakvið Lyngdalsheiði, hefur frá fornu fari (a.m.k.) eins langt og ég man, verið við hana kennd. Það væri forvitnilegt að kanna hvenær fyrst var farið að tala um Gjábakkaveg. Ég held að það sé ekki langt.
-Einar
Okkur Hlyni til hrellings þá fann ég áhugaverða lesningu á netinu, þar sem m.a. segir:
"Frá Gjábakka er farið meðfram vegi yfir það sem í daglegu tali er nefnd Lyngdalsheiði og á Laugardalsvelli og þaðan á Laugarvatn. …"
Ég hvet ykkur þegar veður gerir vond að lesa þennan texta um gamlar götur, vöð, og ýmsar frásagnir því tengdu:
http://www.bokasafn.is/ferdavefur/gamlar_gotur.htmHvað títt nefndan Haukadal snertir, þá vona ég að Geysir sé enn í Haukadalnum…
Ingi
Það hlýtur að hafa verið sárt að finna svona óhagstæðar heimildir, en svona getur þetta verið. Reyndar get ég á móti bent að í Árbók FÍ um Árnesþing er talað um svonefndan Gjábakkaveg þegar vísað er til þessa vegar sem slíks. Þessi árbók er að vísu ekki ýkja gömul heimild, er frá 2003. Hins vegar er talað um leiðir Skálholtsbiskupa (o.fl) um Lyngdalsheiði og þær leiðir lágu gjarnan að hluta allavega nokkuð nærri núverandi vegstæði, allavega var gjarnan farið um Barmaskarð.
Ég held að eik hafi nokkuð til síns máls með það að það sé allavega orðin nokkuð löng hefð fyrir að kalla þessa leið Lyngdalsheiði. Nafngiftir á leiðum þarf ekki alltaf að fara 100% saman með hinni eiginlegu staðsetningu örnefna. Í því sambandi má t.d. spá í hvar leiðin yfir Hellisheiði byrjar og svo hvaða landsvæði nákvæmlega flokkast sem Hellisheiði.
Kv. – Skúli
Ja, hérna. Einhverntíma fyrir mörgum árum var ég að segja tilteknum einstaklingi þarna úr nágrenninu að ég hefði farið um Lyngdalsheiði á Laugarvatnsvelli frá Þingvöllum. Sá ávítaði mig alvarlegur í bragði, og sagði að þetta væri uppfinning Reykvíkinga að kalla þetta Lyngdalsheiði. Hann kallaði þetta Gjábakkaveg þarna yfir hraunið og benti mér á að kvartera grágrýtisdyngjan þar suður af væri hin rétta Lyngdalsheiði. Ég hef ekki fyrir mitt litla líf þorað annað en trúa þessu síðan. Skyldi geta verið að nafnið Gjábakkavegur sé upp runnið á skrifstofum Vegagerðarinnar, eins og svo margt annað? Mér dettur nú í hug eitt og annað í því sambandi, nefni sem dæmi þegar Vegagerðin talar um Djúpveg norður Strandir, ellegar leið hér í nágrenni mínu sem þeir kalla Þverárfjall, en mér skilst að þeir sem næst búa kannist ekki við það örnefni.
Mér var kennt það sem ungum dreng sem dvaldi mikið i Laugardalnum að hin eiginlega Lyngdalsheiði væri heiðin sem lægi sunnan við Driftina svokölluðu. Driftin er drag sem liggur frá Kaldárhöfða austur að gagnamannaskálanum í Kringlumýri og þaðan austur að Laugardalsvöllum. Þar sem land hækkaði til norðurs frá driftinni væri Bláskógarheiði. Það breytir því ekki að fólk var ýmist að kalla vegin Gjábakkaveg eða Lyngdasheiði. Hvaða örnefni skal setja á vegin sjálfan skal ég ekki fullyrða. Einn var sá atburður í minni æsku sem var árviss og flestir í Laugardalnum hlökkuðu til var svokallað "Bláskógarskokk" en það var hlaup frá bænum Gjábakka niður á Laugarvatn.
Kv. Júnni
Vegurinn hefur alla tíð heitað Gjábakkavegur og grunar mig að Lyngdalsheiðarnafnið hafi klínst á hann þegar farið var að ralla þarna um fyrir mörgum árum. Man ég eftir ófáum rimmum sem menn lentu í sem varð það á að kalla veginn Lyngdalsheiði svo gamlir sveitamenn og lögreglumenn heyrðu til.
Eins og fram hefur komið þá liggur Lyngdalsheiðin sunnar og Gjábakkavegur liggur um Bláskógaheiði. Ef einhver hefur fundið heimildir um annað þá vara ég þann hinn sama við að gera undantekninguna að reglu. Slíkt býður bara upp á misskilning og getur jafnvel reynst hættulegt.Kveðja,
Klemmi.
You must be logged in to reply to this topic.