Langjökull

Takk fyrir upplýsingarnar.
Fór í dag upp frá Húsafelli og það var rennifæri að jöklinum. Við Jaka hittum við menn á tveimur jeppum og slógumst í för með þeim upp á hábunguna, en greinilegt var á förum að einhverjir höfðu farið þarna á undan okkur.
Færi var þungt þannig að loftþrýstingur var kominn niður í 2 pund áður en toppnum var náð.
Ók svo heim um Kaldadal í ágætu færi þótt víða væru reyndar djúp hjólför í snjó, sem líklega hefur fallið í gær og fyrradag.
Þetta var sem sagt fínn dagur og mikil upplifun fyrir Flórídabúann, sem var með okkur og hafði aldrei áður séð jökul.

Sigurbjörn.