Langjökull?

Fórum á fjórum bílum upp frá Skálpanesi. Kjalvegurinn upp á hálsinn er reyndar viðbjóður, drulla og holur en engin vandamál þannig lagað.

Færið upp við Skálpanesið var frábært – slétt og hart, þegar við svo komumst upp á Skriðufellið var þjóðvegafæri (90+ km/klst) inn að Þursaborg.

Þar hittum við menn sem voru að koma frá íshellunum og ákváðum að skella okkur þangað. Þeir sem við hittum sögðust hafa farið það á 18 mín. en því trúi ég mátulega, því færið varð heldur ósléttara norðan í hábungunni og alveg niður að hellunum – max 40 km/klst. og oft hægar.

En mér finnst vera mikill snjór á jökli og við sáum menn og sleða keyra hvar sem er í kringum Péturshornið og yfir að Fjallkirkju (eitthvað sem menn ættu að hafa lítinn áhuga á ef þeir hafa séð þetta svæði í litlum snjó !!!)

Ég var að koma í hellana í fyrsta skipti og skilst þeir hafi minnkað mikið frá því í fyrra en flott samt.
Það sem vakti mesta athygli manna þarna var samt gífurlegt krapaflóð sem hefur bókstaflega sprungið út úr jöklinum þarna rétt sunnan við hellana. Þar eru 2-3 metra háir hjarnveggir á köntum flóðsins og það hefur flæmst mörg hundruð metra niður í urðina fyrir neðan – mjög tilkomumikið og greinilega mikið gengið á. Þar sem það hefur átt upptök sín vellur þokkaleg á upp úr hjarninu töluvert uppí jöklinum. Þetta er greinilega mjög nýtt – hefur sennilega gerst í rigningunum í vikunni.

En Langjökull var sem sagt frábær yfirferðar í dag laugardag og verður það örugglega á morgun líka.

P.S. það voru 31" bílar upp við Þursaborg sem segir nú sitt um færið.
Arnór

31" -> Þá ætti Gundur að komast 😀

mér er létt, Siggi