Langjökull !!!

Fór í dag á sleðum um Langjökul og færið var eins og best verður á kosið, nýpakkaður snjór sléttur og góður yfirferðar. Hafa verður samt í íhuga að stutt er niðrá sprungur og verða menn að hafa það í huga sérstaklega þar sem halli er á jöklinum.

Fór í dag með nokkra túrista frá Jaka yfir að Þursaborg upp á Péturshorn og niðrí Skálpanes.
Leiðin niður með Skriðufelli að Skálpanesi er alltaf varasöm síðsumars og þótt hún virðist í lagi núna og haldi örugglega bílum þá þurfa menn að fara varlega og fara hana í góðu skyggni.
Við Þursaborg þá sér maður greinilega útlínur sprungna en snjórinn heldur samt örugglega bílum ef menn eru ekki þeim mun kærulausari.
Fyrir neðan Péturshorn er slatti nýsnævi en ég treysti ekki að fara þar um í dag sérstaklega vegna svelgna sem þar eru.

Í stuttu máli held ég að menn séu öruggir ofan 1200mys, rennifæri frá Jaka í Þursaborg og miðað við hvernig veðrið var í dag þá verður þetta einn af topp dögum á jökli. Myndi halda mig í góðri fjarlægð frá Þrístapajökli og niður fyrir Péturshorn nema fylgjast vel með svelgjum. Snjólína í c.a. 1100-1150mys
Geitlandsjökull ábyggilega í lagi ef farið er upp hægra megin við klettinn. Ábyggilega erfitt ef ekki ómögulegt að fara að íshellum þar sem þeir eru í um 800mys

Sjáið örugglega sleðaförin mín frá bungu1 ef þið farið á morgun, liggur áleiðis utan í bungu2 sveigir frá Þrístapajökli að Þursaborg og upp á Péturshorn og svo niður með Skriðufelli að Skálpanesi.

En vinsamlegast keyrið ekki sleðabrautina frá sprungukollunum í Skálpanesi nema þið viljið fá Sólþurrkaða sleða-tómatana í Skálpanesi tuðandi á bílgluggann

Kveðja
Birkir

Birkir ég hefði ekki treyst mér til að orða betur lýsinguna á staffinu þarna í Skálpanesi. En það er annars gott að vetrarvertíðin sé að hefjast, njótum nú lífsins!!!!