This topic contains 13 replies, has 1 voice, and was last updated by 
-
Topic
-
Ég stal þessu af siminn.is
„14.01.2008 | 10:59
Síminn fær tilraunaleyfi fyrir langdrægt 3G farsímakerfi.
Síminn hefur fengið úthlutað tilraunaleyfi frá Póst og fjarskiptastofnun fyrir langdrægt 3G farsímakerfi. Kerfið er samkvæmt UMTS staðli og nýtir 900MHz tíðni sem er sama tíðni og hefðbundin GSM kerfi nota. UMTS staðallinn er viðurkenndur 3G staðall fyrir farsímaþjónustu og er sá sami og Síminn hefur notað við uppbyggingu á 3G kerfi Símans á höfuðborgarsvæðinu, á Akureyri og í Leifsstöð, en þar er 2100 MHz tíðni notuð.Helstu kostir þessa kerfis umfram hefðbundin langdræg GSM kerfi eru þeir að drægni þess er allt að 50% meiri auk þess sem mögulegur gagnahraði í þessu nýja 3G kerfi er allt að þúsundfaldur á við það sem býðst í langdrægum GSM kerfum.
Munurinn á þessum tveimur tíðnisviðum, þ.e. UMTS 2100 og UMTS 900, felst einna helst í því að útbreiðslueiginleikar lægri tíðna eru almennt betri og má því vænta umtalsverðs meiri gagnahraða í mikilli fjarlægð frá sendistöðvum.
Síminn er tæknilega í fremstu röð fjarskiptafyrirtækja sem bjóða upp á 3G þjónustu í heiminum í dag og er eitt eitt örfárra fjarskiptafyrirtækja sem hefur prófanir sem þessar. Tilraunakerfið er sett upp í samvinnu við Ericsson sem er leiðandi fyrirtæki í þróun og sölu á fjarskiptabúnaði í heiminum.Síminn vinnur þessa dagana að uppsetningu á búnaðinum á Suðurlandi og áætlar að hefja tilraunir í þessari viku.“
Hvað skyldi þetta nú þíða. Er búið að salta CDMA eða hvað? Ætli það sé ekki best að fara að panta sér gerfihnattasíma og áskrift frá USA, enda virðist stefna í að landið verði hálf fult af hálfköruðum símkerfum þegar verður drepið á NMT kerfinu.
Góðar stundir
-
Replies
-
Þetta er pottþétt CDMA kerfið, bara enn ein skammstöfun.
-haffi
Þetta er greinilega eitthvert twist á þetta mál því þarna eru þeir að nota aðra tíðni en talað var um fyrir CDMA. Held að nú sé tímabært að bóka smáspjall frá Símanum á félagsfund næst. Verður meira en lítið fróðlegt…
Þetta er viðbót í frekar gloppótta flóruna. CDMA vinnur á 450 MHz, en þetta nýja 3G á að vera á 900 MHz svo hér er ekki verið að tala um sama kerfið. Mér er nokkuð sama um gagnaflutningsgetu, ég vil bara geta hringt á fjöllum sama hvar ég er.
Góðar stundir
út í búð að kaupa Tetra
Þótt þetta komi 3G ekki beint við, ákvað ég að pósta þessu inn hér.
Ég stal þessu af sleðasíðuni norisknofun.is
"Og svo um Tetra kerfið. Nú er búið að prófa Motorola MTP 850 handstöðina á eftirtöldum leiðum: Kaldidalur, Langjökull, Skriðan, Þórsmörk, Mýrdalsjökull, Mælifellssandur, Strútsskáli og þar í kring. Og á fullt af vegaslóðum fyrir utan veg 1. Í stuttu máli sagt er útilokað að nota þetta tæki sem öryggisfjarskiptatæki á þessum stöðum. Það skal ósagt látið hvort þetta á eftir að batna eða ekki. En útbreiðslukortið sem Tetra Ísland hefur gefið út og er miðað við bílstöð og loftnet á toppi, hefur ekkert gildi hvað varðar handstöðina.
Gamla góða Globalstar (góða af því að maður slapp við mánaðargjöld) er alveg sambandslaust á Íslandi núna. Einhverjar líkur eru á að tungl sem nýtast okkur verði komin á loft eftir um það bil hálft ár. Því er eini raunhæfi möguleikinn í stöðunni að fjárfesta í Irridium gerfihnattasímum. Þeir eru rándýrir og bera mánaðargjöld óháð notkun en auðvitað þarf að greiða fyrir notkun líka. Að auki eru hljómgæði tiltölulega léleg. En það er samband svotil alls staðar. "
Ekki er Tetra alveg að gera sig hjá sleðamönnum.
Góðar stundir
Það er líka alveg á hreinu að fjarskiptakerfi sem keyrir á 900mhz sviðinu verður aldrei nothæft fyrir jeppamenn.
Hvort Síminn ætlar að nota radíóbúnað úr gömlum GSM 900-sendum eða hvort önnur ástæða er fyrir því að hætt virðist hafa verið við 450 MHz tíðnisviðið skiptir litlu máli.
Meginmálið er að hvorki 450 MHz né 900 MHz henta sérstaklega vel til langdrægra fjarskipta, eins og skörp skuggasvæði í NMT 450 bera vitni um.
Við erum í raun betur sett með VHF-endurvarpakerfi F4x4 heldur en flest annað, sýnist mér.
Nema auðvitað menn skelli sér á námskeið hjá Íslenskum radíóamatörum (http://www.ira.is), sem verður haldið frá febrúar til apríl (18 skipti með prófinu).
Senda einhverjum stjórnarmanni ÍRA tölvupóst með þátttökutilkynningu.
Gummi
R3535 og TF3GL
Þegar ég var að skoða Fréttablaðið í kvöld rak ég augun í þetta.
"Tafir á uppsetningu nýs kerfis
fjarskipti Einhverjar tafir hafa orðið á uppsetningu símkerfis sem ætlað er að verða arftaki NMT-kerfisins, en fyrirtækið sem byggir upp nýja kerfið, Nordisk mobiltelefon Island, telur að hægt sé að standa við áætlanir."Þeir telja sig vera eitthvað á eftir áætlun en að þeir séu í stöðu til að vinna þær tafir upp," segir Hrafnkell V. Gíslason, forstjóri Póst- og fjarskiptastofnunar. Stofnunin fær reglulegar stöðuskýrslur frá fyrirtækinu.
Áformað er að slökkva á NMT-kerfinu í byrjun árs 2009, og þá á nýja kerfið að vera tilbúið. Aðspurður segir Hrafnkell að ekki hafi verið rætt hvort NMT-kerfinu verði haldið gangandi lengur verði tafir á uppbyggingu nýs kerfis.
Síminn á helmings hlut í Nordisk mobiltelefon Island á móti Nordisk mobiltelefon AB. Linda Björk Waage, forstöðumaður almannatengsla á samskiptasviði Símans, segir að framkvæmdir við nýja kerfið séu á áætlun.
Samkvæmt tilboði Nordisk mobiltelefon Island í tíðniheimild fyrir farsímakerfið er ráðgert að fimmtíu sendar utan þéttbýlis verði komnir upp 1. júní næstkomandi og fullri útbreiðslu verði náð 1. október. Tíðnisviðið sjálft verði svo tekið í notkun 7. janúar 2009.
"Það eru einhverjir sendar komnir upp, og þetta lítur út fyrir að ætla að standast þær áætlanir sem við lögðum upp með," segir Linda. – bj"
Hérna er örugglega verið að tala um CDMA 450, en maður fer að verða svo ruglaður í öllum þessum fjarskiptalausnum, að maður veit ekki hvort maður er að koma eða fara. Allavega vitum við það núna að NMT verður út árið, og hvað gerist svo ? Erum við kanski að gera óraunhæfar kröfur á þau kerfi sem eiga að koma í staðin. Er ekki málið að efla bara VHF kerfið sem við félagar í 4×4 eigum alveg sjálf, og getum þróað eins og við viljum, enda eru endalausir möguleikar þar. Eða eigum við að fara með brefdúfu á fjöll. Þetta verður bara flóknara.
Góðar stundir
Ég talaði við þjónustuver símans í gær og spurði þá hvað væri helsta breytinginn á þessi langdrægna 3G kerfi. Það eina sem breytist er að það verður meir og hrðari gagnaflutningur. Kerfið mun ekki ná yfir stærra svæði. Svo uppá fjöllum mun þetta kerfi ekkert nýtast.
Við ættum að halda áfram að byggja upp okkar vhf og nýta okkur svo það kerfi sem mun taka við af nmt en vhf verður alltaf að vera til staðar hjá okkur líka.
Það er fátt nýtt í þessum fréttum. UTMS er þriðjukynslóðar arftaki GSM, slíkir símar eru GSM samhæfðir. CDMA2000 er þriðjukynslóðar útfærslan af amerískum stöðlum sem hafa miklu minni útbreyðslu en GSM kerfin. Öll þessi kerfi geta unnið að mismunandi tíðnisviðum, hærri tíðnir henta betur í þéttbýli en lægri tíðnir í strjálbýli, eða fyrir kerfi (eins og CDMA2000 í a-evrópu) sem hafa litla markaðshlutdeild.
Það er ekkert sem bendir til annars en að almenningur á Íslandi, eins og annarstaðar í Evrópu, muni nota GSM/UTMS kerfi í fyrirsjánlegri framtíð.
Þess vegna mun koma GSM/UTMS þjónusta á þær leiðir og staði á hálendinu sem eru mest sóttir af ferðamönnum. CDMA2000 kerfið verður líklega notað meira fyrir gagnaflutninga heldur en almenn símtöl, kannske verður það notað af sjómönnum, en sennilega verður GSM/UTMS þjónusta við þá bætt verulega.Tetra kerfið er hannað fyrir viðbragðs aðila en mér finnst afar ólíklegt að það muni ná með tærnar þar NMT kerfið er með hælana þegar kemur að því að ná til hálendisins.
Öll þessi kerfi eru, eins og VHF fjarskiptin, háð sjónlínu, þó mis mikið. Ef menn vilja geta náð sambandi hvar sem er, þá eru bara tveir valkostir, stuttbylgja (HF) eða Iridium. Radíó amatör leyfi sem gildir ævilangt kostar svipað og eins mánaðar áskrift að Iridium. Það er heldur engin trygging fyrir því að Iridium verði til frambúðar, það gæti dottið upp fyrir þegar gervitunglin ganga úr sér, eins og virðist hafa gerst með Globalstar.
-Einar TF3EK
Iridium tapar ca 1 tungli á ári. En þeir eiga ein 9 upp í hillu og eru að keyra þau upp eftir þörfum. Þá eru þeir í dag að leita eftir fjármagni til að fara að smíða næstu kynnslóð tungla sem eiga að taka við þegar hillan tæmist, og munu þau styðja margfalda gagnaflutningsgetu á við núverandi kerfi. Þetta las ég í "Digital Ship" í vetur. Sel það ekki dýrara en ég las það.
Vill svo vel til að ég kannast aðeins við málið þ.s. ég vinn hjá Símanum. Þetta er tilraunaleyfi sem vinnu á sömu tíðnum og GSM 900. Þetta er tækni sem er í þróun en byggir á CDMA tækninni þ.e. merkið. Það þýðir að hægt er tæknilega að ná sambandi með miklum gagnahraði allt að 200 km. þ.e. ef báðir eru hátt uppi. Langdrægt GSM kerfi er með drægni nær 120 til 150 km og mjög lítill gagnahraði. Það er búið að setja upp tvo tilraunasenda. Skv. mínum upplýsingum þá er aðeins til eitt símtæki sem styður þessa tækni en miðað við væntingar manna til þessa kerfis er örugglega ekki langt að bíða að framboðið verður meira. Hvenær þetta verður kerfi verður commercial veit ég ekki en þetta er í þróun hjá framleiðendum fjarskiptabúnaðar
kv.
JR
Verði tafir á uppsetningu CDMA 450 kerfisins finnst mér að f4x4 eigi að þrýsta á það sem hagsmunasamtök notenda núverandi NMT 450 kerfis að því verði haldið gangandi eins lengi og kostur er. AMK. þangað til nýja kerfið verði tekið í notkun.
En kannski er fullsnemmt að pæla í því fyrst við höfum allavega út árið í NMT dýrðinni.
You must be logged in to reply to this topic.