Langar i biltur

Var að velta fyrir mér Mýrdal og Eyjafjallajökli vantar ferðafélaga ef þú hefur áhuga á því.
Ómar
h.s.5654016
g.s.m. 8966467

Sælir strákar, var að velta fyrir mér Eyjafjallajökli á mánudag, vinsamlegast látið vita hvernig færið er ef þið hafið farið á jökulinn, þá á ég við alveg frá Seljalandsfossi til Skógarfoss.

Kv. vals

KL. hvað ætlið þið að leggja af stað og hvaðan? Kveðja R 2369

Vorum að koma úr frábærum túr frá Hamragörðum, yfir Eyjafjallajökul, Fimmvörðuháls og svo niður Sólheimajökul.
Talsvert langt þarf að aka slóðann upp Hamragarðaheiðina vegna snjóleysis. Fyrstu brekkurnar voru erfiðar og mörgum góðum bílnum ofviða. Sárvantaði marga þar skriðgír, en snjórinn er frekar blautur þarna en krapalaust er og grip nokkuð gott. Eftir að upp fyrstu hjallana var komið var ekið í góðu færi og niðaþoku langleiðina að Goðasteini, Voila! eins og keyrt væri útúr vegg komum við í heiðskíruna. Logn var á toppnum, sól og tveggja stiga hiti.
Færið var svo allgott að Fimmvörðuhálsi, þar er krapapyttur kominn í hvilftina norðan við efri skálann en auðvelt að krækja hjá honum. Við ókum svo til norðausturs inná feril sem ég fékk frá einum félaga vorum og svo sem leið lá suður Sólheimajökul. Þar er síðasta brekkan uppúr gilinu að skálanum eilítið þung, þannig að ef einhver ætlar þennan rúnt er líklega léttara að fara frá austri til vesturs og koma niður Hamragarðaheiðina.
Vona að ykkur hafi ekki leiðst frásögn mín.

Með sólskinsbrosi,
Lalli og ferðafélagar

Sæll Lalli, þakka þér fyrir ferðalýsinguna. Ég ætlaði að fara á sömu slóðir en því miður þá komst ég ekki. Ég er með ferilinn frá Kattarnesi að Fimmvörðuhálsi en vantar ferilinn austur á Sólheimajökli, spurning er hvort þú hafir sent Eyjólfi ferilinn, ef svo er gætir þú eftirlátið mér hann líka á e-mail (valurs@lsh.is).

Myndirnar frá þér eru mjög góðar en brekkan sem þú talar um, fer hún verstnandi með vorinum ?

Kv. vals

Ég fór yfir eyjafjallajökul annan í páskum. Ókum upp Hamragarðaheiðina í smá drullu og grjóti. Fyrstu brekkurnar með snjó eru erfiðar.
ÞEGAR ÞIÐ KOMIÐ AÐ SNJÓBREKKUNUM FARIÐ ÞÁ LEIÐINA SEM ER LENGST TIL HÆGRI.
Þar eru för sem liggja alveg upp. Fyrsti hluti brekkunnar þar er erfiðastur en þó fær. á leiðinni upp eftir mættum við 38" barbyum, trooper, patrol og fleirum sem komust ekki upp og snéru við. Þeir hljóta að hafa reynt við brekkurnar í miðju eða lengst til hægri. á jöklinum var gott færi, viðstöðulaus akstur á sæmilegum hraða í 3-5 psi. För liggja alveg yfir jökulinn svo auðvellt er að rata. Á Fimmvörðuhálsi var snjórinn blautur og drulla í veginum en engar erfiðar hindrannir. Lítið er í skógaánni og auðveldir bakkar. Við vorum á stuttum krúsa, 2x Hilux og Patrol. Allir á 38". Ef menn eru á öflugum jeppum eru illa munstruð dekk það eina sem gæti hindrað menn í að komast upp.

Freyr