Landvörður ákveður að ekki megi aka slóða?

Þangað til að reglugerð um slóðamál í tengslum við slóðaverkefnið verður gefin út þá hefur enginn landvörður eða annar sjálfumglaður, sjálfskipaður sandkornagæslumaður leyfi eða vald til að ákveða hvort aka má slóða eða ekki. Ferlaverkefni Landmælinga og ferðaklúbbsins er einmitt í gangi til að hægt sé að ákveða hvað má aka og hvað ekki. Þá, og aðeins þá, þegar því verkefni er lokið er kominn grundvöllur fyrir því að banna akstur á tilteknum slóðum. Ég hef oft sagt það að þangað til þetta mál er í höfn verða menn að fara svolítið eftir skynseminni þegar þeir ákveða hvar þeir aka. Annað mál er svo hversu mikla skynsemi menn fengu á garðann og mér virðist svona í fljótu bragði að þessi tiltekni ferðamaður hafi ekki haft skynsemi til að meta hlutina alveg rétt, stór og einhverra tonna þungur Man trukkur á sjálfsagt ekkert erindi þarna inn á þennan slóða. Kveðjur, Logi Már R-3641

Ég get í sjálfu sér ekki séð að hún sé að gefa það til kynna að landverðir geti ákveðið hvaða slóða má aka og hvaða ekki. Hún segir hins vegar að hún ráðleggi mönnum ekki að fara þessa leið og ég get lesið út úr skrifum hennar að hún frekar dragi kjarkinn úr mönnum að fara þessa leið en ekki. Þetta kann í sjálfu sér allt að vera eðlilegt en leiðandi leiðbeiningar að vísu. En ég sé ekkert að því að landverðir gefi leiðbeiningar og upplýsingar um þá vegi sem ferðamenn hafa einsett sér að aka og þá með tilliti til ökutækis viðkomandi og reynslu. Og ef að landvörður finnur inn á að t.d. útlendingur er hér í fyrsta skifti og hefur enga ferðareynslu hér á landi og enga hugmynd um út í hvað hann er að fara og er þar að auki á einhverju ökutæki sem ekki er líklegt að ráði við viðkomandi slóða er þá ekki eðlilegt að hann telji hann á að fara ekki þennan veg? Það gæti örugglega sparað margt útkall björgunarsveita. Kveðjur, Logi Már R-3641

Svar til Óla

Sem landvörður færðu allt bullið upp í þínar hendur á því svæði sem þú ert með undir þinni umsjá. Það eru ótrúlegustu (og bjánalegustu) hlutir sem útlendingar láta sér detta í hug að gera hér á landi bara vegna þess að þeir vita ekki betur, lesa sér ekki til og/eða fara ekki eftir leiðbeiningum. Landverðir þurfa oft á tíðum að forða fólki frá því að leggja af stað eftir slóðum sem það hefur enga hugmynd um hvernig eru og vísa því á öruggari leiðir, það er hluti af starfinu og þann hluta starfsins les ég úr blogginu hennar Soffíu okkar 😉 Seinni tilvitnunin þín er að mínu mati bara tillaga hennar að því hvernig best væri að ferðast um Vonarskarð. Les reyndar bara línurnar, á sjálfur mjög erfitt með að lesa á milli línana þannig að það má vel vera að þú hafir rétt fyrir þér :-p. Ég hef ég aldrei komið í Vonarskarð en vona að það verði fyrr frekar en síðar. Tek ég við öllum tillögum um hvernig ferðast beri um skarðið unz ég legg í’ann.

Um annað:
Á rútuferðum mínum um hálendið, inn í Mörk og Laka á sumrin hef ég [u:1qeqaqcc]undantekningarlaust[/u:1qeqaqcc] fundið útlendinga sem eru annað hvort komnir í vandræði eða á leiðinni í vandræði. Sumir sem ég hef mætt fleyttu kellingar á smábílum yfir vatnsmiklar ár og sloppið með skrekkinn, talið sig útskrifaða í akstri yfir ár og halda enn lengra út í óvissuna, sumir hverjir endað á því að drekkja (bílaleigu)bílnum og nærri drekkja sjálfum sér og allri fjölskyldunni í leiðinni. Öðrum hef ég hreinlega þurft að vísa frá því að elta mig (já sumir ferðast þannig, ótrúlegt en satt), útskýra fyrir viðkomandi að grind bílsins sem ég er á sé sérstaklega styrkt til hálendisferða, bíllinn sé með fjórhjóladrifi, læsingum milli fram- og afturhjóla auk lógírs og að alla þessa hluti þurfi að nota til að komast á áfangastað og beina tilmælum til viðkomandi um að snúa aftur niður á þjóðveginn eigi ekki illa að fara fyrir ferðalagi þeirra.

Hefðbundin eða óhefðbundin leið, ekki ætla ég tjá mig neitt um það, enda veit ég ekki nákvæmlega hvaða slóða viðkomandi ók. Ég veit það eitt að 12 tonna trukkur á minna en ekkert erindi út í sandbotna á.:-)

Held að allir séu samt sammála. Það er engin reglugerð komin ennþá og þangað til hún lítur dagsins ljós þá eigum við eftir að sjá áframhald á vandræðum ókunnugra á hálendinu. :-/

[quote="gthb":3njlx061][quote="UnnarM":3njlx061]Ég veit það eitt að 12 tonna trukkur á minna en ekkert erindi út í sandbotna á.:-)[/quote:3njlx061]

12 tonna farartæki á bara ekkert heima á hálendismalarvegunum okkar, þeir þola það ekkert, sama með rútuumferð, þetta er að drepa alla vegi. Hvaðan koma þvottabrettin á fjölförnustu vegunum? Þessum vegum er raðnauðgað á sumrin af umferð sem á bara heima á malbikinu.[/quote:3njlx061]

Rútuumferð á hálendinu er um eða innan við 5% af heildarumferð og þvottabrettin sem þú nefnir koma öll vegna þurrviðris og eingöngu vegna þurrviðris, alveg óháð gerð þeirra ökutækja sem aka um viðkomandi vegi. Enginn vegur á öllu landinu er hannaður fyrir meira en 10 tonna öxulþunga og 40 tonna heildarþunga við bestu aðstæður, það getur þú fengið staðfest hjá Vegagerðinni ef þú vilt. Meint raðnauðgun á sér þannig stað alveg óháð því hvort bíllinn undir mönnum er 2 tonn eða 10 tonn.

Var að uppgvötva f11 fídusinn á vefsíðunni þá sér maður síðasta innlegg á meðan maður skrifar.

Málið er kannski það að sú staða er komin upp að ef manni langar að keyra einhvern slóða og vill leita upplýsinga til skálavarðar eða landvarðar um aðstæður að það er hætt við því að maður treystir því ekki lengur að upplýsingar séu kannski alveg réttar. Þú fáir bara þær upplýsingar að slóðinn sé lokaður eða ekki sé æskilegt að fara hann af því að land/skálaverðinum finnst það eigi að vera þannig eða af því að hann er utan hefðbundna leiða og án alls fjarskiptasambands. Fjallabak syðri er meira og minna utan fjarskiptasambands á köflum á milli fjallana og í öllum giljunum á ég þá ekki að keyra þá leiðina t.d. í Álftarvatn.
Þetta gerir það að verkum að maður hættir að spyrja til vegar því maður getur ekki treyst því að upplýsingarnar sem maður er að fá séu réttar vegna forræðishyggju land/skálavarðanna.
Það er munur á að benda fólki á að farartækið sem það er á henti ekki til akstur á þessu svæði eða að veðurspáin sé svo slæm að það væri rétt að bíða af sér veðrið í skjóli við skálann en það er ekki þeirra að banna manni að fara. Og þeir eiga ekki að segja að vegir eða slóðar séu lokaðir bara af því að það sé þeirra persónulega skoðun að það eigi ekki að keyra þá og fá sína listrænu útrás í skiltagerðum með það markmið að loka slóðum.

Svo er rúta ekki það sama og rúta. Sumar eru afgamlir vörubílar sem búið er að dubba upp með nýrri rútuyfirbyggingu, aðrar eru fínustu tæki með loftpúðum og alles.

Eftir að hafa ekið töluvert um Bandaríkin, þar sem allar kynslóðir vagna eru í umferð, er ég sannfærður um að blaðfjaðrir skemma undirlag ökutækis töluvert mikið meira en loftpúðar. Ég hef séð vagna sem hreinlega hoppa á eggsléttu malbiki á blaðfjöðrunum, og svo aðra við hliðina sem gersamlega steinliggja….á loftpúðum. Bætum svo við mismunandi ástandi dempara og drifi á öxlana…niðurstaðan hlýtur að vera sú að öxulþungi þarf ekki að vera neitt úrslitaatriði varðandi þvottabrettamyndun.

Varðandi efni þráðarins, þá hefur það örlítið viljað loða við umrædda stétt[(h)landverði] að vilja hafa full mikið forræði fyrir samborgurum sínum.

Ég ætla svosem ekki að fara verja það í öllum sínum birtingarmyndum, en vissulega getur þurft að beita sannfæringarkrafti gagnvart erlendum ferðamönnum sem jafnvel trúa því að slóði sé sjálfgefið eins alla daga sumars, bara eins og hann kemur fram á einhverju korti. Þetta á auðvitað við í undantekningartilfellum, en vissulega verður maður hugsi þegar maður rekst á einn óbreyttan Hilux, sem hefur slampast í Kistufell norðan Vatnajökuls seint í Ágúst.
Það getur hreinlega færst í vana að ráða fólki frá því að fara tilteknar leiðir, og svo líka burtséð frá reynslu og þekkingu viðkomandi ferðalanga.
Svo snýst þetta í trúarbrögð, sem er versta birtingarmynd "láta-landið-vera-með-því-að-vera-bara-heima-eða-skoða-það-í-besta-falli-fótgangandi" stefnunnar, sem í sumum tilfellum hefur smogið undir hugtakið náttúruvernd.

kkv
Grímur

[quote:3lxmfu8m]Þar sem ég hef ekki ekið þess leið áður væri gaman ef einhver kunnugur kæmi með comment um þessa leið. Meiningin er að fara Norður með Hágöngulóni að Svarthöfða síðan auðvitað yfir skarðið. Erum á 33" til 44" jeppum allir vanir.
Kv. Júníus.[/quote:3lxmfu8m]
[/quote]

Daginn.

Junni, hvernær ætlið þið að aka þennan slóða?

Ég er einmitt að fara á svipaðar slóðir næstkomandi laugardag og væri gaman að vita aðstæður ef einhverjir fara þarna um í komandi viku. Reyndar er hugmyndin að fara frá Jökulheimum og upp með Vatnajökli að Svarthöfða og svo þennan slóða sem fjallað erum hér í þráðinum. Hef ekki ekið þarna um svo að ég spyr þá sem hafa farið þarna um eða þekkja þennan slóða (Jökulheimar – Svarthöfði) hvort þessi slóði sé ekki fær 35" og 38" bílum?

Kv. Sveinn

Vonarskarð og Bárðargata.

Svonefnd Bárðargata liggur vestan Vatnajökuls milli byggða. Nú tölum við aðalega um Bárðargötu milli Jökulheima og Gæsavatnaleiðar. Vonarskarðsleiðin liggur svo Hágöngulóni norður um Vonarskarð. Færð er þannig og var þannig um síðustu helgi að vegir voru vel þurrir enda búið að vera þurrt og heitt undanfarið. Kaldakvísl við Svarthöfða var ekki væð ( var reynt og ekki komst vaðmaðurinn aðein út í ánna og átti í vandræðum að komast í land á ný ) . Þar af leiðandi varhugaverð fyrir 35 tommu og minni jeppa, það gefur auga leið. Sveðja gæti því verið í sama hamnum. Ef aka á þessar leiðir þá þarf að vera snemma morguns í þessum vöðum og á flæðunum norðanvert í Vonarskarði ( Rauðá upptakaá Skjálfandafljóts ). Á sunnudaginn var hinsvegar Þjórsá á Sóleyjarhöfðavaði fær. Þ e dýpi rétt upp á hurðar á 38 t jeppa. Sindri óð Sóleyjarhöfða vað á naríunum einum saman he he.

PS það má bæta því við fyrir landverði að það er 59 ára hefð fyrir akstri um Vonarskarð.