This topic contains 18 replies, has 1 voice, and was last updated by 
-
Topic
-
Sælir, þetta er fyrirspurn til þeirra sem ætla á Landsfundinn úr Reykjavík.
Við erum 2 vefnefndarmenn á einum jeppa og fýsir í að vita hvort menn ætli að hópa sig saman m.t.t. ferðatíma og leiðarvals?
Okkur langar mjög svo að vera í samfloti með einhverjum sem færu seinnipartinn af stað (ca. á milli kl.15 og 17), annars erum við sveigjanlegir.
-
Replies
-
Sælir.
Ef þið eruð eithvað mirkfælnir verð ég einhverstaðar á leiðinni eða kominn upp í Setur þannig að þið kallið bara og ég kem og sæki ykkur, fer í fyrra málið og ætla að vera lengi á leiðinni.
Kv. Úlfurinn v/s Hjálparsveit.
Hvort eru menn að fara Gljúfurleit eða Kerlingafjöll? Hef hug á að fara sömu leið og flestir fara.
Við erum að stefna á að fara úr bænum um 17:30 og fara Kerlingarfjallaleið. Ég veit af fleirum sem ætla sömu leið, en starttíminn er eitthvað breytilegur.
Kveðja,
Hafliði
ég ætla að fara úr Reykjavík snemma á laugardagsmorgun. Get verið á bíl og tekið farþega. Eins væri ég til í far með öðrum. Áforma brottför kl. 0600 úr Reykjavík.
kveðja,
Arnþór s. 8201680.
Ég hef hugsað mér að fara af stað á föstudeginum, líklegast seinnipartinn ef jeppinn leyfir. Það stefnir samt í augnablikinu í að mig gæti vantað far…
Hefur einhver frétt af færðinni þarna innfrá?
Verða menn ekki bara á rás 45. Sögur herma að það sé eitthver snjór á leiðinni svo eitthvað ætti að vera gaman hjá mönnum.
[img:b7ljdfui]http://brunnur.vedur.is/athuganir/sjalfvirkar/setur/snd_1v.gif?[/img:b7ljdfui]
Mér vitanlega er snjódýptarmælirinn í Setri bilaður þannig að þetta er kannski ekki alveg að marka. Höfum ætlað að reyna að fá hann í lag en ekki unnist tími til. L.
Tja, mér þykja 3m af snjó hálf lygilegt…
Jæja, hvað er að frétta af svaðilförum á leið á Landsfund?
Hėr í Setrinu eru menn að tínast inn. Gummi "steri" og Sveinbjörn voru að koma í hús og urðu þeirrar gæfu aðnjótandi að geta fylgt förunum eftir okkur sem á undan voru komnir. Annars væru þeir sennilega rammvilltir einhversstaðar í Illahrauninu og sennilega fastir í einhverjum af þeim gríðarlegu sköflum sem þar eru. Ómar olíumálaráðherra er búinn að dæla olíunni af kálfinum og yfir í tankana hér í Setrinu og situr hér þessa stundina og kýlir vömbina af miklum móð og brosir allan hringinn, einhver var að tala um að binda mætti munnvikin á honum í slaufu fyrir aftan hnakka, svo sæll er hann. Stebbi, sem kom í gær og svaf hér einn í nótt kvartar stórum yfir því að engin hljóð séu hér í húsinu. Getur ekki einhver sem er á leið í Setrið komið með draugahljóð á spólu svo að kallinn geti sofið vært í nótt? Og vefnefndin situr yfir tölfunni,,,,, so what else is new????? Einar Sól kvartaði stórum yfir því að þurfa að vera á eftir skálanefndarMussoinum sem var með olíukálfinn í drætti. Sagði sem svo að hann hefði þurft að keyra í hægðum sínum á eftir andskotans Mussoinum og þyrfti að bóna Strumpinn á morgun. Og Rúnar var að opna sinn fræga lopasokk, sem eins og allir sem til þekkja vita að inniheldur mjöð nokkurn sem brennivín heitir. Hýrnar nokkuð yfir honum þessa stundina. Sögustund og hlátrasköll færast í aukana. L.
Af landsfundi er það að frétta þessa stundina að fundurinn í dag gekk vel fyrir sig undir styrkri stjórn Björns Pálssonar úr Eyjafjarðardeild. Skipað var í umræðuhópa og hin ýmsu mál tekin fyrir í þeim hópum og skýrslur gefnar í lok fundar. Ýmsar athyglisverðar hugmyndir komu fram og voru færðar til bókar. Var fundi slitið um kl. hálf sex og tók þá við matargerð mikil og hófst borðhald um áttaleytið. Þessa stundina skála landsfundarfulltrúar, skiptast á sögum og syngja hástöfum undir taktföstum gítarleik Sveinbjarnar Halldórssonar sem lemur "saltfiskinn" af mikilli innlifun. Tónhæðir þátttakenda eru eitthvað á reiki en þó má greina einstaka lagstúf ef hlustað er grannt. Ekki er fyrirsèð þessa stundina hvenær menn ganga til náða en forsjálir skálanefndarmenn eru vel byrgir af magnyltöflum fyrir morgundaginn. L.
Þakka kærlega fyrir góðan fund, mat og aðrar veitingar.
Við Eyfirðingar eru komnir heim til Akureyrar og þökkum fyrir góðan og gagnlegan fund.
Fórum Sóleyjarhöfða og norður Kvíslaveituveg að Hallgrímsvörðu, þaðan í Laugarfell og ókum svo niður í Eyjafjarðardal.Bestu kveðjur að norðan
Björn Pàlsson
Gunnar Rúnarsson
Elías Þorsteinsson
Erlingur Harðarson
Björn Jóhannsson
Takk fyrir góðan fund, Mikið verk unnið og hlakkar mér til að sjá hvernig þessi vinna skilar sér í félgasstarfið. Skemmtilegur félagsskapur og gaman að kynnast aðeins nýjum félögum sem við hittum svo til fjalla.
Besti kveðjur
Matti
Sælir og takk fyrir frábæran fund. Þetta ver virkilega vel heppnaður fundur og verður gaman að sjá niðurstöður af fundinum. Þetta var góður og vel samstilltur hópur sem sat sveittur allan laugardaginn í hópavinnu til að auka hróður og innra starf klúbbsins.
Enn og aftur takk fyrir frábæra vinnuhelgi.
Sveinbjörn
R-043
Takk fyrir góða og gagnlegan fund og flottar veitingar , fóum Klakkinn og svo malbikið heim gekk bara vel.
Kv Þorleifur Hornafjarðadeild
Bergur og Bragi í vefnefnd þakka fyrir sig. Skálanefnd og stjórn brilleruðu þarna enn einusinni. Góð umræða, matur og allur viðgjörningur. Takk kærlega fyrir okkur, vonandi að við höfum lagt eitthvað í púkkið. Komum heim með margar góðar ábendingar f. vefinn.
kv,
Bergur og Bragi.
You must be logged in to reply to this topic.