This topic contains 10 replies, has 1 voice, and was last updated by 
-
Topic
-
Mér vitanlega er aðeins einn 44″ Land Rover Defender á landinu. Ég myndi halda að þessi jeppi tæki breytingum vel, eða hvað? Ég er að velta fyrir mér af hverju fleiri hafa ekki sett hann á 44″, er hann bara of veikur?
Hafið þið hér í 4×4 ferðast eitthvað með þessum eina 44″ Defender? Í myndaalbúmi RunarR eru slatti af myndum af honum svo hann hlýtur að hafa ferðast með honum.
Freyr
-
Replies
-
Björgunarsv. Ársæll stefnir í að láta útbúa fyrir sig einn slíkan þ.e. 44 tommur
Ég held nú að það séu nú eitthvað fleiri en bara einn Land Rover til á 44" menn kannski keyra ekki dags daglega á stóru dekkjunum því fer lítið fyrir þeim.
Ég hef farið soldið um með félaga mínum 44" Rover og virkar þetta fínt.
Sá bíll er 4 cyl og kannski sprautast ekkert upp brekkurnar en kemst alveg nóg og aldrei hefur verið einhver vöntun á afli til að komast eitthvað, maður tussast þetta alltaf einhvern veginn á endanum.
Bíllin ber dekkin vel og hafa ekki verið nein vandræði sem rekja má til dekkjanna, náttúrulega hafa verið einhver öxla vandræði, en er það ekki svoleiðis með alla þessa rovera.
Ég veit ekki betur en eigandi bílsins sé ánægður með hann, hann notar hann sem atvinnutæki og keyrir túrista um hvippin og hvappinn.
Myndir af bílnum eru í albúminu mínu, og einnig á http://www.birkir.com
Ég er í björgunnarsveitinni Ársæl. Það er rétt að þeir séu að breyta Defender (held reyndar að hann sé tilbúinn) en hann er bara á 38", eins og hinn bíllinn þeirra, allaveganna síðast þegar ég vissi.
En það er rétt (man ekki hjá hverjum) að það er allaveganna einn annar á 44". Það er hvítur Pallbíll.En RunarR, hvernig er hann að standa sig miðað við aðra 44" bíla, veit að það er nánast útilokað að segja til um en þú getur kannski gefið smá viðmið, t.d. Rover vs. Patrol eða Crúsi.
Freyr
Sæll Freysi
Nýja Landrovernum okkar verður breytt fyrir 44". Hann er ekki tilbúinn. Hann kemur ekki á götuna fyrr en um miðjan næsta mánuð.
Kv, Haffi
Anonymous- Umræður: 0
- Svör: 16404
Björgunarsveitin Hérað átti einn af fyrstu Defender jeppunum sem breytt var fyrir 44". Raunin varð sú að hann var aldrei settur á stóru dekkin af því að hann reyndist ansi vel á 38 tommu dekkjunum.
Það er aðeins meira mál að breyta fyrir 44" en 38" því að það þarf að færa framhásinguna aðeins framar.
Það að frétta að nýi Landroverinn eigi að fara á 44" en ekki 38" kom mér í gott skap (var í fúlu því ég er í skólanum). Nú getur maður farið að hlakka til að sjá græjuna.
kv. Freyr
Sælir allir.
Ég man ekki betur en að hafa séð á myndum frá Kvennaferðinni síðustu hvítan Land Rover með palli á 44"
Er það þessi eini sem hér hefur verið rætt um?
Svo má ekki gleyma Ýktum. Hann er náttúrulega Land Rover þótt hann sé "lítillega" togaður og teigður. Og dekkin þar eru nú aldeilis 44"
Með 44" kveðju,
Emil Borg
Þessi hvíti með pallinum er í eigu B&L og notaður í ???.
Held að það sé nú alveg til handfylli af þessum bílum á 44" held meira segja að rafmagnsveiturnar eigi einn slíkan.
Það eru til nokkrir Defenderar á 44" en mér persónulega myndi aldrei detta í hug að setja þá á svona stór dekk með original vél… Held að það sé ekki til nóg af þolinmæðispillum á landinu til að það gæti gengið 😉
Kv.
Bjarni G.
Eins og fram hefur komið eru þeir nokkrir Roverarnir setið geta á stóru blöðrunum. Svo vill til að ég á einn þeirra og hann er reyndar með 4 cyl díselvélinni (kölluð 300 tdi hjá Rover). Það er rétt að óhreyfð er hún ekkert sérstök sprengja en töluvert aukreitis má finna í "boxinu" ef maður nennir að leita og skilar hún þá ágætu afli og sérstaklega notalegu togi við nánast engan snúning. Nýrri árgerðir hafa 5 cyl vél sem með kubb hafa sýnt töluverð afköst en ekki kannski alveg eins hagstætt tog og sú eldri. Reyndar má og nefna það sem margir hafa rekið sig á að þegar færi þyngist skipta gírar reyndar meira máli en nákvæmlega hestöfl! …og þar hefur Roverinn verið skratti sterkur. Punkturinn er að bíllinn ber dekkin og þau reyndar fara honum drulluvel. Oft er maður kóngur en auðvitað koma færi þar sem 44" er almennt bara fyrir manni og 38" eða eitthvað þaðan af mjórra væri miklu hagstæðara.
You must be logged in to reply to this topic.