Landmannalaugar..

Á þessum árstíma ætti að vera fært fyrir flesta fjórhjóladrifsbíla inn í laugar. Kæmi mér ekki á óvart þótt þú sæir Yaris/a þarna innfrá líka…
.
Sat fyrir mörgum árum í Toyotu Tercel 4WD yfir þessi vöð og var það ekkert mál.
.
En síðan hef ég lent í því að þurfa að draga afturdrifna smárútu uppúr læknum, sem gróf sig niður að aftan einfaldlega af því að maðurinn fór svo hrikalega vitlaust í vaðið.
.
Þannig að það er aldrei of varlega farið, en kanski ekki mikil hætta á ferðinni þarna.
.
Góða ferð
.
Kv.
Óskar Andri

Dómadalsleiðin er góð núna og afar lítið í Helliskvíslinni .Sigölduleiðin er víst riffluð eins og vant er . Leiðin frá Landmannalaugum austur um ætti að vera mjög auðveld á þeim bílum sem um er spurt ef ekki eru stórrigningar .Góða ferð með kveðju Olgeir.

Ég fór í dag inn að Landmannahelli og vegurinn er bara óvenju góður en maður sem fór nýlega Sigölduleiðina sagði að hún væri gróf og þvottabretti eins og vant er . Olgeir

Fjallabakssvæðið er mjög fjölbreytt svæði og einn laugardagur dugar ekki til að skoða það allt .Ég vil benda þeim sem vilja fræðast um t.d. Landmannalaugasvæðið að skoða síðu Smára og Nínu sem er landmannalaugar.info. Einnig er mikill fróðleikur á síðu Gísla Ólafs Péturssonar um þetta og allt milli himins og jarðar http://www.isholf.is/gop/http://www.isholf.is/gop/ Góða skemmtun .Kv Olgeir

Svo eru það bækurnar. Að sjálfsögðu er í Ofsabókunum (Ekið um óbyggðir og Utan alfaraleiða) lýsing á ýmsum leiðum þarna og vel þess virði að kynna sér þær. Eins Hálendishandbækurnar hans Páls Ásgeirs, þar fjallar hann um helstu leiðir þarna og segir frá ýmsum útúrdúrum. Best að hafa bara allar þessar bækur í bókasafninu í bílnum og þá getur kóarinn flett í þessu fram og til baka.
Kv – Skúli