This topic contains 25 replies, has 1 voice, and was last updated by 
-
Topic
-
Landgræðsluferð í Þórsmörk 24. júní
Helgina 24. júní verður farin hin árlega landgræðsluferð Ferðklúbbsins 4×4 í Þórsmörk. Tjaldstæði hafa verið tekin frá í Strákagili í Básum á Goðalandi.
Skipulögð dagskrá hefst klukkan eitt laugardaginn 24. júní, þegar safnast verður saman við Álfakirkjuna gegnt Langadal. Þaðan mun Guðjón Magnússon kynningarfulltrúi Landgræðslunnar leiða hópinn norður yfir Krossá á Merkurranann þar sem unnið hefur verið að uppgræðslu í samvinnu Ferðaklúbbsins og Landgræðslunnar í um það bil áratug.
Í þetta sinn verður plantað birkiplöntum auk þess að dreifa áburði eftir þörfum. Starf klúbbsins hefur borið mikinn árangur og það er ánægjulegt að sjá hversu gróðri á Merkurrananum fer fram, ár frá ári. Myndir úr fyrri ferðum eru á vefsíðu Umhverfisnefndar http://um44.klaki.net.
Markmiðið er að börn og fullorðnir eigi góða stund saman og um kvöldið verður sameiginleg máltíð í boði klúbbsins. Vegna undirbúnings og innkaupa þurfa menn að skrá sig í ferðina. Skráningar þurfa að berast ekki seinna en fimmtudaginn 22 júní
-
Replies
-
Sæll Dagur,
afsakaðu frumhlaupið – hann lyktaði jafnvel og hann er sótugur guttinn í tjaldinu þessa nótt
Við feðgarnir (og mögulegur kollegi guttans) komum á laugardaginn.
Sjáumst hressir,
Siggi
Ekki er tekið við fleiri í mat, en samtals eru skráðir 81.
Áhugasamir geta þó komið, en þurfa að skaffa sína steik.
kveðja Dagur
Er komin staðsetning á 4×4 tjaldstæðið ?? Reikna með að rúlla innúr á laugardag og mun líklega ekki setja niður nokkra plöntu og hef því fyrirgert rétti mínum til að eta í boði 4×4. Mun því keyra á rollu á morgun og grilla einhvern líkamspart af henni sjálfur á laugardagkveldið.
Góðar stundir
Auglýst hefur verið að Útivist taki frá svæði fyrir okkur í Strákagili, en einhver annar hópur er þar einnig og verðum við að nýta plássið vel vegna þessa mikla áhuga félagsmanna.
Magnum fer snemma á morgun og ætlar hann að setja upp stórann fána F4X4.
Sjáumst.
Kveðja Dagur
Mæli með að menn taki með sér tjaldborð og stóla og tryggja sér þannig sæti við veisluborðið.
Ég lét taka frá pláss fyrir 10-15 tjöld og vagna og miðaðst þá við skráninguna í morgun. Það hefur hins vegar fjölgað hressilega síðan þá. Það væri hins vegar hægt að fá fullt af plássi inni í Þvergili, en það hefur þann galla að þaðan er svolítið labb á varðeldinn.
Kv – Skúli
You must be logged in to reply to this topic.