Landgræðsluferð í Þjórsárdalinn 2015

Góðan daginn,

mig langaði að vera með pistil hér sem tæki bara á Landgræðsluferðinni. Annað sem kemur hér inn verður fjarlægt.

Það er nú orðið töluvert síðan að ég lagði inn beiðni á gott veður og sýnist mér það ætla að ganga eftir sjá hér. En eins og fyrr segir erum við að fara í landgræðslu í Þjórsárdalinn NÆSTU helgi eða helgina 5 – 7 júní. En eins og fyrr hefur komið fram …………….

Frá stofnun Ferðaklúbbsins 4×4 hefur klúbburinn leitast við að starfa í sátt við náttúruna. Frá vori 1991 hefur verið starfandi umhverfisnefnd innan hans samkvæmt lögum klúbbsins.

Í samvinnu við Hekluskóga fékk Ferðaklúbburinn 4×4 úthlutað svæði vorið 2008 í Þjórsárdal við Þórðarhöfða og Núpsskóg til að vernda, hefta fok, rækta og endurheimta birkiskóg. Undir leiðsögn Hreins Óskarssonar hjá Hekluskógum hefur þar verið sáð grasfræi, áburður borinn á og gróðursettar þúsundir trjáplantna síðan þá með frábærum árangri.

Landgræðslu og baggaferðir hafa stundum verið með vel sóttustu viðburðum ferðaklúbbsins 4×4.

Ferðin að þessu sinni, eins og undanfarin ár, er helgina 5-7. júní.

Hvort fólk kemur á föstudag eða laugardagsmorgun er fólki  frjálst, en öll vinnan fer fram laugardaginn 6. júní. Þá er byrjað snemma dags eða kl 09:00 og unnið vel fram eftir degi. Þá er stefnt á sundferð í Árnes að loknum góðum vinnudegi. Um kvöldið er grillveisla í boði umhverfisnefndarinnar. Gisting og aðstaða á tjaldsvæðinu er frí þessa helgi.

Tjaldsvæðið frábæra í Sandártungu er rétt norðan við brúna yfir Sandá, við Ásólfsstaði

Það er mikilvægt að skrá sig þar sem við þurfum að áætla magn fyrir grillveisluna. Skráningarfrestur rennur út fimmtudagskvöldið, 4. júní kl. 23:00

Smá fróðleikur um okkar vinnu í Þjórsárdalnum :

Þar sem við byrjuðum eru bara orðin ágæis tré víða og virðist sem aö því sem er sáð í Lúpínuna vaxi með meiri krafti en það sem er sett á berangur.  Mörg trjánna voru gróðursett 2009 og eru því aðeins fjögurra ára. Í brekkunni var byrjað 2008 – 2009 í sandi og eins og sést eru trén orðin mörg hver ansi efnileg kynþroska og allt á meðan önnur eru minni.  Þegar trén eru orðin kynþroska og farin að sá sér sjálf er tilgangnum náð. Það heitir kven Rekklar (kven blóm) og karl Rekklar ( karl blóm ) karlarnir eru stærri og lafa meðan kvenfólkið stendur blýstert og bíður þess að frjófgast

Manni finnst alveg magnað hversu miklum árangri þetta starf okkar hefur skilað !!!

Sagnfræði

Árið 1882 var aftakaveður hér í Þjórsádalnum og Landeyjunum Sandfellisveðrið mikla. Bæði í Gnúpverjahreppi og á Rangárvöllum voru búin að vera léleg ár til beitar og þess vegna var fé úti þegar veðrið skall á. Allt fé sem var inn á afrétt bara skóf í kaf skaflar af sandi kæffærði allt, eina sem lifði af var það sem var í Búrfellsskógi og niðri á Ásólfsstöðum og Skriðufelli. Þá fóru 20 bæir í eyði í Landssveitinni og á Rangárvöllunum og yfir 2000 fjár drapst og 2000 hestar og eitthvað af nautfé, þá eyddist allur Landsskógurinn sem til var hér í Þjórsárdalnum. Þá voru árnar á ís og þess vegna óð sandurinn viðstöðulaust yfir árnar í staðinn fyrir að ef þær hefðu verið opnar hefði talsvert af sandinum farið í þær, en hann óð alla leið niður í Þykkvabæ í þessu Norðanbáli sem stóð frá 25 apríl ti 19 maí. Bálið var svo svart að fólk sá ekki úr augum allan tímann og fylltust öll hús sem á þeim tíma voru mjög óþétt, þau bara fylltust af sandi. Úr einhverjum var grafið en þetta varð til þess að um 20 býli fóru í eyði. Eins voru öll tún ónýt. Ef litið er yfir Rangárvellina nú sést að þar er búið að gera helling, þetta var ein eiðimörk fyrir um 70 – 80 árum.

Matthías Jockumsson var niður í Odda og skrifaði hann eitthvað um þetta og einnig voru skrifuð eitthvað af bænabréfum til Bretlands og fengust styrkir út á þau

Ef klikkað er á eftirfarandi er hægt að skrá sig í ferðina

En þeir sem hafa skráð sig í ferðina eru…..

Hjörtur S Steinason                        1

Bergur Pálsson                                 4

Jón Guðmundsson                          2

Guðmundur Geir Sigurðsson        2

Þeim sem líkar ekki við þetta skráningarform geta sent mér tölvupóst og mun ég þá skrá viðkomandi hér inn

Kveðja Hjörtur sem á JAKANN og er formaður Umhverfisnefndar

Hér eru myndir úr Landgræðsluferð