This topic contains 6 replies, has 1 voice, and was last updated by 
-
Topic
-
Er vitað hvort klúbburinn fer í sína árlegu landgræðsluferð í Þórsmörk í ár?
Ég var að fletta dagatalinu og gat ekki fundið neitt um þetta, né sumarhátíðina.
Ef einhver hefði þessar upplýsingar, væru þær vel þegnar.
Kv.
Jón E.
-
Replies
-
Þessir liðir eru báðir á dagskrá.
Dagskrá félagsársins 07-08 kemur upp fljótlega eftir að ný stjórn hefur hist.
kv
Agnes
Sæll Jón Ebbi. Ég hef ekki séð neina innborgun á lóðaleigu frá því í fyrra, Vinsamlegast greiddu fyrir næstu ferð
skuld + vsk(vökvaskattur).
Þar sem ég verð vonandi í Umhverfisnefnd næsta starfsár þá skal ég athuga hvort það sé til pláss fyrir þitt ægifagra fellihýsi ef þú lofar að láta það ekki hrynja afturX- magnús í Umhverfisnefnd
Maggi magnum
Takk fyrir upplýsingarnar Agnes.
Já það var þetta með lóðina. Ég hef víst eitthvað misskilið þetta.
Taldi mig hafa erft hana, þegar þú og þitt föruneyti yfirgáfu svæðið.
En svona til vara, þá var hún illa byggileg. Óslétt með afbrigðum, aðgengi erfitt og sólarlaus að mestu þar sem stöðugur skuggi trjánna grúfði yfir.
Svo við tölum nú ekki um hverfið sem hún var í. Því þér láðist alveg að geta þess að allt um kring voru opnir barir allan sólarhringinn, með tilheyrandi hávaða og ófriði. (Dálítið stór galli!)Spurning hver á kröfur á hvern?
Sjáumst í Þórsmörk.
Kv.
Jón E.
Það er ljóst að hér er á ferðinni maður sem hefur góða þjálfun í að prutta um lóðir. Ef Magnúsi og umhverfisnefndin ræður ekki til sín lögfræðing strax er hætt við að við að við verðum komin í skuld við Jón Ebba fyrir það að hann hafi sett upp tjaldvagninn sinn í landgræðsluferðinni. Jón Ebbi, þú færð í næstu landgræðsluferð lóð á besta stað í fínu og flottu hverfi ef þú borgar inn á hana strax. Bara spurning hvernig við eigum að útskýra fyrir öðrum íbúum hverfisins allan rottuganginn sem fylgir þér svo gjarnan.
Kv – Skúli
Lóðin eins og þú lýsir henni er náttúrulega kjörlendur ykkar rottnanna og því ætti ég nú að rukka þig um enn meira
Það eru nú þegar komnir tveir eðallögfræðingar klúbbsins í málið.
–
Varðandi komandi sumar hefur mér borist til eyrna að Útivist er að taka nýtt svæði í notkun, og er það fyrir innan Þvergil upp við jökul. Ég skal gjarna passa þar eina eðallóð fyrir þig Jón Ebbi, og færð þú þá heitið frumbygginn.
–
Skúli! ég held að við verðum að byrja starf umhverfisnefndar á því að láta smíða helling af umhverfisvænum rottugildrum, fyrst það er búið að setja öll þessi ræsi á leiðinni inneftir.Magnús Umhverfisvæni.
Nú erum við að tala Skúli. Ég get þá gengið út frá því að frátekna lóðin verði með útsýni í friðsömu hverfi….já og svo auðvitað með bílastæði fyrir alvöru jeppa – sem menn öfundast endalaust yfir – en þú þekkir það náttúrulega.
En hvað tal var þetta með innborgun? Er ekki frekar að vonast til að ég stilli skaðabótakröfunum, á hendur Umhverfisnefnd, í hóf.Jú sagan segir okkur að vissuleg gætu orðið talsverð ónot af rottugangi, í hverfinu, en enginn hefur hvartað enn yfir þeim ágangi.
Ábyggilega gæti brúnn vökvi í fallegum flöskum, sem oftar en ekki á borðum þar sem Rottur koma saman, spilað eitthvað inní það mál.
Góð tilraun hjá þér Magnús, þetta bakkaklór, með loforðum upp um allar ermar á Skúla.
En auðvitað skoðum við öll nýbyggingarsvæði með opnum huga.
Bestu kveðjur.
Jón E.
You must be logged in to reply to this topic.