This topic contains 25 replies, has 1 voice, and was last updated by 
-
Topic
-
Landgræðsluferð í Þórsmörk 24. júní
Helgina 24. júní verður farin hin árlega landgræðsluferð Ferðklúbbsins 4×4 í Þórsmörk. Tjaldstæði hafa verið tekin frá í Strákagili í Básum á Goðalandi.
Skipulögð dagskrá hefst klukkan eitt laugardaginn 24. júní, þegar safnast verður saman við Álfakirkjuna gegnt Langadal. Þaðan mun Guðjón Magnússon kynningarfulltrúi Landgræðslunnar leiða hópinn norður yfir Krossá á Merkurranann þar sem unnið hefur verið að uppgræðslu í samvinnu Ferðaklúbbsins og Landgræðslunnar í um það bil áratug.
Í þetta sinn verður plantað birkiplöntum auk þess að dreifa áburði eftir þörfum. Starf klúbbsins hefur borið mikinn árangur og það er ánægjulegt að sjá hversu gróðri á Merkurrananum fer fram, ár frá ári. Myndir úr fyrri ferðum eru á vefsíðu Umhverfisnefndar http://um44.klaki.net.
Markmiðið er að börn og fullorðnir eigi góða stund saman og um kvöldið verður sameiginleg máltíð í boði klúbbsins. Vegna undirbúnings og innkaupa þurfa menn að skrá sig í ferðina. Skráningar þurfa að berast ekki seinna en fimmtudaginn 22 júní
-
Replies
-
Minna menn á að skrá sig í Landgræðsluferðina, því fyrr því betra. Þið sem eru þegar búnir að taka þá skynsamlegu ákvörðun að mæta endilega sendið póst á Dag og þið hin sem ekki hafa þegar tekið ákvörðun þá vil ég benda á að þetta eru alltaf mjög góðar ferðir. Gaman að taka þátt í uppgræðslunni þarna á Merkurrananum og Guðjón frá Landgræðslunni gerir þetta mjög skemmtilega.
Kv. – Skúli
og er ekki svo svakalegur varðeldur söngur og spil hjá Útivist um kvöldið. Sem við getur troðið okkur inn á eða hvað Skúli
Já verður maður ekki að skella sér og pota niður nokkrum plöntum.
Er búið að ákveða hvenær á að leggja af stað?
Það er einfaldlega mæting við Álfakirkjuna kl. 13 á laugardag. Sumir fara á föstudagskvöldið og koma upp tjöldum (í Strákagili), aðrir laugardagsmorgun, en málið er að vera komin fyrir kl. 13. Svo býður klúbburinn upp á grillmáltíð um kvöldið. Að henni lokinni er hægt að skella sér á kvöldvöku og varðeldinn hjá Útivist.
Kv – Skúli
Sælir
Er ekki í lagi fyrir okkur að austan sem erum nú fyrir sunnan að koma með og leggja hönd á plóginn?
Örn.G U192
Það eru allir velkomnir, bara að skrá sig til að við vitum hvað margir ætla að mæta.
Það væri frábært að fá að vera í samfloti við einhvern á laugardagsmorgninum þar sem ég er sennilega eini maðurinn í öllum heiminum sem hef aldrei komið í Þórsmörk. Það hlýtur að verða góð mæting fyrst svona fáir eru búnir að skrá sig í vinnu í torfærunni 😉
Það er alltaf mikil traffík á Jónsmessu í þórsmörk.
260 manns eru skráðir í göngu útivistar yfir fimmvörðuháls, síðan f4x4 og eftir eru austurleið og aðilar á vegum ferðafélags Íslands.
Bara að fylgjast með öðrum yfir árnar og fara varlega, í Bása hjá Útivist.
þú þarft ekki að fara yfir Krossá.
Einnig er mjög líklegt að þú náir sambandi við f4x4 félaga með VHF.
Kveðja Dagur
Jú örugglega mikil traffík. Annars sýndist mér á fundinum áðan var orðin einhver samþjöppun um 18:00 á föstudeginum við hið fræga Select. Öruggar heimildir sögðu mér að það væri alveg óhætt að eyða meira en sólarhring þarna 😉
Hvað tókst að skrá marga á fundinum áðan?Sjáumst um helgina.
Það voru 9 skráðir á fundinum bæði þeir sem voru mættir og aðrir sem voru fjarverandi, eða samtals um 20 skráðir í Jónsmessuferðina.
Ég ætla að skella mér í ferðina en ætla ekki að tjalda inni í mörk. Reikna frekar með því að fara með Fellihýsið á föstudeginum og planta því á einhverju góðu tjaldsvæði í nágrenninu og keyra innúr á laugardegi og svo til baka eftir kvöldvöku.
Ég fer á föstudegi þannig að ef einhver er í svipuðum hugleiðingum þá er bara að hafa samband.
Benni
Einhverjir ætluðu að hittast á Select kl 18 á föstudaginn og verða samferða þaðan í Mörkina
Það er mjög góð veðurspá fyrir helgina. Endilega að skella sér í Mörkina. Þórsmörk stendur alltaf fyrir sínu, og þegar við bætist frábær leiðsögn, skemmtilegur félagsskapur og góður matur, þá gerist það ekki betra. Því miður kemst ég ekki í þetta skipti en ég veit að þetta verður frábært.
-Einar
Nú eru 24 fullornir og 16 börn skráð í ferðina
kveðja Dagur
Þetta er allt að koma og stefnir greinilega í góða ferð. Frábært að vera í veðurblíðu á Merkurrananum í uppgræðslustörfum og Guðjón Landgræðslumaður sér til þess að verkefni eru fyrir alla fjölskyldumeðlimi. Síðan er þessi líka fína grillsteik í boði klúbbsins laugardagskvöld. Útivist sér svo um hörkustemningu við varðeldinn um kvöldið og heyrist mér að það verði einir 7 eða 8 spilarar sem spili undir söng. Varðeldurinn hefst kl. 9.30 stundvíslega. Semsagt í boði eru Básar eins og þeir gerast bestir.
Af því einhver spurði þá er alveg á hreinu að allir félagar klúbbsins eru velkomnir, hvaða deild sem þeir tilheyra. Vesturlandsdeildinn hefur oft verið drjúg í mætingu í þessa ferð, hvar eru Skagamenn núna?
Kv – Skúli
Eftir að hafa plantað nokkrum birkiplöntum er grill í boði klúbbsins og eftir það er kvöldvaka hjá Útivist.
Það er alltaf varðeldur og er það mjög vinsælt hjá krökkunum
[img:fxxwbuqi]http://www.f4x4.is/new/files/photo/?file=files/photoalbums/3929/32491.jpg[/img:fxxwbuqi]En sumir eru heldur nálægt.
[img:fxxwbuqi]http://www.f4x4.is/new/files/photo/?file=files/photoalbums/3929/32490.jpg[/img:fxxwbuqi]
Kveðja Dagur
Ég verð á ferðinni, en fer eftir vinnu á Laugardag,
er hópur með mér en þeir verða á undan mér,
Er engin af suðurnesjum með eða hvar eru allir,..!kv. ö-1235 – Alli
Nú eru 46 fullornir og 22 börn skráð í Landgræðsluferðina.
Kveðja Dagur
Sæll Dagur,
þér er velkomið að nota myndir úr myndasafni mínu – en mér þykir sjálfsagt að þú létir þess getið hvaðan myndirnar eru.
Ég vonast til að komast – að lágmarki til að dreifa áburði – þetta var ljómandi góð skemmtun í fyrra.
kv. Siggi
Sæll Siggi, ef þú berð myndina frá mér og þína mynd saman þá er þor næstum alveg eins, enda sátu við nokkur saman við varðeldin í fyrra, og tóku myndir af krökkunum.
kveðja Dagur
You must be logged in to reply to this topic.