This topic contains 9 replies, has 1 voice, and was last updated by 
-
Topic
-
Sæl öll.
Leit á síðunni um þessa jepplinga skilaði einum þræði sem fjallaði meira um ákveðið bifreiðaumboð en þessa tilteknu bíla. Þessvegna..
Okkur vantar nýjan frúarbíl, og vegna þess hve Patrolinn hennar hefur reynst vel gegnum árin er frúin ekki til í að setjast ofaní götu en vill þó minni bíl. Vegna þess að ég keyrði lengi ’67 stuttan langar mig í Land Rover en hver er reynslan af Freelander? Er vélaproblem viðvarandi, hvernig reynast þeir o.s.frv.
Kveðja, Hjörleifur.
-
Replies
-
Fyrir nokkrum árum fékk ég svipaða dellu, langaði rosalega í Freelander sem heimilsbíl. Ég dreif mig svo í að prufukeyra einn sem leit ágætlega út, en reyndist alveg hræðilega drusla. Ég samfærði mig um þetta hefði bara verið slæmt eintak og prufaði annað eintak. Hann var helmingi verri en sá fyrsti. Þá spurðist ég aðeins fyrir um þessa bíla, og fékk bara slæmar sögur, og lagði öll áform um Freelander á hilluna. Það virkaði bara annar hver takki í mælaborðinu, en virkni í mælaborðsljósum var full mikil fyrir minn smekk, miðað við að þetta var ekki í kringum jólin sem þessar pælingar áttu sér stað. Eins var slatti af óskýrðum hljóðum sem komu fram í akstri. Síðan voru þeir báðir hund blautir að innan, fyrri bíllinn var myglaður af raka, en hólf undir skottinu í þeim seinni var fullt af vatni, vantaði bara gullfisk í það. Samt soldið flottir bílar.
Góðar stundir
Ég verð að viðurkenna að ég hef aldrei heyrt neinn tala vel um þessa bíla.
Ertu að spá í Freelander eða Freelander 2, sem kom nýr á þessu ári? Það er að vísu ekki komin mikil reynsla á hann, en ég get lofað þér því að upplifunin við að keyra þá er gjörólík.
kv.EE
Það hefur nú viljað loða við þessa fabrikku, að það sé eiginlega ekki alveg búið að ljúka við smíðina á framleiðsluvörunum þegar þær fara á markað. Ein ágætur maður, sem hefur mikið þurft að sinna viðgerðum á Land Rover af öllum typum og módelum hefur það við orð, að þeir hjá Lucas hafi fundið upp myrkrið! Honum finnst rafkerfi þeirra ekki vera til fyrirmyndar sumsé. Það kemur því ekki á óvart að einhverjir rofar séu ekki í lagi.
Já blessaður kallinn hann Lucas er yfirleitt ekkert sérstaklega vinsæll meðal Rover eigenda, ef marka má t.d. breska spjallvefi. Á Defender er þetta ekki svo mikið vandamál með að rofar virki ekki því á honum er einfaldlega lágmarksfjöldi rofa. Ef það er ekki, þá bilar það ekki.
Kv – Skúli
Já….. nei. Þetta er klárlega takmarkað góð hugmynd, bæði hér og annarsstaðar er mér ráðið ákaflega frá þessum bílum. Eins og ég dáði ’67 bílinn minn. Jæja, hvað þá? CRV, Kia, Rav, hvað af þessu virkar?
Hjölli.
Sælir
Eins og einhver nefnir hér þá er himinn og haf milli þess gamla og nýja Freelander sem kom í vor. Sá nýji er skyldur Volvo bara flottari og betri
Muni ég rétt er hann heldur ekki smíðaður í Land Rover verksmiðjunum og heldur lítið eftir af Lúkasi gamla í honum.kv.
Þorsteinn Þ.
(sem langar í svona bíl – notaðan eftir nokkur ár..)
En að skella sér á nýja Suzuki Grand Vitara og skella honum á 35"? Djöfull held ég að það yrði skemmtilegur bíll svona í minni deildinni…
You must be logged in to reply to this topic.