Land Rover

Stórt er spurt og örugglega ekki allir sammála minni greiningu á þessu. Svarið fer kannski eitthvað eftir því hvaða týpu hann er að spá í, Defender eða Discovery. Ég gef mér að það sé Defenderinn, enda er hann hinn hreinræktaði LandRover.
Kostirnir eru náttúrulega að þetta eru eðal bílar framleiddir sem jeppar en ekki hraðbrautardrossíur, hagkvæmir í rekstri, einfaldir þannig að það er yfirleitt hægt að bjarga málum ef eitthvað bilar, hægt að troða ótrúlega miklum farangri í hann (110 týpuna allavega), auðvelt og einfalt að breyta þeim og að stærstum hluta þokkalega sterkt í þeim, þó helst öxlar sem mættu vera sverari. Vélarnar í síðustu árgerðum góðar jeppavélar með gott tork þó þær séu kannski ekki sprækar í upptaki. Þetta á sérstaklega við um tdi300 vélarnar sem eru 4 cyl og voru fram til 1997 eða 1998. Eftir það kom Td5 sem er 5 cyl vél með sama rúmtaki og hin eldri (2,5 lítra) sem er þýðgengari og snarpari upp en ekki með þetta yndislega tork sem sú 4 cyl er með. Í 2007 árg kemur svo vél sem á ættir sínar að rekja til Ford, þekki hana ekki en hef heyrt að hún sé bara býsna góð og torki vel. Einfalir og hráir, lausir við teppi, sjálfvirkni, óþarfa rafmagnsdrasl sem bilar og þannig hentugir í slark (þetta set ég með kostum þó sumir myndu sjálfsagt telja þetta galla). Alvöru stuðari sem hægt er nota sem ísbrjót ef á þarf að halda, ekki eitthvað andsk. plastdrasl sem öllu tröllríður í dag. Bílar með karakter.
Gallar. Léleg miðstöð, en búið að bæta það í 2007 árgerð. Þröngt um stóra menn í bílstjórasætinu (handleggjalangur þurfa helst að aka með opinn glugga en rindlar eins og ég geta látið fara vel um sig þarna, hef aldrei fundið fyrir óþægindum af þessu). Orginal aftursæti tæpast boðleg fullorðnu fólki til langferða (breytt í 2007 árg). Sum eintök óþétt, en þetta er nokkuð mismunandi eftir eintökum. En þetta eru nú svo veigalitlir gallar að það tekur því ekki að nefna það. Svo er það þetta með öxlana sem áður er nefnt, en sjálfum hefur mér ekki tekist að snúa í sundur öxul. Reyndar eru það frekar flangsarnir sem fara, sem er ágætt því það er lítið mál og ódýrt að endurnýja þá og svo er þetta alltaf spurningin um hvernig maður tekur á þeim. Á breyttum bílum er algengt að settir eru ástralskir öxlar sem eru sterkari og betri frágangur á þeim (fást hjá BSA).
2007 árgerðin er komin með nýja innréttingu sem er kannski svolítið nútímalegri (ef það skiptir menn máli!), ný sæti sem mátti vel breytast og sex gíra kassi með extra lágum 1. gír sem hljómar mjög promissing. Margt við þá sem hljómar mjög spennandi.
Kannski segir [url=http://www.mountainfriends.com/html/jokes.html:kj166ye8][b:kj166ye8]þessi speki[/b:kj166ye8][/url:kj166ye8] meira en margt annað um Landrover ;o)
Kv – Skúli

Er frábært tæki, ef geta sætt sig við gallana. Þeir eru flestir þannig að það snýst um innri aðbúnað en það sem mestu máli skiptir er í góðu lagi.

Sú björgunarsveit sem ég hef starfað í síðastliðn 11 ár hefur nú átt svona bíl í nær 8 ár og hefur sá bíll reynst okkur vel, og er aðs vínvirka sem fjallabíll.

Vissulega má far betur um mann og það mætti alveg vera í honum miðstöð svo eitthvað sé nefnt, en einhvernvegin þá gleymist allt þetta þegar komið er á fjöll, og það segir mikið um ágæti bílsins