This topic contains 6 replies, has 1 voice, and was last updated by 
-
Topic
-
Ég er nýr hérna á vefnum og á ekki jeppa eins og er, en langar að fá mér einn slíkan. Ég ætla fyrst og fremst að nota hann í sveitinni og við hestamennskuna, en þarf líka að komast eitthvað í snjó þar sem iðulega verður „ófært“ heim til mín. Og ef maður er kominn út í það, þá er freistandi að geta notað hann líka til að fara á fjöll. Ég var að spá í stuttan Land Rover Defender, breyttan á 35″/36″ (mér skilst að eini munurinn á þessum breytingum séu misbreiðir brettakantar), helst með loftlæsingum. Mín spurning til ykkar jeppagúrúanna er hvort þetta(36″ með læsingum) myndi ekki verða frambærilegt farartæki á fjöllum og líka hvort er betra að vera með gömlu 4 cyl. eða nýju 5 cyl vélina? Einnig væri gaman að vita hvernig þessir bílar hafa reynst, helstu kosti þeirra og galla o.s.frv.
Nýliðakveðja
HP
-
Replies
-
Er enginn þarna úti sem veit neitt um Land Rover? Eða vill enginn leggjast svo lágt að tala við nýliðann (smá grín).
En í alvöru talað þá þætti mér vænt um að fá einhver viðbrögð við spurningunum sem ég setti fram hér áður. Vonandi nennir einhver að miðla af reynslu sinni og þekkingu á þessum bílum.HP
Sælir !
Ég gæti sagt þér margt um Land-Róvera sem eru framleiddir fyrir 1981 en lítið um þessa nýju.
Land-Rover 90 er eitthvað um 1750kg og gæti því eflaust virkað ágætlega á 36" Hann er allavegan með góða fjöðrun og frekar einfaldir í breytingu.
Það er hægt að fá fullt af upplýsingum um vélar og annan búnað í Land-Rover blöðum sm fást í búðum hér, þau heita Land Rover World og Land Rover owner International, þar eru endalausar upplýsingar um Rover, sennilega eru þessi blöð líka með vefsíður.
Svo geta þeir í BSA sagt þér allt um Róver.Ég átti Land-Rover 109 árg 1981 á 33" og ferðaðist mikið á honum en fékk á endanum algerlega nóg af Land-Rover og tilheyrandi fylgi kvillum.
Kveðja O.Ö.
Sælir.
Ég þekki Landróver Defender 110 stw nokkuð en það er sá langi.Þessi er með 4 cyl vélinni og hefur þó nokkuð tog, en aflið að öðruleiti ekkert mjög mikið. Hef heyrt að 5 cyl vélin hafi lítið tog, en þar er hægt að auka aflið verulega með tölvukubb.
Defender 110 stw er með allra duglegustu jeppum á fjöllum, á 38" dekkjum og virkar 4 cyl vélin vel með sínu togi.
Gera má ráð fyrir að stutti bíllinn fari heldur minna í snjó en sá langi og 36" dekk séu algert lámark.
Ef það eru ekki læsingar í bílnum hjálpar að hafa vél með miklu togi.
Landróver 4 cyl eyðir mjög litlu eldsneyti, miðað við sambærilega bíla.
Alltaf er skemtilegra að ferðast í löngum jeppa en stuttum alltaðrar hreyfingar sem fara betur með farþega og farangur, auk þess sem langir bílar fara meira í ófærð.
Arnar.
Björgunarsveitin ‘Arsæll á Tvo Land Rover Defender. Annar er á 38". Sá bíll er með 2.5 5cyl. og þó svo að hann sé fullur af fólki + farangri (6 pers. + drasl) er togið og snerpan í góðu lagi. Svo er auðvitað fjöðrunnin algjör snilld.
Freyr
Anonymous- Umræður: 0
- Svör: 16404
Ég fór í 12 daga ferðalag um Hálendið síðasta sumar
á Land Rover, 38" bíl.
Ég verð að segja að þessi bíll kom mér verulega á óvart.
Þegar ég lagði af stað úr bænum þá voru 8 manns í bílnum
og með kerru aftan í stútfulla af mat og farangri,
en Land Roverinn fór létt með þetta. Þessi bíll er með
gömlu 4 cyl vélinni, en togið í þeirri vél er gríðarlegt.Samkvæmt minni reynslu þá myndi ég segja að kostirnir
við landrover séu;Ótrúlega sparneytin
Gott tog í 4 cyl vélinni
Endingargóð vél ( eitthvað annað en Patrol)
Góð fjöðrun
Rúmgóður
Fljótandi Öxlar
Grófur, Menn eru ekkert stressaðir, ef bíllinn
rispast eða beyglast. "Kemur beyglaður orginal"
Koma orginal með SnorkelÓkostir eru að mínum dómi
Mjög léleg sæti orginal
Leiðinleg miðstöð
þekkt vandamál er að þeir leki í rigningum
Tiltölulega þungur
Ekki með Central LæsingumMeð Kveðju GE
Kærar þakkir fyrir greinargóð svör, þetta er kærkomið í gagnabankann hjá mér. Vonandi hef ég mig svo í að fjárfesta í trukk innan tíðar
Kveðja, HP
You must be logged in to reply to this topic.