Land Rover 1976

af fenginni reynslu af land rover myndi ég ekki setja teppi inní hann. inní þessum annars mjög góðu bílum er yfirleitt jafn mikil rigning og fyrir utan ef það rignir og yfirleitt meiri snjór en fyrir utan þegar snjóar. þetta skapar kvimleið vandamál í teppum sem felast flest í því að vökstur hinna ýmisa gróðurtegunda og annara minni lífvera verður nokkuð vegleg þegar sólin nær að hlýja bílnum að innan á sólríkum dögum.
allar original klæðningar í landanum eru úr ekta gerfileðri og polyurethankvoða sem er vel vatnsfráhrindandi undir. ég veit ekki hvort að hægt er að hjóðeinangra eða yfir höfuð einangra landann eitthvað betur en hann er original. bara fá sér kuldagalla og heyrnahlífar, og vera yfirsig glaður með að aka um á alvöru land rover.
kveðja
siggi sem er stoltur landrovereigandi þó svo landinn sé óökufær á bakvið hlöðu í sveitinni.

Svo er enginn alvöru landrover nema að það sé líflegur mosavöxtur inni í honum. Ef svoleiðis finnst ekki er þetta bara léleg eftirlíking

Sælir,

Það sem hljóðeinangrar er massi, semsagt því þyngri og þykkari sem einangrunin er því betri hljóðeinangrun.

Fyrsta lag sem á að setja er tjörupappi, hægt að kaupa í byko, húsasmiðjunni, svona á rúllu, þetta er semsagt tjörupappi með álfilmu öðru meginn og tjöru lími hinum meginn. Þetta dótarí límist mjög vel á boddy (þetta hjá bílasmiðnum hefur hrunið af hjá mér á Lóðréttum stöðum) því meira því betra, en því meira því þyngra.. hehe.

Næsta lag væri einangrunin sjálf, semsagt einhver þykk og þétt motta (þyngri því betri) sem legðist ofan á tjörupappan.

Efsta lag, teppi, helst þykkt, eða mjög þétt.

Síðan bara gólfmottur.

Varðandi leka og svoleiðis, þá á ég nú það næsta við landrover, Wrangler, en það lekur nú alltaf eitthvað inn og gólfin oftast blaut, ég gafst upp a öðru laginu í bílnum mínum og nota bara tjörupappa og teppi. Það virkar lala en maður verður nú bara að átti sig á því að maður er á tryllitæki sem öskrar nú ágætlega útaf vélinni einni og hvin í dekkjum.

Jæja gangi þér vel.

kv
Gunnar

Ef ég hef skilið það rétt þá er álímdi dúkurinn til að taka hljóð frá boddíinu sjálfu nið,söng og víbring sem það framleiðir að einhverju leyti sjálft við akstur. Millilagið er svo til að dempa hljóð sem fer í gegnum boddíið. Sem sagt vélar- dekkjahljóð og svoleiðins. Þar sem LR er ekki með boddípúða þó er mikilvægara að líma dúkinn á heldur en að setja frauð eða fillt sem millilag. Sem er ágætt því efni sem hljóðeinangrar vel og dregur ekki í sig raka er vandfundið og líklega betra að leggja minni áherslu á milllagið nema nálægt vélinni. Það eru lausar plötur á gólfinu á Land Rover sem ekki má líma yfir þannig að ekki sé hægt að taka þær úr með góðu móti ef þarf að komast að gírkassa seinna meir. Líma bara á hverja plötu fyrir sig.

Án þess að mér lítist neitt á það að ætla að minnka hávaða í gömlum Series III, þá gætu kallarnir hjá Paddocks átt eitthvað handa þér, mig minnir að slóðin sé paddockspares.com. Sjálfur nota ég Peltor eyrnahlífar, grænar hvunndags, en bláar með útvarpsviðtæki (sem að sjálfsögðu er fast still á rás 1) til spari við akstur á mínum Land Róverum. Þetta er svona Mission Impossible dæmi hjá þér væni minn………..

kv. Guðjón, Land Rover eigandi/notandi

Ég átti nú einn Land-Rover 109 og segi eins og margi fleirri hér að heyrnarhlífar er það eina sem virkar. Ég var ávalt með heyrnarhlífar fyrir alla á fyrst farrými.

Eftir að hafa ekið Land-Rovernum í fjögur ár með heyrnarhlífar á langkeyrslu ákvað ég að reyna að hlóðeinangra hann. Ég setti steinull innan á hvalbakinn og undir húddið, tók öll hurðarspjóld úr og bræddi tjörumottur þar á, og límdi svo armaflex svamp þar á eftir. Bræddi tjörumottur í gólfið og margt fleirra. Þetta var heilmikil vinna. Það er skemmst frá því að segja að þetta virkaði ekki neitt á hljóð. Það eina jákvæða var að það hélst ögn heitar inn í honum.

En mín skoðun er sú að hljómurinn (hávaðinn) er hluti af stemningunni.

Kv. Olgeir

Þarna kom Einar Elí með réttu lausnina, bara góðan kraftmagnara og hátalara í stíl. Ef hávaðinn er of mikill, þá er bara að yfirgnæfa hann með skemmtilegri hávaða. Þetta líkar losar mann við allt vesen með handfrjálsan búnað við símann, þú heyrir hvort eð er ekki hringinguna og þarft því ekki að svara. Og samræður í akstri eru bara til að trufla ökumann.
Teppi á ekki heima í Landrover, það hindrar eðlilegt flæði jökulfljóta í gegnum bílinn þegar farið er yfir djúpar ár og er bara til vandræða. Bara góðar gúmmímottur með filti undir, þá er hægt að spúla út úr honum skítinn. Gólfdúkur getur líka virkað vel. Það þarf nefnilega ekki rolluflutninga til að gera hann skítugan, eins og haustið hefur verið þarf ekki mikið að fara til fjalla til að allt verði í skít.
Kv – Skúli