Land Cruiser 80 eða Patrol

Þú verður að fá þér 44 tomu ef þú ætlar að vera á þetta þungum jeppa og ekki í förum. Það er alveg ljóst.

Ef ég man rétt þá eru 10 ár síðan framleiðslu á LC-80 var hætt. Framhásingar og drif á þessum bílum þola ekki þunga bílanna með 44" dekkjum, og það kvað þurfa að taka vélarnar upp (stangarlegur á sveifarásnum) á 30,000 km fresti.

Og það það þarf hrausta pyngju til þess að reka patrol með 3.0 vél, sem komin er úr ábyrgð. Það eru betri kostir í boði heldur en þessir tveir.

-Einar

Það eru engin vandamál á LC80 24v hvorki stangalegu né annað, þetta er hugsanlega einn traustasti, aflmesti og sparsamasti motorin sem er notaður í þessari jeppa flóru hér heima. Eini veikleikin sem LC80 hefur er að hann hefur ekki sterkt framdrif og að sama skapi hefur Patrol sína galla sem eru síður en svo betri þannig að það má pæla fram og til baka…

Svona eftir einn kaffibolla og smá pælingar þá gæti einnig verið sniðugt að spá í LC90 og þá breyta honum á þá veru að setja hásingar af volvo c303 undir og 38-42" þetta dæmi gæti verið spennandi og svona jeppi myndi ekki drífa minna en LC80 eða patrol á 44" þvert á móti eflaust meira. Eða hvað heldur þú Guðni á sigló.

Viltu skýra okkur patrolmönnum, hvað þú átt við með þessu síðasta innleggi þínu.

Kveðja.
Elli.

Þið bræður í Toy bullið bara eins og venjulega.
Ég vil ráðleggjja fyrirspyrjenda að fara í túr með félögum á mismunandi bílum og fá þannig eigin reynslu. Síðan er að taka ákvörðun sem þú ert sáttur við.

Kveðja.
Elli.

Sæll aftur, ég held að menn ættu að hafa eitt og annað í huga áður en þeir kaupa sér patrol. ( ps mér er persónulega nokkuð sama hvaða merki er á mínu bíl svo lengi sem hann uppfyllir mínar kröfur) Þar af leiðandi er ég gjörsneiddur þessum Patrol/ toyota ríg og bulli. Að vera á 3.0 lítar Patrol er álíka gáfulegt og taka þátt í maraþon með hjartagalla og stefna á sigur. Það er dæmt til þess að fara illa. Patrol er einfaldlega með ónýtar vélar, varahlutaverð eingöngu á færi mann í íslenskri útrás erlendis. Þ.a.s ef varahluturinn er til hjá pöntunarfélaginu Ingvari Helgasyni einsog patrolmenn kalla þetta umboð. Ég hef smá reynslu af því, þar sem ég er með Isussu vél. Ekkert til af því sem mig hefur vantað.
Við í Rottugenginu erum 10 á jafn mörgum jeppum. Þar af eru 4 Patrolar. Á liðnu ári er búiða að tak upp eða skipta um vélar í 75% þeirra en engum af hinum og eru það jeppar af ýmsum tegundum. Svo hugsaðu þig vel um áður er þú ferð og kaupir Patrol. Ella vinkona mín, getur sagt þér söguna af því þegar upptekningin á vélinni og túrbínu í hennar Patrol kostaði 1250.000. Það er hægt að kaupa mörg Toyota drif fyrir þann pening.

Svona að öllu gríni sleptu ef ég á að gefa þér eitthvað marktækt ráð burt séð frá Toy versus patr. þá væri það að fara á sölur og fá að prufa jeppa og kaupa þann sem þú fílar mest. Og mæli ég eindreigið með að þú skoðir frekar eldri gerðir af patrol þ.e 92-97 árg og í LC80 þá ef þú kemst yfir 24v þá er það betri kostur fram yfir 12v. Drifgetan ræðst svo á ökumaninnum.
Leifi mér þó strags að óska þér til hamingju með nýja LC80

1995 og sennilega er ennþá 24v vélar í LC80 bílunum sem eru framleiddir fyrir ákveðin markaðssvæði enn þann dag í dag 😉

Ég var í þessum sömu sporum fyrir 5 árum, og gaf mér góðann tíma í valið. Endanlega valið var Cruiser 80.

Jújú….rökin með og móti cruiser eða patta voru mímörg.

Cruiserinn hafði það á móti sér að það þurfti að skipta um stangalegur í sirka 150 þúsund kílómetrum annars færi illa og eftir það í sirka 100þ kílómetra fresti svona til öryggis. Framhásingin væri ekki nógu sterk í crusernum, var einn punkturinn. En aftur á móti þá væri þar nægt vélarafl og annað kram frekar sterkt og bíllinn alveg draumur að öðru leiti.

Nú pattinn hafði það með sér að vera með sterkar hásingar og engar sögur fóru af kassavandræðum en vélarnar voru hlutir sem af fóru vægst sagt slæmar sögur. Þær voru hrynjandi út og suður og verksmiðjan skipti út vélum í einhvejum módelum. Heddin voru að springa og enginn patrol komst eitthvað til ára sinna sem hafði verið breittur öðru vísi en að vélin hafði ekki hrunið eða heddin. Annað með pattann var það að enginn gortaði af kraftinum, þær voru vélarvana miðað við stærð og þyngd bílsins.

Að velja milli þessara tveggja kosta var ekki auðvelt fyrir mig fyrr en ég fékk að keira báðar þessar tegundir. Þá fann ég muninn og hreinlega nennti ekki og gat ekki hugsað mér að kaupa bíl sem ég ætlaði að eiga í mörg ár og væri alveg vélarvana.

Ég er búinn að vera lengi í vélsleðamennskunni og það leiðinlegasta sem maður lendir í er að vera á kraftlausu tæki. Því varð valið Cruserinn hjá mér og ég sé ekki eftir því, þó hann sé kannski ekki fullkominn en kostirnir eru mun fleiri að mínu mati en í pattanum.

Kv ice