This topic contains 13 replies, has 1 voice, and was last updated by 
-
Topic
-
Var á ferð inn í Þórsmörk um helgina. Þá gerðist þetta sem sjá má á myndinni hér að neðan.
Óbreyttur Ford Explorer jeppi sem kom stuttu á eftir mér yfir Krossá á móts við Húsadal feilaði aðeins á vaðinu svo nam einhverjum 20 m og afleiðingarnar urðu eins og sjá má hér að neðan. EF farið hefði verið á réttum stað þá hefði þetta verið barnaleikur, enda ekki mikið í ánni. En óreyndir verða oft stressaðir við svona aðstæður og gera því mistök þrátt fyrir að farið hafi verið á undan viðkomandi og rétta leiðin vörðuð.
Sem betur fer var ég með spotta tilbúin réttum megin við ánna og var því snöggur að koma í hann spotta og festa við bílinn hjá mér þannig að hann fór ekki ekki langt(dautt á bílnum og fastur í Park). Annars hefði hann verið fljótur að fljóta áfram niður úr, en nóg um það.
Lærdómurinn af þessu var hinsvegar sá að það var akkúrat ekkert hægt að festa spottan í framan á þessum bíl, nema hjólafestingarnar sem svo bognuðu þegar bíllinn var dreginn upp.
Því segi ég einfaldlega að ef menn ætla í eitthvað sull með bílana sína og ætlast til að þeir fái nokkurnveginn tjónlausan björgunardrátt. Að menn hafi alla vega eitthvað til að hnýta í, það er nefnilega helvíti kalt að liggja meira og minna ofan í kaldri jökulá, þreifandi fyrir sér með eitthvað til að binda í, þegar hver mínúta skiptir máli og ekki síst ef ekki á að stórskemma bílana.
Á endanum fór svo að ég varð að fá bíl til víðbótar til að hnýta framan í bílinn hjá mér og toga fórnarlambið á þurrt (ég prísaði mig sælan af hafa látið sjóða undir prófíltengi framan á bílinn hjá mér í vetur). En allir sluppu heilir og lítið blautir og tjónið á bílnum virðist vera með minnsta móti. En vonandi læra menn eitthvað af þessu.
stv.
-
Replies
-
Það er rétt hjá Sigga að á nýrri bílum eru als engar festingar undir að framan,og aðrar þannig faldar á bak við plast svo að lookið sé í lagi.
En hvað skal til ráða?????.
Ég hef sjaldan séð menn tryggja sig með því að setja spottan í áður en farið er í ánna,og ef það er gert eru fæstir á hinum bakkanum sem eru með það á kláru hvers vegna er verið að hengja spottann framan í,og hrúgast allir á bakkann til að fylgjast með,í stað þess að gera einn bíl klárann og manskap til að vaða eftir spottanum ef illa fer,það getur tekið verulega í mann í ánni,þó ekki þurfi að kafa til að leita að festingu sem kanske ekki er til staðar.
Og því miður er það sorgleg staðreynd að allir vanir sem óvanir geta lent í vatnasulli sem ekki á teikniborðinu svona í upphafi ferða.
En til hvers að vera svo sem að setja þetta inn engin,nennir að fara eftir þessu,ættlast svo til að þeim sé bjargað og bílnum með og kæra jafnvel bjargvættin ef bíllinn skemmist í átökunum.
Kv Klakinn.
ps annars er gott að vera með keðjulása(viðurkenda og með brotmarki stimpluðu á)til að festa í þann sem þarf að draga
Er ekki eini lærdómurinn af þessu að stór dekk eru betri ??? Hann hefði farið upp á 38"+ ?? Er það ekki?
kv:Kalli vatnamaður
ps: Klaki þú hefðir nú bara skuttlað þér útí og reddað málunum,sérstaklega ef að fagurt fljóð hefði verið í vanda.?????
Ekki spurning Kalli minn ég hefði bara tekið bílin á bakið og borið hann í land og lagað bindið og greiðsluna á meðan með lausu hendini.
KlakinnCOOOOOL
Mér sýnist nú í fljótu bragði að það sé ekkert eitt rétt í svona málum. Dekkjastærð, snorkel ekki snorkel, bílstjórinn/reynsla/lesa vatnið, læsingar, óheppni eða hvað sem við hverju sinni.
Málið er kannski að gera bara ráð fyrir að svona lagað geti gerst. Bílar fljóta upp þó svo þeir séu 38". Ég átti eitt sinn samtal við einn sem lenti í veseni í Vatnsdalsá fyrir nokkrum árum vegna vatnavaxta og varð á endanum að keyra niður ánna einhverja hundruð metra…
Málið er að vera búin að hugsa aðeins út í að eitthvað geti gerst í svona vatnasulli og hvort bíllinn þinn eða bíll ferðafélaga eða þeirra sem þú rekst á sé yfirhöfuð "hæfur" s.s. til einfaldra grunnatriða s.s. spottaíbindingar. Og ef illa fer við vatnasull hvernig ætti að bregðast við. Reka í bakk? bensínið í botn áfram? Keyra niður ánna? slökkva á bílnum til að eyðileggja ekki vélina? Vera með spottan tilbúin og hafa undanfara ef maður er ekki vanur, eða á einhvern hátt óöruggur. Vaða yfir fyrst?
Það er sjaldnast mikill tími til að hugsa það er nokkuð ljóst.Lesa sér til? t.d. Jeppar á fjöllum
eða http://www.gopfrettir.net/skb_ndx.htmKannski er aðalatriðið að vera alltaf soltið hræddur
"…Its better to be alive chicken than a dead hero!…"
Hjá þér Siggi,það geta allir lent í erfiðleikum í ám,og hafa allar tegundir faratækja átt sinn dag í ánni,og allflestir bílstjórar fengið að kenna á þvi í ánnum.
En það breytir engu um það að gera þær öryggisráðstafanir sem tiltækar eru hverju sinni.
Eins og þú segir "better safe than sorry"Klakinn
11.júni 2006
Patti sem smellti sér yfir á vitlausum stað og dó á uppleiðinni. En þökk sé snöggum traktorsakandi skálaverði þá var hann dreginn fljótt á land.
[img:ft34c73t]http://www.f4x4.is/new/files/photoalbums/4578/32410.jpg[/img:ft34c73t]
Þessi linkur er réttari: [url=http://www.gopfrettir.net/g_vinir/ferdir/_vod.htm:1o8x12dn]http://www.gopfrettir.net/g_vinir/ferdir/_vod.htm[/url:1o8x12dn]
Ég lenti oft í því að draga bíla upp úr ánum í Þórsmörk á þeim tíma þegar ég hafði atvinnu af því að aka rútum, og veruleg stór hluti af þeim hafði stoppað af því að menn voru að reyna að aka upp á móti straumi. Fyrir utan að þurfa að vinna á móti nokkrum tonnum af vatni á fullri ferð (í stað þess að láta þau vinna með sér) þá er hæðarmunurinn á vatninu straummegin og skjólmegin talsverður eins og sést vel á meðfylgjandi mynd og getur munað öllu hvað varðar það hvort mótorinn tekur inn vatn eða ekki. Á þessum bíl er loftintakið á orginal stað bak við grillið hægra megin þannig að menn geta ímyndað sér hvað hefði skeð hefði ég snúið honum upp í strauminn. [img:1qehi9cy]http://www.f4x4.is/new/files/photoalbums/3985/26732.jpg[/img:1qehi9cy]
Það er svo sem gott og blessað að vaða ár en straumvötn eru bara þess eðlis að það er alls ekkert víst að áin leyfi þér að fara eftir þeirri línu sem þú varst búinn að ákveða á bakkanum, hún getur vel átt það til að senda þig miklu neðar heldur en þú hafðir hugsað þér.
[img:309589f7]http://us10.pixagogo.com/S5yfZ0qxqd1GQU5P7Pd7aWZ0GAZfHXTgoiUNbowwDOwbAi8oDqjQwMvePipx0xRk4hZjd9pV5OIcRxKEuvEm3!3KW1dxW6Dp5j2sjEgHckwuo_/swimming.jpg[/img:309589f7]
Svona ein hér til viðbótar til að lýsa þessum líka skemmtilegu vinnuaðstæðum.
Skrýtið hvað Krossá getur verið mikill skaðvaldur við aðstæður sem oftast virðast vera í lagi fyrirfram ef marka má þær myndir sem ég hef séð í gegnum tíðana af föstum bilum í ánni. Eitt það skýtnasta sem ég hef séð þegar þurfti að draga upp háan 4×4 E350 upp úr Lindánni við Herðabreiðalindir með vatn í föstun dísel mótor þegar það var Subaru færi yfir. Leit út fyrir að vera skemmtilegt dæmi því þegar horft var á vélina þá sást frostlögur leka undan öðru heddinu og hefur vélin a.m.k. sprengt heddpakkningu eða teygt á heddboltum í látunum við að fara yfir. En talandi um myndir. Það er myndaalbúm með gömlum myndum, sem liggur frammi í skála F.Í. í Langadal, sem hafa verið teknar af föstum ökutækjum í ánni. Margar myndirnar eru ótrúlegar, jafnvel trukkar og fjallarútur sem eru við það að hverfa í vatn og aur.
Ja mikið held ég að Sigga minum hafi kólnað á afturendanum svo ekki sé talað um annað,við þessar æfingar,en hann er vanur og telur það ekki eftir sér að blotna aðeins í fæturnar,þó ofar fari.
Jú í Langadal eru myndir til af ótrúlegum svaðiförum í Krossá og það jafnvel af gömlum vatnahundum í vandræðum,eins er með Lónið og Steinholtsá.
Það er til ein hundrað prósent aðferð til að fást við árnar,vertu ekki að fara yfir,þá ske’ður ekki neitt.
Klakinn
Þegar ég byrjaði að busla í ám þá fékk ég gott ráð sem hefur dugað mér fullkomlega. Það er að fara ofaní öðrum megin og uppúr hinum megin
–
JHG
það er annað fara ofaní svo er hitt að komast upp úr það
er ekki alltaf svo auðvelt . Mér var kennt að meta aðsæður
og vaða út í , það breiti engu hvort þú er einn eða með
fleirum í ferð það er alltaf þú sem ræður hvort verður farið útí
og engan að saka ef ílla fer . þar sem ár eru er alltaf hætta
og einkvað sem getur farið úrskeiðis.það er engin minni maður að stoppa og fara ekki lengra eða bara snúa við .
Ég ferðast oft einn og hef það að leiðarljósi fara sér hægt
og komast þó og vera ekki á einhverju GUDDUGANNI og
seija stopp lengra verður ekki farið í þetta sinn og snúa við
reini betur næst ..þeir sem fara yfir Krosá eiga vita að hún
er síbreitileg og vaðið sem var notað er kanski ekki fært þegar á að fara til baka .kv,,, MHN
You must be logged in to reply to this topic.